Премьер-министр Кыргызской Республики Улукбек Марипов ознакомился с ходом строительства средней школы в селе Туз Кочкорского района.

Премьер: өкмөт курулушу токтоп калган мектептердин баарын толук бүтүрөт

77
(жаңыланган 17:18 24.03.2021)
Мындай сөзүн премьер-министр Нарындын Кочкор районунун Туз айылындагы орто мектептин курулушун көрүп жатып айткан.

БИШКЕК, 24-мар. — Sputnik. Кыргыз өкмөтү бюджеттин тартыштыгына карабастан, бардык күч-аракетти курулушу аяктабаган мектептерди толук бүтүрүүгө жумшайт. Бул туурасында премьер-министр Улукбек Марипов Кочкор районунун Туз айылындагы орто мектептин курулушун көрүп жатып айтканын өкмөттүн маалымат кызматы билдирди.

  • Премьер-министр Кыргызской Республики Улукбек Марипов ознакомился с ходом строительства средней школы в селе Туз Кочкорского района.
    Премьер-министр Улукбек Марипов Кочкор районунун Туз айылындагы орто мектептин курулушун көрүүдө
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов ознакомился с ходом строительства средней школы в селе Туз Кочкорского района.
    Туз айылындагы 225 окуучуга эсептелген мектептин курулушу 2019-жылы башталган.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов ознакомился с ходом строительства средней школы в селе Туз Кочкорского района.
    Долбоордун тендердик наркы 58,3 миллион сомду түзөт, ал эми курулуш иштери 70 пайызга бүткөрүлгөн.
    © Фото / Пресс-служба правительства / Алишер Алиев
1 / 3
© Фото / Пресс-служба правительства / Алишер Алиев
Премьер-министр Улукбек Марипов Кочкор районунун Туз айылындагы орто мектептин курулушун көрүүдө

Туз айылындагы 225 окуучуга эсептелген мектептин курулушу 2019-жылы башталган. Долбоордун тендердик наркы 58,3 миллион сомду түзөт, ал эми курулуш иштери 70 пайызга бүткөрүлгөн.

"Аталган мектепти толук бүткөрүүгө бюджеттен тийиштүү каражат бөлүнөт. Жаңы окуу жылында балдар билим алууга бардык шарты бар мектепке барышат. Тилекке каршы, казынада каражаттын жоктугуна байланыштуу курулушу токтоп тургандары бар. Түзүлгөн кырдаалга карабастан өкмөт курулушу 60-70 пайыз тургузулган мектептерди толук бүткөрүү үчүн бардык күч-аракетин жумшайт. Жакынкы үч жылдын ичинде бул иштер жыйынтыкталууга тийиш", — деди Марипов.

Өкмөт башчы Кочкор районунун бир катар айылдарынын тургундары менен жолугушту. Анда сугат суу, ирригациялык объектилердин эскилиги, курулушу токтоп калган мектептер, азык-түлүккө баанын жогорулашы жана социалдык жөлөк пулга байланыштуу маселелер талкууланды.

Премьер акимдердин инвестиция тартуу, жаңы жумуш орундарын түзүүгө көмөктөшүү, аймактардын экономикалык жагымдуулугун камсыздоо, калктын социалдык-экономикалык абалын жакшыртууда натыйжалуу иштеши маанилүү экенин белгиледи.

Марипов белгилегендей, калктын көйгөйлүү маселелерин чече албаган акимдер бул үчүн мотивациясы, ниети жана билими жетиштүү адистерге ордун бошотушу керек.

77
Белгилер:
Улукбек Марипов, Нарын, иш сапар, аким, көйгөй, талап
Тема боюнча
Көчөрбаев: элдик ырларды мектепте окуу куралы катары колдонсо болот
Алтын-Ордо конушуна 122 млн. сомго жаңы мектеп курулмай болду
Ооруканадагы бейтап. Архив

Бир суткада коронавирус 10 адамдын өмүрүн алды

9
(жаңыланган 14:45 01.08.2021)
Азыркы тапта коронавирус аныкталган 3 759 киши ооруканаларда дарыланууда. Алардын ичинен 1 100 бейтаптын абалы оор болсо, 222синин абалы өтө оор деп бааланды.

БИШКЕК, 1-авг. — Sputnik. Өткөн суткада өлкө боюнча коронавирустан 10 бейтап көз жумду. Бул тууралуу Саламаттык сактоо жана социалдык өнүктүрүү министрлигинин маалымат кызматы кабарлады.

Каза болгондор:

  • Бишкек шаары — 5;
  • Ысык-Көл — 3;
  • Нарын — 1;
  • Жалал-Абад — 1.

Ушуну менен Кыргызстанда жалпысынан 2 335 адам дарттын курмандыгы болду.

Азыркы тапта коронавирус аныкталган 3 759 киши ооруканаларда дарыланууда. Алардын ичинен 1 100 кишинин абалы оор болсо, 222 бейтаптын абалы өтө оор деп бааланды. Бүгүнкү күндө 10 369 адам үй шартында дарыланып жатканы кошумчаланды.

9
Белгилер:
Кыргызстан, коронавирус, оору, дарт, өлүм, статистика
Тема:
Коронавируска байланыштуу Кыргызстандагы кырдаал
Тема боюнча
COVID жуктургандарга Бишкек жана Чүйдүн ооруканаларындагы бош орундар
Кыргызстанда бир суткада 17 миңден ашык адам вакцина алды
Стаканга суу алып жаткан адам. Архив

Диетолог суу тууралуу мифтерди жокко чыгарды

46
Дарыгер суу тууралуу азыр айтылып жүргөн айрым нерселерди жокко чыгарып, анын себептерин түшүндүрдү.

БИШКЕК, 1-авг. — Sputnik. Учурда суу жана анын адамдын организмине тийгизген таасири тууралуу айтылып жаткан нерселердин көпчүлүгү жөн гана миф. Бул тууралуу "Прайм" агенттигиндеги маегинде эндокринолог, диетолог Ульяна Румянцева айткан.

"Мисалы, бир күндө 2 литр суунун өзүн ичиш керек деп айтылып жүрөт. Бул туура эмес, ар кайсы организм уникалдуу, баарына 2 литр суу керек деген түшүнүк жок. Экинчиден, сөз болуп жаткан көлөм бир гана суудан турушу керектигин дагы эч ким далилдеген эмес. Ага чай, кофе, шире, шорпо кошула берет. Болгону алкоголь ичимдиги менен газдалган суусундуктарды эсептебеш керек", — деди дарыгер.

Адис логикалык жактан ойлонуп көргөндө деле элдин баарына 2 литрден суу ичүү системасы туура келбесин белгилейт. Таргыраак айтканда, эркектин организми аялдыкына караганда сууну көбүрөөк  талап кылат.

Ал эми толук адамдар учурдагы салмагына эмес, жашына жана боюна жараша идеалдуу деп эсептелген салмакка ченеп ичиши керек.

"Адам ооруп турган учурда, инфекция жуктуруп, дене табы көтөрүлгөндө болушунча көбүрөөк суу ичкени жакшы. Башка ооруларга чалдыккан учурларда ашыкча суу терс таасирин тийгизип коюшу мүмкүн", — деди диетолог.

Сөзүнүн аягында адис бардыгы индивидуалдуу экенин кошумчалады.

46
Белгилер:
суу, дарыгер, миф, ден соолук, адам, норма
Тема боюнча
Канадада жасалма уруктандыруу үчүн өз уругун пайдаланып жүргөн дарыгер кармалды