Россияда ЖОЖ окуган студенттер. Архивдик сүрөт

Россияда билим алган КР студенттери окуусуна кайтууга уруксат алды

(жаңыланган 12:24 21.03.2021)
Чет элдик студент 10 күн мурда өзү билим алган окуу жайга келе тургандыгы тууралуу электрондук почта аркылуу кабар бериши керек.

БИШКЕК, 21-мар. — Sputnik. Эпидемиологиялык абал туруктуу өлкөлөрдө жашаган студенттер Россиядагы окуусун уланта берсе болот. Бул тууралуу РФтин Илим жана жогорку билим берүү министрлигинен билдиришти.

Бул мүмкүнчүлүктү төмөндөгү тизмеге кирген мамлекеттердеги студенттер, аспиранттар, ординаторлор жана даярдоочу курстардын угуучулары колдоно алат.

"Ушул тапта Абхазия, Азербайжан, Армения, Беларусь, Вьетнам, Греция, Египет, Индия, Казакстан, Катар, Кыргызстан, Куба, Мальдив Республикасы, БАЭ, Сербия, Сингапур, Танзания, Түркия, Финляндия, Швейцария, Эфиопия, Түштүк Корея жана Япониянын студенттери Россияга киргизилет", — деп айтылат билдирүүдө.

Чет элдик студент 10 күн мурда өзү билим алган окуу жайга келе тургандыгы тууралуу электрондук почта аркылуу кабар бериши керек.

Россияга уча турган акыркы үч күн ичинде ПЦР-тест тапшырып, жыйынтыгын орус жана англис тилдеринде жаздырышы зарыл. Россиянын аймагына кирген соң 72 сааттын ичинде дагы бир ирет ПЦР-тест тапшырылат. Анын жыйынтыгы чыккыча студент обочолонуп туруп, маалым кат колуна тийгенден кийин гана окууга бара алат.

Эгер Россияга келген алгачкы күндөрү студент өзүнөн курч мүнөздөгү респиратордук вирустук инфекциянын белгилерин байкаса, дароо ЖОЖго кабар берип, дарыгерди чакыртышы керек.

Кененирээк ар бир студент өз окуу жайынын расмий сайтынан тааныша алат.

Кошумча суроолор пайда болсо +7(495)198-00-00 номерине чалып же scminobr@mail.ru дарегине кат жолдоого мүмкүнчүлүк бар.

Белгилер:
тизме, уруксат, коронавирус, студент, Университет, Россия
Тема боюнча
Таң каласыз! Быйыл ЖОЖго тапшырган студенттер тандаган кесиптердин тизмеси
Кыз Ысык-Көл тамырын бөтөлкөсүн сүрөткө тартып жатат

Акониттин кайнатмасы мамлекеттик резиденцияда жасалат. Видео

(жаңыланган 23:42 16.04.2021)
Президенттик аппараттан аконит кайнатмасын даярдоочу имарат толук тазаланганын жана тийиштүү деңгээлде жабдылганын билдиришти.

БИШКЕК, 16-апр. — Sputnik. Коронавируска кабылган бейтаптарды дарылоо үчүн жасалуучу "Ысык-Көл тамырынын" кайнатмасы "Ала-Арча" мамлекеттик резиденциясында жасалат. Бул тууралуу президенттик аппараттан билдиришти.

"Мамлекеттик резиденцияда атайын имарат бөлүнүп берилди, ал толук тазаланган жана талаптагыдай жабдылган. Кайнатма чөп ошол жерден жасалат, атайын жабдуу бар. Ал жерде медицина кызматкерлери бар, министр өзү да катышууда. Медиктер 300дөй ыктыярчыны дарылап сакайтты. Саламаттык сактоо министри өзү бул аракетти колдоп, акырындык менен пайдаланылып жатат", — дешти президенттик аппараттан.

Алар кайнатма чөп кустардык ыкма менен куюлбай турганын белгилешти.

Посмотреть эту публикацию в Instagram

Публикация от Садыр Жапаров (@sadyr_japarov)

Буга чейин Садыр Жапаровдун Instagram баракчасында дарыгерлер коронавирустун башталгыч стадиясындагы бейтаптарды айыктыруунун ыкмасын тапканы боюнча билдирүү таратылган. Бүгүн саламаттык сактоо министри суюктук жөнүндө айтып, аны түз эфирден ичти.

"Ысык-Көл тамыры" уусу күчтүү чөптөрдүн катарына кирет. Тажрыйбалуу медиктер коронавирустан мурда бекитилген протоколдун негизинде дарыланууну сунушташууда.

Белгилер:
Ысык-Көл тамыры, уу коргошун, дары, коронавирус, чөп
Тема:
Уу коргошун чуусу
Тема боюнча
Уу коргошун коронавирусту сакайта алабы. Россиялык адистин пикири
Бишкекте киши уу коргошунга ууландыбы? Дарыгерлердин жообу
Барыктабасова: "Ысык-Көл тамыры" элдин саламаттыгын коркунучка кептейт
Кыргыз эл артисти, композитор Муратбек Бегалиев

Бегалиев: музыка талдоочулар бизде жокко эсе

(жаңыланган 23:06 16.04.2021)
Кыргыз эл артисти, композитор Муратбек Бегалиев Кыргызстанда музыка таануучулардын, талдоочулардын саны жокко эсе экендигин айтты.

Музыканы талдап, ага туура баа берип, сапаттуу, уникалдуу чыгарманын жаралышында музыка таануучулардын орду эбегейсиз. Мындай пикирин Муратбек Бегалиев Sputnik Кыргызстан радиосунун эфиринде маек куруп жатып билдирди.

Бегалиев: музыка талдоочулар бизде жокко эсе

Анын айтымында, музыкалык билим берүүнү жакшыртып, кесипкөй музыка талдоочуларды таптап чыгаруу зарыл.

"Кыргыз улуттук консерваториясы түптөлүп жатканда эле окуу жайда музыка талдоочуларды, музыка таануучуларды окутуу зарылчылыгын көтөрүп чыктым эле. Анткени музыканы туура талдап, тандап бере турчулар ошолор. Музыка таануучу деген азыр бизде жок. Бул көйгөйдүн себеби  — музыка таануучу абдан оор окуу. Алар аткаруучуну, композитор, дирижёрдун ишин талдап, баа берип, сындай турган адамдар. Мындай адистер универсал болуп, музыканын ийне-жибине чейин билиши керек. Ошондуктан жаштар аны окубай жатышат. Музыка таануучуларга муктаждыгыбыз чоң", — деди Бегалиев.

Ошондой эле композитор музыка көп убакытты талап кылган абдан татаал окуу экендигин кошумчалады.

Белгилер:
искусство, саясат таануучу, музыка, композитор, Муратбек Бегалиев
Тема боюнча
Рыспай Абдыкадыровдун тун кызы Алтынчач: атамдын каза болгонун теледен уккам