Бишкектиктерди таң калтырган имараттын чыныгы сүрөтү жарыяланды
(жаңыланган 18:07 23.03.2021)
Sputnik Кыргызстандын кабарчысы интернетте талкуу болгон Горький менен Абай көчөлөрүнүн кесилишиндеги имарат жайгашкан жерге барды.БИШКЕК, 23-мар. — Sputnik. Социалдык тармактарда туурасы кууш көрүнгөн бийик имараттын сүрөтү кызуу талкууга түштү.
Интернет колдонуучулары сейсмикалык жактан туруктуу болбогон имаратты курууга кандай себеп менен уруксат берилгенин белгилешип, нааразычылыктарын айтышууда.
Биздин кабарчыбыз жерине барып, имараттын сүрөтүн тартып келди. Ал мекеме шаардын Горький жана Абай көчөлөрүнүн кесилишинде жайгашкан.
©
Sputnik / Табылды Кадырбеков
Эгерде объектини ар тараптан карасаңыз, ал ушундай көрүнөт.
Эгерде объектини ар тараптан карасаңыз, ал ушундай көрүнөт. Анда керек болсо чыгармачылыктын элементтери бар. Имараттын бир бөлүгү үч бурчтук формасында болгондой көрүнөт.
©
Sputnik / Табылды Кадырбеков
Анда керек болсо чыгармачылыктын элементтери бар. Имараттын бир бөлүгү үч бурчтук формасында болгондой көрүнөт.
Бишкек башкы архитектура кызматынын маалымат кызматынан билдиришкендей, бул жер тилкесине "жеке турак жай" — эки кабат үй мансарды менен курууга ылайыкталган мамлекеттик акты бар. Тиешелүү уруксат кагаздары берилген.
Белгилер:
Акониттин кайнатмасы мамлекеттик резиденцияда жасалат. Видео
(жаңыланган 23:42 16.04.2021)
Президенттик аппараттан аконит кайнатмасын даярдоочу имарат толук тазаланганын жана тийиштүү деңгээлде жабдылганын билдиришти.БИШКЕК, 16-апр. — Sputnik. Коронавируска кабылган бейтаптарды дарылоо үчүн жасалуучу "Ысык-Көл тамырынын" кайнатмасы "Ала-Арча" мамлекеттик резиденциясында жасалат. Бул тууралуу президенттик аппараттан билдиришти.
"Мамлекеттик резиденцияда атайын имарат бөлүнүп берилди, ал толук тазаланган жана талаптагыдай жабдылган. Кайнатма чөп ошол жерден жасалат, атайын жабдуу бар. Ал жерде медицина кызматкерлери бар, министр өзү да катышууда. Медиктер 300дөй ыктыярчыны дарылап сакайтты. Саламаттык сактоо министри өзү бул аракетти колдоп, акырындык менен пайдаланылып жатат", — дешти президенттик аппараттан.
Алар кайнатма чөп кустардык ыкма менен куюлбай турганын белгилешти.
Посмотреть эту публикацию в Instagram
©
Sputnik / Эмиль Садыров
"Ысык-Көл тамыры" уусу күчтүү чөптөрдүн катарына кирет. Тажрыйбалуу медиктер коронавирустан мурда бекитилген протоколдун негизинде дарыланууну сунушташууда.
Бегалиев: музыка талдоочулар бизде жокко эсе
(жаңыланган 23:06 16.04.2021)
Кыргыз эл артисти, композитор Муратбек Бегалиев Кыргызстанда музыка таануучулардын, талдоочулардын саны жокко эсе экендигин айтты.Музыканы талдап, ага туура баа берип, сапаттуу, уникалдуу чыгарманын жаралышында музыка таануучулардын орду эбегейсиз. Мындай пикирин Муратбек Бегалиев Sputnik Кыргызстан радиосунун эфиринде маек куруп жатып билдирди.
Бегалиев: музыка талдоочулар бизде жокко эсе
Анын айтымында, музыкалык билим берүүнү жакшыртып, кесипкөй музыка талдоочуларды таптап чыгаруу зарыл.
"Кыргыз улуттук консерваториясы түптөлүп жатканда эле окуу жайда музыка талдоочуларды, музыка таануучуларды окутуу зарылчылыгын көтөрүп чыктым эле. Анткени музыканы туура талдап, тандап бере турчулар ошолор. Музыка таануучу деген азыр бизде жок. Бул көйгөйдүн себеби — музыка таануучу абдан оор окуу. Алар аткаруучуну, композитор, дирижёрдун ишин талдап, баа берип, сындай турган адамдар. Мындай адистер универсал болуп, музыканын ийне-жибине чейин билиши керек. Ошондуктан жаштар аны окубай жатышат. Музыка таануучуларга муктаждыгыбыз чоң", — деди Бегалиев.
Ошондой эле композитор музыка көп убакытты талап кылган абдан татаал окуу экендигин кошумчалады.
Белгилер: