Асманда жүргүнчү учагы. Архив

Минскиден Бишкек менен Ошко түз авиакаттам ачылышы күтүлүүдө

(жаңыланган 22:20 19.03.2021)
Кыргызстандын Беларустагы элчиси Бишкек – Минск – Бишкек жана Ош – Минск – Ош маршруттары боюнча аба каттамын Avia Traffic Company компаниясы аткарышы пландалып жатканын билдирген.

БИШКЕК, 19-мар. — Sputnik. Кыргызстан менен Беларустун ортосунда түз аба каттамы ачылышы күтүлүүдө. Бул тууралуу Беларустун транспорт жана коммуникация министрлигинин сайтында жазылган.

Билдирмеге караганда, 18-март күнү Беларустун авиация департаментинин жетекчиси Артем Сикорский менен Кыргызстандын Беларустагы элчиси Эрмек Ибрагимов жолугушкан.

Тараптар эки өлкөнүн ортосунда түз аба каттамын уюштуруу маселесин талкуулашкан.

Ибрагимов Бишкек – Минск – Бишкек жана Ош – Минск – Ош маршруттары боюнча аба каттамын Avia Traffic Company компаниясы аткарышы пландалып жатканын белгилеген.

Тараптар авиакаттамдын ачылышына эки өлкө тең кызыкдар экенин билдирип, бул жааттагы актуалдуу маселелерди талкуулашкан.

Белгилер:
элчи, аба каттам, Беларусь, Кыргызстан
Тема боюнча
Бир авиакомпанияда билет калган жок. Бишкек — Москва каттамынын баалары
Түркия туристтер үчүн өлкөгө кирүү эрежесин өзгөрттү
Премьер Сауд Аравиянын элчисине түз авиакаттам ачууну сунуштады
ТИМге караштуу Консулдук кызмат департаментинин директорунун орун басары Бахтияр Шакиров. Архив

Министр Бейшеналиев ТИМ кызматкери эмнеден каза болгонун айтты

(жаңыланган 17:50 14.04.2021)
Министр дипломатка кичинекей балдар жаткан жерден тамчылатма ийне саюу чоң катачылык болгонун белгиледи.

БИШКЕК, 14-апр. — Sputnik. ТИМге караштуу Консулдук кызмат департаментинин директорунун орун басары Бахтияр Шакиров анафилактикалык шоктон каза болгон. Бул тууралуу саламаттык сактоо жана социалдык өнүктүрүү министри Алымкадыр Бейшеналиев "Парламент сабактары" берүүсүндө билдирди.

Белгилей кетсек, дипломат 1-апрель күнү Бишкектеги Эне жана баланы коргоо улуттук борборунда көз жумган. Министр анын өлүмүнүн диагнозу соттук-медициналык экспертизада далилденгенин билдирди.

"39 жаштагы ТИМ кызматкерин жаш балдардын жанына жаткырып, антибиотик сайган. Ал анафилактикалык шоктон каза болуптур. Ошон үчүн ал оорукананын директорун, башкы дарыгерин, антибиотик сайылган лор бөлүмүнүн башчысын жана медайымды тергөө бүткөнгө чейин жумуштан бошоттум. Себеби мындай кырсык болбошу керек эле. Биринчиден, кичинекей балдар жаткан жерге алып барып тамчылатма ийне саюу — чоң ката. Экинчиден, антибиотик сайганда алдын ала текшерип көрүш керек болчу", — деди Бейшеналиев.

Эске салсак, Саламаттык сактоо министрлигинин мурдагы өкүлү Елена Баялинова Шакиров Кыргызстанга Кытайдан келген SinoPfarm вакцинасын алгачкылардан болуп алгандардын бири экенин айтып чыккан эле.

Ал эми Республикалык иммундук профилактика борборунун директору Гүлбара Ишенапысова маркумдун аты эмделгендердин тизмесинде жок экенин билдирген. Министрлик Республикалык соттук-медициналык экспертиза борборунун адистери сөөктү карап чыккан учурда эмдөөдө сайылчу ийненин изин таппаганын, акыркы жыйынтык 14 күндүн ичинде белгилүү болорун маалымдаган.

Ал эми Кытайдын Кыргызстандагы элчилиги такталбаган мындай маалымат эки өлкөнүн достугуна көлөкө түшүрүп жатканын билдирген.

Белгилер:
Алымкадыр Бейшеналиев, өлүм, кызматкер, ТИМ
Тема боюнча
ТИМ кызматкеринин ооруканадагы өлүмү. Милиция окуянын чоо-жайын айтты
Автоунаанын мамлекеттик номерлери. Архив

Кыргызстан жараксыз автоунаа номерлерин темир катары 12 млн. сомго сатты

(жаңыланган 16:30 14.04.2021)
2018-жылдан бери кампаларга салмагы 143 тонналык утилизацияланган автономерлер толуп калган. Аны сатууга аукцион уюштурулду.

БИШКЕК, 14-апр. — Sputnik. 143 миң тонна колдонулган жана жарактан чыккан мамлекеттик белгилер темир-тезек катары 11 миллион 920 миң сомго сатылды. Бул тууралуу Мамлекеттик каттоо кызматынан билдиришти.

Маалыматка караганда, бүгүн, 14-апрелде, колдонулган жана жарактан чыккан мамлекеттик белгилерди сатуу боюнча аукцион болуп өттү. Аны Мамлекеттик каттоо кызматынын алдындагы "Унаа" ишканасы уюштурган. 1 килограмм алюминийдин баштапкы баасы 65 сом деп бааланган. Соодалашуунун натыйжасында 83 сом 23 тыйындан сатылды.

"Аукциондун жыйынтыгында 143 миң 280 килограмм болгон темир-тезек 11 миллион 920,9 миң сомго сатылды", — деп айтылат маалыматта.

"Унаа" муниципалдык ишканасынын жетекчисинин орун басары Бакыт Шералиевдин айтымында, 2018-жылдан бери кампаларга салмагы 143 тонналык утилизацияланган автономерлер толуп калган. Түшкөн каражат мамлекеттик бюджетке которулат.

Белгилер:
алюминий, темир, мамлекеттик номер, аукцион, автоунаа, Кыргызстан
Тема боюнча
Кыргызстандан темир-тезек экспорттоого тыюу салган токтом чыкты
Министрлик: Абхазиянын номери тагылган унааларды мамлекет алып коюшу мүмкүн