Тоодогу жылкылар. Архив

39 жылкы, 26 топоз жетпейт. Ала-Арча паркында мыйзам бузуу аныкталды

(жаңыланган 17:55 19.03.2021)
Сотко чейинки териштирүүнүн алкагында, парктын балансында турган мал-жандыктын саны эсептелип, 39 баш жылкы жана 26 баш топоз жетпей калган.

БИШКЕК, 19-мар. — Sputnik. Президенттин жана өкмөттүн иш башкармалыгына караштуу Ала-Арча мамлекеттик жаратылыш паркында одоно мыйзам бузуу аныкталды. Бул тууралуу УКМКнын маалымат кызматы кабарлады.

Сотко чейинки териштирүүнүн алкагында парктын балансында турган мал-жандыктын саны эсептелип, 39 баш жылкы жана 26 баш топоз жетишпегендиги аныкталган.

Мыйзамсыз иш-аракеттердин натыйжасында мамлекетке 3,7 миллион сомдон ашык зыян келтирилген.

Бул факт боюнча Жазык кодексинин 205-беренесинин 3-бөлүмү ("Ишенип берилген мүлктү өзүнө ыйгарып алуу") менен кылмыш иши козголуп, тергөө жүргүзүлүп жатканы айтылды.

Белгилер:
коррупция, УКМК, Ала-Арча капчыгайы, текшерүү, мыйзам
Тема боюнча
"Гансини" обсервацияга айлантууга бөлүнгөн акчадан 2,5 млн. сом уурдалганы айтылды
"Кумтөрдүн" акчасын башкага жумшап... Ысык-Көлдү өнүктүрүү фондундагы коррупция
Кыргыз эл артисти, композитор Муратбек Бегалиев

Бегалиев: музыка талдоочулар бизде жокко эсе

(жаңыланган 23:06 16.04.2021)
Кыргыз эл артисти, композитор Муратбек Бегалиев Кыргызстанда музыка таануучулардын, талдоочулардын саны жокко эсе экендигин айтты.

Музыканы талдап, ага туура баа берип, сапаттуу, уникалдуу чыгарманын жаралышында музыка таануучулардын орду эбегейсиз. Мындай пикирин Муратбек Бегалиев Sputnik Кыргызстан радиосунун эфиринде маек куруп жатып билдирди.

Бегалиев: музыка талдоочулар бизде жокко эсе

Анын айтымында, музыкалык билим берүүнү жакшыртып, кесипкөй музыка талдоочуларды таптап чыгаруу зарыл.

"Кыргыз улуттук консерваториясы түптөлүп жатканда эле окуу жайда музыка талдоочуларды, музыка таануучуларды окутуу зарылчылыгын көтөрүп чыктым эле. Анткени музыканы туура талдап, тандап бере турчулар ошолор. Музыка таануучу деген азыр бизде жок. Бул көйгөйдүн себеби  — музыка таануучу абдан оор окуу. Алар аткаруучуну, композитор, дирижёрдун ишин талдап, баа берип, сындай турган адамдар. Мындай адистер универсал болуп, музыканын ийне-жибине чейин билиши керек. Ошондуктан жаштар аны окубай жатышат. Музыка таануучуларга муктаждыгыбыз чоң", — деди Бегалиев.

Ошондой эле композитор музыка көп убакытты талап кылган абдан татаал окуу экендигин кошумчалады.

Белгилер:
искусство, саясат таануучу, музыка, композитор, Муратбек Бегалиев
Тема боюнча
Рыспай Абдыкадыровдун тун кызы Алтынчач: атамдын каза болгонун теледен уккам
Митингтеги болгон медицина кызматкерлер биринчи вице-премьер Артем Новиков менен

Митингге чыккан медиктер менен бийлик кандай келишимге келди

(жаңыланган 23:06 16.04.2021)
Новиковдун айтымында, медицина кызматкерлеринин базалык эмгек акыларын төлөөдө бийлик мамлекеттин реалдуу мүмкүнчүлүктөрүнө таянат.

БИШКЕК, 16-апр. — Sputnik. Бүгүн Бишкекте өткөн митингге байланыштуу эртең Саламаттык сактоо жана социалдык өнүктүрүү министрлигинде кеңири жолугушуу болот. Бул тууралуу өкмөттүн маалымат кызматы кабарлады.

  • Медицинские работники, вышедшие на митинг к белому дому на встрече с вице-премьер-министром КР. 16 апреля 2021 года
    Бүгүн ондогон медицина кызматкерлери Ак үйдүн жана өкмөт үйүнүн жанында акция өткөрүштү. Алар буга чейин кенемте төлөө жана маянаны жогорулатуу боюнча бийликтин убадаларынын аткарылышын талап кылышты
    © Пресс-служба правительства / Алишер Алиев
  • Первый вице-премьер-министр КР Артем Новиков встретился с медицинскими работниками, вышедшими на митинг к белому дому. 16 апреля 2021 года
    Митингчилерди биринчи вице-премьер Артем Новиков кабыл алды. Ал медиктерге компенсация төлөө боюнча маселенин үстүндө атайын комиссия иштеп жатканын белгиледи
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Бүгүн ондогон медицина кызматкерлери Ак үйдүн жана өкмөт үйүнүн жанында акция өткөрүштү. Алар буга чейин кенемте төлөө жана маянаны жогорулатуу боюнча бийликтин убадаларынын аткарылышын талап кылышты

Бүгүн ондогон медицина кызматкерлери Ак үйдүн жана өкмөт үйүнүн жанында акция өткөрүштү. Алар буга чейин кенемте төлөө жана маянаны жогорулатуу боюнча бийликтин убадаларынын аткарылышын талап кылышты. Митингчилерди биринчи вице-премьер Артем Новиков кабыл алды.

Ал медиктерге компенсация төлөө боюнча маселенин үстүндө атайын комиссия иштеп жатканын белгиледи.

"Эртең Саламаттык сактоо министрлигинде биз медицина кызматкерлеринин, министрликтердин өкүлдөрүнүн, кенемтелерди төлөө боюнча комиссия мүчөлөрүнүн жолугушуусун өткөрөбүз. Анда көйгөйлүү маселелердин баары кылдат изилденет. Биз өз кезегинде компенсацияларды төлөө боюнча маселенин мүмкүн болушунча тезирээк чечилиши үчүн болгон аракеттерди көрөбүз. Экономика жана финансы министрлиги медициналык кызматкерлердин базалык эмгек акысын жогорулатуу маселелери боюнча тийиштүү эсептөөлөрдү жүргүзөт. Биз мамлекеттин реалдуу мүмкүнчүлүктөрүнө таянабыз", — деген Новиков.

Медиктер пандемияда кызматтык милдетин аткарууда коронавирус илдетин жуктуруп алгандарга компенсация төлөө, эмгек акынын аздыгы, коргоо жана коопсуздук кепилдигине байланышкан көйгөйлөрдү ортого салышты.

Белгилер:
Кыргызстан, Бишкек, Артем Новиков, медик, митинг
Тема боюнча
Кыргызстандын аэропортторуна чектөөлөр киргизилүүдө
Милиция таяк жеп жатат, Бишкекке дагы 4 РИИБ ачалы. Рысалиевдин сунушу видеодо
Жапаров бир катар медиктердин айлыгын көтөрдү