“Российская газета” басылмасы. Архив

“Кабар” агенттиги РФтин “Российская газета”  басылмасы менен кызматташат

(жаңыланган 21:10 23.03.2021)
"Российская газета” — Россия өкмөтүнүн күн сайын жарык көргөн расмий басылмасы. Эми ал “Кабар” улуттук маалымат агенттиги менен расмий келишимдин негизинде кызматташат.

БИШКЕК, 23-мар. — Sputnik. Кыргызстан менен Россиянын эриш-аркак жылынын алкагында “Кабар” улуттук маалымат агенттиги менен “Российская газета” басылмасынын ортосунда кызматташуу тууралуу келишимге кол коюлду. Бул тууралуу “Кабар” агенттигинде өткөн маалымат жыйын учурунда “Редакция “Российской газеты”  федералдык мамлекеттик мекемесинин генералдык директорунун орун басары Андрей Першин билдирди.

Анын айтымында, келишимдин негизинде тараптар контент алмашуудан тарта ири маалыматтык иш-чараларды уюштурууга чейин кеңири мүмкүнчүлүктөрдү пайдалана алышат.

“Ушул тапта контент алмашуу жагынан “Российская газета” менен РФтин  574 аймактык ЖМКлары өнөктөш катары иштешет. Эл аралык деңгээлге чыгып жатабыз. Кыргызстан чет мамлекеттер арасында биз менен келишимге кол койгон биринчи өлкө болуп калды. Эми кыргызстандык журналисттер россиялык саясатчыларга түз эле суроо бере алат. Стратегиялык өнөктөш мамлекеттер үчүн бул өтө маанилүү”, — деди Першин.

Ал эми “Кабар” агенттигинин директору Кубанычбек Таабалдиев эки ЖМК ортосунда 10 жылдан бери байланыш бар экенин белгиледи.

“Мындан ары дагы кызматташтыгыбыз бекемдеп, биз көтөргөн темалар эки тараптын тең аудиториясына кызыктуу болот деп үмүттөнөм”, — деди ал.

"Российская газета” — Россия өкмөтүнүн күн сайын жарык көргөн расмий басылмасы. Нускасы — 115 миңден 3 миллион 200 миң даанага чейин жетет.

Белгилер:
кызматташуу, маалымат, гезит, Россия, Кыргызстан
Тема боюнча
Жапаров менен жолуккан РФтин агартуу министри "Артекке" 150 сертификат белек кылды
Владимир Путин Садыр Жапаровго кунда жок кылыч белек кылды. Сүрөт
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар