COVID: соңку суткада ооругандар айыккандарга караганда эки эсе көбөйдү. Статистика
(жаңыланган 12:26 20.03.2021)
Акыркы күндөрү республика аймагында коронавирус менен ооругандардын саны улам өсүп бара жатат. Бүгүнкү күндө ооруканаларда 295 бейтап жатат, алардын ичинен 18и өтө оор абалда экени маалым болду.БИШКЕК, 20-мар. — Sputnik. Соңку бир сутканын ичинде коронавирустан 46 адам айыгып, ошол эле учурда 82 киши оору жуктуруп алды. Бул туурасында Республикалык штаб билдирди.
Ошону менен катар коронавирустун кесепетинен Ысык-Көл облусунда бир бейтаптын көз жумганы айтылды. Бүгүнкү күндө бул оорудан ажал тапкандардын саны Кыргызстанда 1488ге жетти.
Айыгып чыккандар:
- Бишкек – 23;
- Ош шаары – 1;
- Чүй облусу – 17;
- Ысык-Көл облусу – 5.
Вирусту жеңип чыккан бейтаптардын жалпы саны 84 130ду түздү.
COVID-19 катталган жаңы учурлар:
- Бишкек – 55;
- Чүй облусу – 19;
- Ысык-Көл облусу – 5;
- Жалал-Абад облусу – 3.
Ушуну менен пандемия башталгандан бери 87 321 адамдан COVID-19 аныкталды.
Бүгүнкү күндө ооруканаларда 295 бейтап жатат, алардын ичинен:
- 98и - оор абалда;
- 18и - өтө оор абалда.
Мындан сырткары, 363 бейтап үй шартында медиктердин көзөмөлү менен дарыланууда.
Белгилер:
Акониттин кайнатмасы мамлекеттик резиденцияда жасалат. Видео
(жаңыланган 23:42 16.04.2021)
Президенттик аппараттан аконит кайнатмасын даярдоочу имарат толук тазаланганын жана тийиштүү деңгээлде жабдылганын билдиришти.БИШКЕК, 16-апр. — Sputnik. Коронавируска кабылган бейтаптарды дарылоо үчүн жасалуучу "Ысык-Көл тамырынын" кайнатмасы "Ала-Арча" мамлекеттик резиденциясында жасалат. Бул тууралуу президенттик аппараттан билдиришти.
"Мамлекеттик резиденцияда атайын имарат бөлүнүп берилди, ал толук тазаланган жана талаптагыдай жабдылган. Кайнатма чөп ошол жерден жасалат, атайын жабдуу бар. Ал жерде медицина кызматкерлери бар, министр өзү да катышууда. Медиктер 300дөй ыктыярчыны дарылап сакайтты. Саламаттык сактоо министри өзү бул аракетти колдоп, акырындык менен пайдаланылып жатат", — дешти президенттик аппараттан.
Алар кайнатма чөп кустардык ыкма менен куюлбай турганын белгилешти.
Посмотреть эту публикацию в Instagram
©
Sputnik / Жоомарт Ураимов
"Ысык-Көл тамыры" уусу күчтүү чөптөрдүн катарына кирет. Тажрыйбалуу медиктер коронавирустан мурда бекитилген протоколдун негизинде дарыланууну сунушташууда.
Бегалиев: музыка талдоочулар бизде жокко эсе
(жаңыланган 23:06 16.04.2021)
Кыргыз эл артисти, композитор Муратбек Бегалиев Кыргызстанда музыка таануучулардын, талдоочулардын саны жокко эсе экендигин айтты.Музыканы талдап, ага туура баа берип, сапаттуу, уникалдуу чыгарманын жаралышында музыка таануучулардын орду эбегейсиз. Мындай пикирин Муратбек Бегалиев Sputnik Кыргызстан радиосунун эфиринде маек куруп жатып билдирди.
Бегалиев: музыка талдоочулар бизде жокко эсе
Анын айтымында, музыкалык билим берүүнү жакшыртып, кесипкөй музыка талдоочуларды таптап чыгаруу зарыл.
"Кыргыз улуттук консерваториясы түптөлүп жатканда эле окуу жайда музыка талдоочуларды, музыка таануучуларды окутуу зарылчылыгын көтөрүп чыктым эле. Анткени музыканы туура талдап, тандап бере турчулар ошолор. Музыка таануучу деген азыр бизде жок. Бул көйгөйдүн себеби — музыка таануучу абдан оор окуу. Алар аткаруучуну, композитор, дирижёрдун ишин талдап, баа берип, сындай турган адамдар. Мындай адистер универсал болуп, музыканын ийне-жибине чейин билиши керек. Ошондуктан жаштар аны окубай жатышат. Музыка таануучуларга муктаждыгыбыз чоң", — деди Бегалиев.
Ошондой эле композитор музыка көп убакытты талап кылган абдан татаал окуу экендигин кошумчалады.
Белгилер: