Дарыгер аялдын басымын өлчөп жатат. Архив

Гипертония менен жабыркагандар дарыларды 50 пайыз арзан алышат. Тизме

(жаңыланган 11:34 20.03.2021)
Арзандатуу камсыздандырылган, үй-бүлөлүк медицина борборунда катталган жана дарыгер көрсөтмө берген бейтаптарга каралган.

БИШКЕК, 20-мар. — Sputnik. Гипертониялык оорулар менен жабыркаган бейтаптар дарыларга жеңилдик берүү программасы боюнча дары-дармектерди 50 пайыз арзан ала алат. Бул туурасында Милдеттүү медициналык камсыздандыруу фондунун (ММКФ) маалымат кызматы билдирди.

Мындай арзандатууну камсыздандырылган жана үй-бүлөлүк медицина борборунда катталган бейтаптар колдоно алат. Жеңилдик берилген препараттар МККФ менен келишим түзүлгөн дарыканаларда сатылат.

Көрсөтмө менен сатып алууга боло турган дарылардын тизмеси:

  • Ацетилсалицил кислотасы (же ацекардол, аспикард, аспирин кардио, тромбо АСС, тромбопол);
  • Амлодипин (же адипин, амлорус, амод, авторекс, тенокс, короним, амлокс);
  • Аторвастатин (же арвастатин, аторек, аторвакор, аестатор, арвастатин, аторис, торвитин);
  • Бисопролол (же беландж, бидоп, бисомор, бисопрол, бисопролол ЛЕК, бисотекса, конкор, конкор кор, эмкор, нипертен, ризопрол);
  • Изосорбида динитрат (же кардикет, изо-мик, изокет);
  • Индапамид (же арифон ретард, индабрю, индапамид СР, индапамид, индап, флюпамид SR, SR-индамед);
  • Лизиноприл (же багровен, лизинокор, лизиноприл, листрил);
  • Нифедипин (же кордипин ретард, нифекард ХЛ, коринфарм);
  • Эналаприл (же берлиприл 10, карлон, эдниприл, эднит, Эналаприл-АКОС, энап);
  • Эналаприл+гидрохлортиазид (же карлон плюс, энап-Н, энап-НЛ);
  • Гидрохлортиазид.

Милдеттүү медициналык камсыздандыруу фонду камсыздандырылбаган бейтаптар гипертониялык оорулар боюнча берген дарыгердин көрсөтмөсү менен алса болорун белгиледи.

Арзандатылган дарылардын тизмеси менен МККФтин сайтынан дагы таанышууга болот.

Бардык суроолор боюнча фонддун 113 түз байланышы аркылуу жооп алууга шарт түзүлгөн. Бардык мобилдик операторлордун абоненттери үчүн чалуу акысыз.

Белгилер:
тизме, жеңилдик, гипертония, арзандатуу, дары
Тема боюнча
Мамлекеттик сатып алуулар мыйзамына өзгөртүү кирди. Ал дары-дармекке тиешелүү
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар