Кытай COVID-19га каршы 150 миң доза SinoPfarm вакцинасын Кыргызстанга акысыз берди

Кытай вакцинасын Кыргызстан кантип тосуп алды. Сүрөт

(жаңыланган 18:35 19.03.2021)
Буга чейин саламаттык сактоо жана социалдык өнүктүрүү министри Алымкадыр Бейшеналиев гуманитардык жардам иретинде Россиядан 500 миң доза "Спутник V" вакцинасы келе турганын дагы айткан.

БИШКЕК, 19-мар. — Sputnik. Кытай Кыргызстанга COVID-19га каршы 150 миң доза SinoPfarm вакцинасын акысыз берип, жүк бүгүн Бишкекке алып келинди. Гуманитардык жардамды кабыл алуу аземине премьер-министр Улукбек Марипов катышканын өкмөттүн маалымат кызматы билдирди.

  • 150 тысяч доз китайской вакцины от COVID-19 SinoPfarm переданные Кыргызстану
    Кытай Кыргызстанга COVID-19га каршы 150 миң доза SinoPfarm вакцинасын акысыз берип, жүк бүгүн Бишкекке алып келинди
    © Пресс-служба правительства / Алишер Алиев
  • Гуманитардык жардамды кабыл алуу аземине премьер-министр Улукбек Марипов катышканын өкмөттүн маалымат кызматы билдирди
    Гуманитардык жардамды кабыл алуу аземине премьер-министр Улукбек Марипов катышканын өкмөттүн маалымат кызматы билдирди
    © Пресс-служба правительства / Алишер Алиев
  • Премьер-министр КР Улукбек Марипов принял участие в церемонии передачи 150 тысяч доз китайской вакцины от COVID-19 SinoPfarm
    Ал эми жардамды тапшырып жаткан Кытайдын Кыргызстандагы элчиси Ду Дэвэнь гуманитардык көмөк көрсөтүүнүн маанилүүлүгүн белгиледи
    © Пресс-служба правительства / Алишер Алиев
  • Премьер-министр КР Улукбек Марипов принял участие в церемонии передачи 150 тысяч доз китайской вакцины от COVID-19 SinoPfarm
    Буга чейин саламаттык сактоо жана социалдык өнүктүрүү министри Алымкадыр Бейшеналиев гуманитардык жардам иретинде Россиядан да 500 миң доза "Спутник V" вакцинасы келе турганын айткан
    © Пресс-служба правительства / Алишер Алиев
1 / 4
© Пресс-служба правительства / Алишер Алиев
Кытай Кыргызстанга COVID-19га каршы 150 миң доза SinoPfarm вакцинасын акысыз берип, жүк бүгүн Бишкекке алып келинди
"COVID-19 пандемиясы көрсөткөндөй, бир дагы өлкө вируска каршы өз алдынча күрөшө албайт. Кыргызстан коронавирус инфекциясына каршы жеке күч-аракети, ошондой эле эл аралык өнөктөштөрдүн көмөгүнө таянуу аркылуу күрөшүүдө. Кытай мамлекети өз жериндеги жөнөкөй эмес эпидемиологиялык абалга карабастан, кыргыз элине олуттуу гуманитардык көмөк көрсөтүүсүн улантууда", — деди Марипов.

Ал эми жардамды тапшырып жаткан Кытайдын Кыргызстандагы элчиси Ду Дэвэнь гуманитардык көмөк көрсөтүүнүн маанилүүлүгүн белгиледи.

"Кытайдын кыргыз тарапка вакцинаны акысыз берүү чечими эки өлкө ортосундагы достук мамилелерди билдирет жана стратегиялык өнөктөштүктүн жогорку деңгээлин көрсөтүп турат. Вакциналар кыргыз тарапка эпидемияга каршы күрөшүүдө жардам берет деп ишенемин", — деди элчи.

Буга чейин саламаттык сактоо жана социалдык өнүктүрүү министри Алымкадыр Бейшеналиев гуманитардык жардам иретинде Россиядан да 500 миң доза "Спутник V" вакцинасы келе турганын айткан.

Белгилер:
гуманитардык жардам, вакцина, коронавирус, Кыргызстан, Кытай
Тема:
Коронавируска байланыштуу Кыргызстандагы кырдаал (2672)
Тема боюнча
Бейшеналиев: COVID-19га каршы эмдөө жүргүзүү үчүн медиктер окуудан өттү
Министр КРде COVID-19га каршы вакцина акы төлөгөн учурда канча турарын айтты
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар