Бишкектеги сейил бактын скамейкасында эс алуучулар. Архив

Күн качан жылыйт? Бир жумага карата аба ырайы

Синоптиктердин айтымында, марттын бул аптасында бир күн жамгыр жааса, эртеси күндүн табы 20 градуска чейин көтөрүлөт.

БИШКЕК, 21-мар. — Sputnik. Кыргызгидромет агенттиги алдыдагы жумага карата аба ырайы тууралуу маалымат берди.

Ага ылайык, борбор калаада дүйшөмбү жана шейшембиде күн ачык болот. Ал эми шаршембиде жамгыр жаашы күтүлөт, бейшембиде кайра күн ачылат.

Батыштан соккон шамалдын ылдамдыгы секундасына шаршемби күнү 4-9 метрден 14 метрге жетет.

Чүй, Талас облустарында күтүлгөн аба ырайы

22-мартта түнкүсүн Чүйдүн тоолуу райондорунда кар жаайт, дыйканчылык аймактарында жана Таласта жаан-чачын күтүлбөйт.

22-мартта күндүз жана 23-мартта түнкүсүн жаан-чачын болбойт. Ал эми күндүзү Таластын кээ бир райондорунда кар жаайт.

24-мартта көпчүлүк аймактарда жамгыр жаап, тоолорго кар түшөт.

25-мартта Таластын тоолоруна кар жаайт. Ал эми дыйканчылык аймактарында жана Чүй облусунда жаан-чачын күтүлбөйт.

Ош, Жалал-Абад, Баткен облустары

22-март күнү жаан-чачын болбойт. Ал эми 23-мартта күндүз Жалал-Абаддын кээ бир райондорунда жаан, тоолуу аймактарында кар жаашы күтүлөт. Ош, Баткен облустарында күндүн көзү бузулбайт.

24-мартта Жалал-Абаддын көпчүлүк аймактарында жамгыр, тоолорго кар жаашы күтүлөт. Ош менен Баткенде жаан-чачын күтүлбөйт.

25-мартта кээ бир райондорго жамгыр жаап, тоолорго кар түшөт.

Ысык-Көл облусу

22-мартта түнкүсүн кээ бир райондордо жамгыр, тоолордо кар жаайт.

22-мартта күндүз, 23-мартта жана 24-мартта түнкүсүн жаан-чачын күтүлбөйт.

24-мартта күндүз кээ бир райондордо жамгыр жаайт.

25-мартта күн ачык болот.

Нарын облусу

22-23-март күндөрү жана 24-мартта түнкүсүн жаан-чачын болбойт.

Ал эми күндүзү кээ бир райондорго жамгыр, тоолуу райондорго кар жаайт.

25-мартта күн ачылат.

Бишкектеги ТЭЦ. Архив
© Фото / пресс-служба правительства / Алишер Алиев
26-27-март күндөрүнө карата аба ырайынын жакындатылган болжолдоосу

26-мартта түнкүсүн Чүй, Талас, Ош, Жалал-Абад, Баткен, Нарын облустарынын кээ бир райондорунда жамгыр, кар жаап, тоолуу аймактарга кар түшөт. Ысык-Көл облусунда күн ачык болуп турат. Абанын күндүзгү температурасы жогорулайт.

26-мартта күндүз жана 27-мартта Чүй, Талас, Ош, Жалал-Абад, Баткен, Нарын облустарынын көпчүлүк аймактарында, Ысык-Көлдүн кээ бир жерлеринде мезгил-мезгили менен жамгыр жаайт. Абанын температурасы төмөндөйт.

Белгилер:
Кыргызстан, аба ырайы, кар, жамгыр
Тема боюнча
Суук болобу? Апрель айына карата аба ырайы
Автоунаанын мамлекеттик номерлери. Архив

Кыргызстан жараксыз автоунаа номерлерин темир катары 12 млн. сомго сатты

(жаңыланган 16:30 14.04.2021)
2018-жылдан бери кампаларга салмагы 143 тонналык утилизацияланган автономерлер толуп калган. Аны сатууга аукцион уюштурулду.

БИШКЕК, 14-апр. — Sputnik. 143 миң тонна колдонулган жана жарактан чыккан мамлекеттик белгилер темир-тезек катары 11 миллион 920 миң сомго сатылды. Бул тууралуу Мамлекеттик каттоо кызматынан билдиришти.

Маалыматка караганда, бүгүн, 14-апрелде, колдонулган жана жарактан чыккан мамлекеттик белгилерди сатуу боюнча аукцион болуп өттү. Аны Мамлекеттик каттоо кызматынын алдындагы "Унаа" ишканасы уюштурган. 1 килограмм алюминийдин баштапкы баасы 65 сом деп бааланган. Соодалашуунун натыйжасында 83 сом 23 тыйындан сатылды.

"Аукциондун жыйынтыгында 143 миң 280 килограмм болгон темир-тезек 11 миллион 920,9 миң сомго сатылды", — деп айтылат маалыматта.

"Унаа" муниципалдык ишканасынын жетекчисинин орун басары Бакыт Шералиевдин айтымында, 2018-жылдан бери кампаларга салмагы 143 тонналык утилизацияланган автономерлер толуп калган. Түшкөн каражат мамлекеттик бюджетке которулат.

Белгилер:
алюминий, темир, мамлекеттик номер, аукцион, автоунаа, Кыргызстан
Тема боюнча
Кыргызстандан темир-тезек экспорттоого тыюу салган токтом чыкты
Министрлик: Абхазиянын номери тагылган унааларды мамлекет алып коюшу мүмкүн
РФ президенти Владимир Путин. Архив

Путин коронавируска каршы вакцинанын экинчи компонентин сайдырды

(жаңыланган 16:33 14.04.2021)
Россия башчысы биринчи вакцинасын 24-мартта алып, өзүн жакшы сезип, дароо ишке чыккан. Администрация президент кайсы препаратты тандаганын так айткан эмес.

БИШКЕК, 14-апр. — Sputnik. РФ президенти Владимир Путин коронавируска каршы экинчи ирет эмделди. Бул тууралуу РИА Новости кабарлады.

Россиянын башчысы биринчи вакцинасын 23-мартта алган. Анда администрация президент кайсы препаратты тандаганын так айткан эмес, бирок ал Россия чыгарган үч вакцинанын бири экендиги белгилүү болгон.

Россия ушуга чейин "Спутник V", "ЭпиВакКорона" жана "КовиВак" деп аталган үч вакцина чыгарды.

Белгилер:
вакцина, коронавирус, Россия, Владимир Путин
Тема:
Дүйнөгө жайылган коронавирус
Тема боюнча
Кыргызстанга жакында 30 миң доза "Спутник V" вакцинасы алып келинет
Россия Түркия менен аба байланышын токтотту. Туристтик сезон эмне болот
Россияда коронавируска каршы дагы бир вакцина иштелип жатат
Бишкек — Нарын — Торугарт жолунда кырсык

Чүйдө эки унаа кагышып, жети адам жаракат алды. Видео

(жаңыланган 17:12 14.04.2021)
Ысык-Ата районунун Киргшелк айылында болгон жол кырсыгынан жаракат алгандар Кант шаардык ооруканасына жеткирилгени айтылды.

БИШКЕК, 14-апр. — Sputnik. Бишкек — Нарын — Торугарт жолунда катталган автоунаа кырсыгынан 7 адам жаракат алды. Бул тууралуу Өзгөчө кырдаалдар министрлиги билдирди.

Маалыматка караганда, кырсык 14-апрель күнү саат 14:00дөр чамасында Ысык-Ата районундагы Киргшелк айылында болгон.

"Mercedes-Benz унаасы менен ЗИЛ-130 үлгүсүндөгү оор жүк ташуучу унаа сүзүшкөн. Кырсыктын кесепетинен 7 адам жаракат алган. Куткаруучулар унаага кыпчылып калган аялды чыгарышып, Тез жардам кызматына өткөрүп беришкен", — деп жазылат маалыматта.

Жабыркагандар Кант шаардык ооруканасына жеткирилгени жана алардын абалы орточо экени айтылды.

Белгилер:
Торугарт, Нарын, Бишкек, ӨКМ, жол кырсык
Тема:
2021-жылдын башынан бери Кыргызстанда болгон жол кырсыктар
Тема боюнча
Чүйдө төрт унаа кагышып, эки адам жабыркады. Кырсыктын видеосу
Түптөгү үрөй учурган жол кырсыгы: төртүнчү бала ооруканадан көз жумду
Сокулукта Lexus жолдо турган унааны сүзүп, бир адам каза тапты. Видео