Жөө күлүктөрдүн жарышынан түшкөн акчага ак илбирстер үчүн 40 фотокапкан алынат

© Sputnik / Табылды КадырбековМарафондун катышуучулары. Архив
Марафондун катышуучулары. Архив - Sputnik Кыргызстан, 1920, 24.03.2021
Жазылуу
"Ак илбирсти сактайбыз" деп аталган эл аралык жарым марафон 2019-жылы сентябрь айында өтүп, 5000 киши чуркаган.
БИШКЕК, 24-мар. — Sputnik. Ак илбирсти сактоого арналган эл аралык жарым марафондон түшкөн каражатка 40 фотокапкан сатып алынат.
Бүгүн Nomad Sport коомдук бирикмесинин директору Арслан Малдыбаев 1 426 700 сомдун сертификатын Ак илбирсти жана анын экосистемасын сактоо боюнча глобалдык программанын катчылыгынын жетекчиси Чыңгыз Көчөровго тапшырды.
© Фото / пресс-служба ОО "Nomad Sport"Бүгүн Nomad Sport коомдук бирикмесинин директору Арслан Малдыбаев 1 426 700 сомдун сертификатын Ак илбирсти жана анын экосистемасын сактоо боюнча глобалдык программанын катчылыгынын жетекчиси Чыңгыз Көчөровго тапшырды
Вручение денежного сертификата на сохранение снежного барса в КР - Sputnik Кыргызстан, 1920, 16.12.2021
Бүгүн Nomad Sport коомдук бирикмесинин директору Арслан Малдыбаев 1 426 700 сомдун сертификатын Ак илбирсти жана анын экосистемасын сактоо боюнча глобалдык программанын катчылыгынын жетекчиси Чыңгыз Көчөровго тапшырды
"Биз сүйлөшүп көрсөк фотокапкандарды алуунун көп пайдалуу жагы бар экен. Биринчиден, илбирстердин санын тактоого, жашоо образын аныктоого жана сүрөт, видеолорун алууга мүмкүнчүлүк түзөт. Былтыр чек аралар жабылгандыктан фотокапкандарды алуу мүмкүн эмес болчу, ошондуктан жылдырууга мажбур болдук. Быйыл да ушундай кайрымдуулук иш-чарабызды өткөрөбүз. Аны Ысык-Көл биосфералык аймактагы Кызыл китепке кирген жаныбарларды сактоо боюнча дирекцияга берүүнү пландап жатабыз", — деди Малдыбаев.
Эми бир укмуш! Сары-Чат — Ээр-Таштан тартылган аркар-кулжалардын видеосу - Sputnik Кыргызстан, 1920, 21.02.2021
Эми бир укмуш! Сары-Чат — Ээр-Таштан тартылган аркар-кулжалардын видеосу
Өз кезегинде Көчөров спорттук иш-чараны уюштуруу менен элдин көңүлүн ак илбирсти сактоого буруп, ошол эле учурда каржылык жардам көрсөтүп жатканы үчүн Nomad Sport коомдук бирикмесине ыраазычылык билдирди.
Ошондой эле ал 2022-жылдын аягына чейин Кыргызстанды байырлаган илбирстердин саны такталып бүтөрүн белгиледи.
Эске сала кетсек, "Ак илбирсти сактайбыз" деп аталган эл аралык жарым марафон 2019-жылы сентябрь айында өткөн. Анда 5000 жөө күлүк Бишкектин нагизги көчөлөрүн айланып чуркаган. Катышуучулардан 2 853 400 сом чогулган болчу. Ал сумманын 50 пайызы ак илбирсти сактоого арналган.
Sputnik Кыргызстан маалымат агенттиги жана радиосу аталган иш-чаранын расмий өнөктөшү.
Жаңылыктар түрмөгү
0