Кыргызстандык модель Ангелина Гаранина. Архив

Кыргызстандык Ангелина ТНТ каналынын моделдер тууралуу долбооруна тартылды

(жаңыланган 10:48 22.03.2021)
Гаранинанын 11 жашында буту кесилген. Ошондон бери ал биомеханикалык протездин жардамы менен басып жүрөт. Ал эки жыл мурда "Кыргызстандын сулуусу — 2019" конкурсуна чакырылган.

БИШКЕК, 22-мар. — Sputnik. Кыргызстандык Ангелина Гаранина "Сен ТНТдагы топ-моделсиң" долбоорунун кастингине катышты.

Эскерте кетсек, Гаранинанын 11 жашында остеосаркомадан улам буту кесилген. Ошондон бери ал биомеханикалык протездин жардамы менен басып жүрөт. Ал эки жыл мурда "Кыргызстан сулуусу — 2019" конкурсуна чакырылган.

Долбоорго катышып жатып Гаранина Бишкекте төрөлүп, учурда Россиянын Санкт-Петербург шаарында жашаарын айтты. Тилекке каршы, ал жарыштын кийинки баскычына өтө алган жок. Калыстар долбоордо алдыда оор баскычтар болорун, буга Ангелина туруштук бере албай кыйналарын белгилешти. Деген менен аны ар тараптан колдоого алууну убада кылышты. 

"Сенин бул жакка келгениңе мен аябай кубандым. Чын жүрөгүмдөн сүйүндүм. Сен аябай сулуусуң. Сени көргөн улан-кыздар үлгү алышат", — деген калыстар тобунун мүчөсү Гоша Карцев.

Гаранина болсо долбоордон алган таасирлери тууралуу өзүнүн Instagram баракчасы аркылуу айтып берди. 

Посмотреть эту публикацию в Instagram

Публикация от Киборг-модель (@angelina_vladis)

"Мен "Сен ТНТдагы топ-моделсиң" аттуу долбоорго катыштым. Чынын айтсам, долбоорго арыз жиберип жатканда катышып каларыма көзүм жеткен эмес. Долбоорго катышуу тууралуу чакыруу келгендеги сезимдерди сөз менен айтып бере албайм. Мен биздин моделдик дүйнө ар бир адамдын өзгөчөлүгүн кабыл алууга даяр же даяр эместигин билчү эмесмин. Деген менен тобокелчиликке барып, мүмкүнчүлүктү колдонууну чечтим", — деп жазган ал.

Гаранина кандайдыр бир жаңычылдык жасап, эч нерседен тайманбаш керектигин көрсөткүсү келген.

Белгилер:
модель, катышуучу, долбоор, Кыргызстан
Тема боюнча
Тубаса шал оорусу менен жабыркаган жигит грант утуп, машыгуу залын оңдоп берди
Чыгыш таттуулары. Архив

Кайсы тамак-аш адамды өлүмгө эрте кептеши ыктымал? Окумуштуулардын ою

Илимпоздор Улуу Британияда майыптыкка жана өлүмгө жүрөк-кан тамыр оорулары себеп болорун белгилеп, бул дарт туура эмес тамактануудан келип чыгарын далилдешкен.

БИШКЕК, 23-апр. — Sputnik. Британиялык окумуштуулар бир катар азыктар жүрөк-кан тамыр ооруларынын өрчүү тобокелчилигине алып келерин анализдеп чыгышты. Бул тууралуу РИА Новости кабарлап, аталган азыктардын тизмесин жарыялады.

Изилдөөнүн жыйынтыгы боюнча, өлүмгө дуушар кылышы ыктымал деген азыктардын катарына шоколад, таттуу-тарапа, май, ак нан жана таттуу суусундуктар кирген.

Диетанын жүрөк-кан тамыр оорулары менен өлүм тобокелчилигине тийгизген таасирин аныктоо үчүн Оксфорд университетинин окумуштуулары Австралия, Кытайдагы кесиптештери менен атайын жүргүзүлгөн изилдөөлөрдү анализдеп чыгышкан.

Ал үчүн Улуу Британиядагы 37 жаштан 73 жашка чейинки 116 806 кишинин анализдери каралган. Илимпоздор жүрөк-кан тамыр оорулары менен өлүмгө кептей турчу тамактануу стилин экиге бөлүшкөн. Биринчиси — шоколад, кондитер азыктары, май, ак нан болсо, экинчиси — таттуу алкоголсуз суусундук, шоколад, конфет, май жана сыр.

"Биринчи диетаны көп учурда 60 жашка чейинки чылым чегип, спорт менен машыкпаган, ашыкча салмак жана гипертония менен жабыркаган эркектер колдонот. Мындай адамдардын 60 жаштан ашкан, бирок ашыкча салмагы жок, туура тамактанган кишилердикине салыштырмалуу жүрөк-кан тамыр оорусуна чалдыгуу тобокелчилиги жогору болот", — деп айтылат маалыматта.

Экинчи тамактануу стили көбүнчө аялдарга таандык экени маалым болду. Алар чылым чекпей, дайыма кыймылда болсо дагы организминде холестерин, ашыкча салмак жана гипертония болору белгиленген.

Окумуштуулар Улуу Британияда майыптыкка жана өлүмгө жүрөк-кан тамыр оорулары себеп болорун белгилеп, бул оорулары туура эмес тамактануудан келип чыгарын далилдешкен.

Белгилер:
анализ, туура тамактануу, салмак, оору, кан тамыр, жүрөк
Тема боюнча
Семиртпейт. Кеңседе отуруп иштегендер үчүн пайдалуу тамактар айтылды
Көк бөрү мелдеши. Архив

Жеңиш күнүнө арналган республикалык көк бөрү мелдеши Таласта өтөт

2-май күнү чүчү кулак тартылып, оюндар 3-майда башталат. Мелдеш Спорттун улуттук түрлөрү боюнча дирекциясы жана Улуттук көк бөрү федерациясы тарабынан уюшулууда.

БИШКЕК, 23-апр. — Sputnik. Улуу Жеңиш күнүнө арналган көк бөрү боюнча республикалык мелдеш Талас облусунда өтөт. Бул тууралуу өлкөнүн Улуттук көк бөрү федерациясы билдирди. https://www.instagram.com/p/CNsDV-YMxdM/

2-май күнү чүчү кулак тартылып, мелдеш 3-майда башталат.

"Улуу Жеңиш күнүнө арналган көк бөрү боюнча республикалык турнир 3-майдан 9-майга чейин Талас облусунун Райкан Алканов атындагы ат майданында өтөт. Командалардын катышуу боюнча арыздары 30-апрель күнү саат 17:30га чейин кабыл алынат", — деп айтылат маалыматта.

Мелдеш Спорттун улуттук түрлөрү боюнча дирекциясы жана Улуттук көк бөрү федерациясы тарабынан уюшулууда.

Белгилер:
Талас облусу, мелдеш, Көк бөрү, Улуу Жеңиш
Тема боюнча
1-май күнү Кыргызстанда эл аралык "Альпиниада – 2021" мелдеши өтөт