Киши колунде смартфон менен. Архив

Күбөлүк издеп күймөлүп калбайсыз. КРде смартфондорго атайын тиркеме иштелүүдө

Юстиция министрлиги электрондук документтердеги эрежени мыйзамдаштырууну сунуштап  жана мобилдик тиркеменин пайдалуу жактарын айтып берди.

БИШКЕК, 21-мар. — Sputnik. Мамлекеттик каттоо кызматы электрондук тейлөө кызматын жана электрондук документтерди камтыган мобилдик тиркеме иштеп чыгарын Юстиция министрлигинен билдирди.

Бул иш мамлекеттик жана муниципалдык кызмат көрсөтүү иштерин жөнөкөйлөтүү үчүн жүргүзүлүп жаткандыгы токтомдун долбоорунда белгиленет. Тиркемени Google Playmarket жана Apple Store аркылуу жүктөп алууга болот.

Долбоордо айтылгандай, жарандар ар кандай себептер менен өздүгүн ырастаган документин албай, айдоочулар айдоочулук күбөлүгүн жана транспортту каттоо документин унутуп калган учурлар көп эле кездешет.

Ошондуктан тиркемеге каттоо кызматынын санариптик реестринен маалымат алып берүүчү QR-код киргизилет.

Министрлик Кайгуул кызматтын инспекторлору айдоочунун күбөлүктөрүн текшерген учурда да электрондук документтин пайдасы тиерин айтты. Башкача айтканда, айдоочу документтерин үйүнө унутуп калса инспектор планшет аркылуу QR-коддун негизинде электрондук маалымат ала алат. Буга чейин айдоочуга жана автоунаага электрондук документтерди киргизүү идеясы айтылган.

Тиркеме документтерин жоготуп алуу жана жараксыз кылып алуу тобокелчилигинен да сактайт. Алар болжогондой, бул багытта санариптештирүү иши кызмат көрсөтүү жана документ алуу түйшүгүн да бир топ жеңилдетет.

Токтомдун долбооруна электрондук документтер жана маалымат базасы тууралуу норманы мыйзамдаштыруу сунушталууда.

Белгилер:
Юстиция министрлиги, айдоочу, каттоо кызматы, документ, токтом, долбоор
Тема боюнча
Кыргызстан "COVID-19 жок саякаттайм" платформасына кошулду. Артыкчылыгы
Россиялык ЖОЖдорго тапшыруу 5 эсе жеңилдеди. Абитуриенттер үчүн суперсервис
Автоунаанын мамлекеттик номерлери. Архив

Кыргызстан жараксыз автоунаа номерлерин темир катары 12 млн. сомго сатты

(жаңыланган 16:30 14.04.2021)
2018-жылдан бери кампаларга салмагы 143 тонналык утилизацияланган автономерлер толуп калган. Аны сатууга аукцион уюштурулду.

БИШКЕК, 14-апр. — Sputnik. 143 миң тонна колдонулган жана жарактан чыккан мамлекеттик белгилер темир-тезек катары 11 миллион 920 миң сомго сатылды. Бул тууралуу Мамлекеттик каттоо кызматынан билдиришти.

Маалыматка караганда, бүгүн, 14-апрелде, колдонулган жана жарактан чыккан мамлекеттик белгилерди сатуу боюнча аукцион болуп өттү. Аны Мамлекеттик каттоо кызматынын алдындагы "Унаа" ишканасы уюштурган. 1 килограмм алюминийдин баштапкы баасы 65 сом деп бааланган. Соодалашуунун натыйжасында 83 сом 23 тыйындан сатылды.

"Аукциондун жыйынтыгында 143 миң 280 килограмм болгон темир-тезек 11 миллион 920,9 миң сомго сатылды", — деп айтылат маалыматта.

"Унаа" муниципалдык ишканасынын жетекчисинин орун басары Бакыт Шералиевдин айтымында, 2018-жылдан бери кампаларга салмагы 143 тонналык утилизацияланган автономерлер толуп калган. Түшкөн каражат мамлекеттик бюджетке которулат.

Белгилер:
алюминий, темир, мамлекеттик номер, аукцион, автоунаа, Кыргызстан
Тема боюнча
Кыргызстандан темир-тезек экспорттоого тыюу салган токтом чыкты
Министрлик: Абхазиянын номери тагылган унааларды мамлекет алып коюшу мүмкүн
РФ президенти Владимир Путин. Архив

Путин коронавируска каршы вакцинанын экинчи компонентин сайдырды

(жаңыланган 16:33 14.04.2021)
Россия башчысы биринчи вакцинасын 24-мартта алып, өзүн жакшы сезип, дароо ишке чыккан. Администрация президент кайсы препаратты тандаганын так айткан эмес.

БИШКЕК, 14-апр. — Sputnik. РФ президенти Владимир Путин коронавируска каршы экинчи ирет эмделди. Бул тууралуу РИА Новости кабарлады.

Россиянын башчысы биринчи вакцинасын 23-мартта алган. Анда администрация президент кайсы препаратты тандаганын так айткан эмес, бирок ал Россия чыгарган үч вакцинанын бири экендиги белгилүү болгон.

Россия ушуга чейин "Спутник V", "ЭпиВакКорона" жана "КовиВак" деп аталган үч вакцина чыгарды.

Белгилер:
вакцина, коронавирус, Россия, Владимир Путин
Тема:
Дүйнөгө жайылган коронавирус
Тема боюнча
Кыргызстанга жакында 30 миң доза "Спутник V" вакцинасы алып келинет
Россия Түркия менен аба байланышын токтотту. Туристтик сезон эмне болот
Россияда коронавируска каршы дагы бир вакцина иштелип жатат