Нарын шаарында Нооруз майрамы салтанаттуу белгиленди.

Чек арачылар жасаган сүмөлөктөн ооз тийип... Нарындагы Нооруздан сүрөттөр

(жаңыланган 14:14 21.03.2021)
Майрамдык иш-чаранын алкагында улуттук тамак-аштын көргөзмөлөрү өтүп, соода-сатык жарманкелери уюштурулуп, майрамга келгендерге облустук чек ара башкармалыгы даярдаган сүмөлөк таратылды.

БИШКЕК, 21-мар. — Sputnik. Нарын шаарында Нооруз майрамы салтанаттуу белгиленди. Борбордук аянтта өкмөттүн облустагы ыйгарым укуктуу өкүлү баштаган жетекчилер элди куттуктаганын Sputnik Кыргызстан агенттигинин жергиликтүү кабарчысы билдирди.

  • Жители Нарына во время празднования Нооруза на центральной площади
    Нарын шаарында Нооруз майрамы салтанаттуу белгиленди.
    © Sputnik
  • Жители Нарына во время празднования Нооруза на центральной площади
    Борбордук аянтта өкмөттүн облустагы ыйгарым укуктуу өкүлү баштаган жетекчилер элди куттуктаганын Sputnik Кыргызстан агенттигинин жергиликтүү кабарчысы билдирди.
    © Sputnik
  • Жители Нарына во время празднования Нооруза на центральной площади
    Муратбек Рыскулов атындагы театрдын жамааты жазгы эмгекти чагылдырган оюн-зоок коюп, маданият кызматкерлери жана таланттуу окуучулар концерттик номерлерди аткарышты.
    © Sputnik
1 / 3
© Sputnik
Нарын шаарында Нооруз майрамы салтанаттуу белгиленди.

Муратбек Рыскулов атындагы театрдын жамааты жазгы эмгекти чагылдырган оюн-зоок коюп, маданият кызматкерлери жана таланттуу окуучулар концерттик номерлерди аткарышты.

Майрамдык иш-чаранын алкагында улуттук тамак-аш көргөзмөлөрү өтүп, соода-сатык жарманкелери уюштурулуп, майрамга келгендерге облустук чек ара башкармалыгы даярдаган сүмөлөк таратылды.

Белгилер:
куттуктоо, концерт, майрам, Нооруз, Нарын
Тема:
Нооруз-2021 (13)
Тема боюнча
Ырыскыбыз артсын! Жапаров элди Нооруз майрамы менен куттуктады
Кыргызстандын ашпозчулар ассоциациясынын президенти Берик Эгинбаев

Эгинбаев: Кыргызстанда молекулярдык ашканага кызыккандар көбөйдү

Кыргызстандын ашпозчулар ассоциациясынын президенти Берик Эгинбаев өлкөдө молекулярдык гастрономияга кызыккан ашпозчулардын саны өсүп жатканын айтты.

Кыргызстанда молекулярдык ашкананын кардарлары көп болбогондуктан талап азыраак. Мындай пикирин Берик Эгинбаев Sputnik Кыргызстан радиосунун эфиринде маек куруп жатып билдирди.

Эгинбаев: Кыргызстанда молекулярдык ашканага кызыккандар көбөйдү

Анын айтымында, молекулярдык ашкананы тиешелүү техникалык жабдыктар менен камсыздоо үчүн абдан көп каражат жумшалат.

"Ар бир продуктунун химиялык, физикалык жактан табигый курамы болот. Ал ар түрдүү жылуулукта өзүнүн түзүлүшүн өзгөртөт. Тажрыйбасы чоң ашпозчулар ашканада жаңы технологияларды пайдаланып, укмуштуу жыйынтыктарды беришет. Мисалы, кадимки эле шорподон ар кандай түстөгү табигый ширелерди кошуп, эмульгаторлорду аралаштырып икра жасайбыз. Эгерде молекулярдык ашкана курам десеңиз көп каражат сарпталат. Азыр ашпозчулардын көбү бул жаңы багыттагы ашкананы жакшы билишет жана кызыга башташты. Бирок аны 100 пайызга колдонушпайт. Учурда 20дан ашык ресторан аталган методду колдонуп жатат. Кыргызстанда молекулярдык ашкананын кардарлары көп болбогондуктан талап азыраак", — деди Эгинбаев.

Ошондой эле адис учурда өлкөдө молекулярдык ашканада жасалган тамактарды гурмандар, дегустаторлор гана көп сурашарын кошумчалады.

Белгилер:
ашкана
Тема боюнча
Италиялыктар оромону жакшы көрөт. Сардинияда ресторан ачкан Сыдыкова менен маек
Премьер-министр Улукбек Марипов бүгүн авиабилеттерге бааны төмөндөтүү жана COVID-19 жок саякатта долбоорун ишке ашыруу маселеси боюнча кеңешме өткөргөн.

Марипов авиабилеттерди арзандатуу боюнча кеңешме өткөрүп, тапшырма берди

(жаңыланган 20:06 10.04.2021)
Өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгы айтылат.

БИШКЕК, 10-апр. — Sputnik. Бир катар мамлекеттик ведомстволордун чабал ишинин натыйжасында чет өлкөгө бараткан жарандарга негиздеме жасоо бизнеске айланды. Бул тууралуу премьер-министр Улукбек Марипов билдирди.

Ал бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.

  • Премьер-министр Кыргызской Республики Улукбек Марипов провел совещание по вопросу снижения цен на авиабилеты и реализации проекта Путешествий без COVID.
    Премьер-министр Улукбек Марипов бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов провел совещание по вопросу снижения цен на авиабилеты и реализации проекта Путешествий без COVID.
    Ошондой эле ал өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгын белгилеген.
    © Фото / Пресс-служба правительства / Алишер Алиев
1 / 2
© Фото / Пресс-служба правительства / Алишер Алиев
Премьер-министр Улукбек Марипов бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.
"Сиздердин аракетсиздигиңерден улам сапарга чыгууга муктаждыкты тастыктоочу "негиздеме" документти айрым ишкерлер бизнеске айлантып алды. Долбоорду 1-апрелден тарта ишке киргизишиңер керек эле. Биздин жарандар үчүн ЕАЭБ өлкөлөрүндө жүрүүгө мыкты мүмкүнчүлүк түзүлдү. Болгону ПЦР-анализ тапшырып, тийиштүү тиркемени көчүрүп алуу керек. Бирок эки лаборатория гана аталган анализди жасап, код бере алат. Эмне себептен лабораториялар аз камтылган?" — деп сурады Марипов.

Ошондой эле ал өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгын белгилеген.

Аны менен катар премьер-министр анализдерди тапшырууга мүмкүн болгон лабораториялардын жана авиакаттамдардын санын жогорулатуу боюнча сунуш киргизүүгө тапшырма берди.

Бул маселе өлкө башчынын жеке көзөмөлүндө тургандыгын кошумчалаган.

Белгилер:
лаборатория, арзандатуу, авиабилет, Улукбек Марипов, өкмөт
Тема боюнча
Кыргызстандын жарандары Россияга негиздемеси жок кириши мүмкүн
Жапаров: Россияга каттаган рейстер менен авиабилет баасын өз көзөмөлүмө алдым
В Бишкеке пропала 14-летняя Феруза Сыдыкова

Бишкекте 14 жаштагы дагы бир өспүрүм кыз жоголду. Сүрөт

Кыздын энесинин айтымында, өспүрүм үч күн мурда Новосельский көчөсүндөгү үйүнөн чыгып кеткен боюнча кайтып келген эмес.

БИШКЕК, 10-апр. — Sputnik. Бишкекте 14 жаштагы Феруза Сыдыкова жоголуп кетти. Бул тууралуу Свердлов райондук ИИБден билдиришти.

Кечээ күнү милицияга кыздын энеси кайрылган. Ал 7-апрель күнү түшкү саат 14:30да кызы Новосельский көчөсүндөгү үйүнөн чыгып кеткен боюнча кайтып келбегенин билдирген.

Өзгөчө белгилери: бою 160 сантиметр, дене түзүлүшү орточо, чачы узун. Үстүнө кара көйнөк, кара куртка жана кара бут кийим кийип жүргөн. Курсагынын оң жагында аппендицитти алгандан кийинки тырыгы бар (болжол менен 7 сантиметр).

Ферузанын жүргөн жерин билгендер болсо (0553) 10-23-87, (0557) 11-94-10, (0702) 49-88-88, (0709) 33-24-63 жана 102 номерине кабарлай алышат.

Борбор калаада 14 жаштагы Айбийке дагы дайынсыз болууда.

Белгилер:
милиция, өспүрүм, Бишкек