Бишкек шаары. Архив

Новиков: 1-апрелде Бишкекти чулгаган ыштан арылуу иштери башталышы керек

87
(жаңыланган 23:27 24.03.2021)
Новиков 1-сентябрга чейин Бишкектеги таштанды полигону жабылып, акыр-чикир рекультивациялык жайга көмүлүшү керектигин да белгиледи.

БИШКЕК, 24-мар. — Sputnik. Ушул жылдын 1-апрелине чейин Бишкекти каптаган ыштан арылуу боюнча план бекитилип, иштеп башташы керек. Бул туурасында биринчи вице-премьер Артём Новиков экологиялык коопсуздук боюнча кеңешмеде белгиледи.

  • Первый вице-премьер-министр КР Артем Новиков во время совещания по обеспечению экологической безопасности
    Ушул жылдын 1-апрелине чейин Бишкекти каптаган ыштан арылуу боюнча план бекитилип, иштеп башташы керек
    © Пресс-служба правительства / Алишер Алиев
  • Первый вице-премьер-министр КР Артем Новиков во время совещания по обеспечению экологической безопасности
    Өкмөттүн маалымат кызматынын билдиришинче, Новиков жыл сайын кышында жаралган ыш көйгөйү боюнча маселеге токтолгон.
    © Пресс-служба правительства / Алишер Алиев
1 / 2
© Пресс-служба правительства / Алишер Алиев
Ушул жылдын 1-апрелине чейин Бишкекти каптаган ыштан арылуу боюнча план бекитилип, иштеп башташы керек

Өкмөттүн маалымат кызматынын билдиришинче, Новиков жыл сайын кышында жаралган ыш көйгөйү боюнча маселеге токтолгон.

"Кышында Бишкек ышка кандай чулганары эсиңиздердеби. Мындай кырдаал жыл сайын кайталанат, бирок биз кышында гана эстейбиз. Быйыл январда жакынкы үч жылда борбор калаанын экологиялык абалын жакшыртуу планы кабыл алынган. Коомдук уюмдар жана эко-активисттер менен кеңешип, ал планды дагы мыктылап, негизги иштерди жүзөгө ашырууга макулдашканбыз. 1-апрелде план бекитилип, аткаруу иштери башталышы керек", — деп айтылат маалыматта.

Мындан сырткары, ал 1-сентябрга чейин Бишкектеги таштанды полигону толугу менен жабылып, 35 гектар аянттагы акыр-чикир рекультивациялык жайга көмүлүшү керектигин белгилеген.

Мындан сырткары, биринчи вице-премьер Боз-Бөлтөк аймаганда 60 гектар жерге этнокомплекс жана парктарды уюштуруу иштерин баштоого тапшырма берди. Аны менен катар курулуш иштеринде экологиялык принциптерди сактоого жана жаңы конуштарга газ жеткирүүнү колго алуу маселесин көтөргөн.

87
Белгилер:
бекитүү, план, Артем Новиков, ыш, экология
Тема боюнча
Өкмөт ыш менен күрөшүү үчүн план бекитти. 2021-жылы аткарыла турган иштер
Юридикалык клиникалар ассоциациясынын жетекчиси, илимдин кандидаты Артур Бакиров. Архив

Бакиров: маяна кечиксе иш берүүчү кошумча акы төлөөгө милдеттүү

7
(жаңыланган 14:17 17.05.2021)
Юридикалык клиникалар ассоциациясынын жетекчиси, илимдин кандидаты Артур Бакиров пандемия учурунда маяна берилбей жатса эмне кылуу керектигин айтты.

Эгерде маяна алуучу күн майрам же дем алышка туш келип калса, эмгек акы ошол күнгө чейин алдын ала төлөнүшү зарыл. Бул тууралуу Артур Бакиров Sputnik Кыргызстан радиосунун "Онлайн-адвокат" рубрикасында билдирди.

Бакиров: маяна кечиксе иш берүүчү кошумча акы төлөөгө милдеттүү

Анын айтымында, эмгек акы айына бир жолу сөзсүз төлөнүшү керек.

"Пандемиядан улам иш берүүчүлөр экономикалык кризиске туш болду. Мунун кесепети жумушчуларга дагы тийип, маяна өз учурунда тийбей жатты. Мыйзамга ылайык, эмгек акы айына бир жолудан кем эмес төлөнөт. Эмгек акы төлөө мөөнөтү жамааттык келишимде же уюмдун локалдуу ченемдик актысында белгиленет. Маяна ала турган күн дем алыш же майрамга туш болуп калса, эмгек акы ага чейин төлөнүүсү зарыл. Эмгек келишим токтотулганда бардык төлөнө турган акы иштин акыркы күнүнөн кечиктирилбестен кызматкерге берилет. Иш берүүчү эмгек, өргүү жана башка акыларды төлөөнүн мөөнөтүн бузганда ар бир күн үчүн төлөнбөгөн сумманын 0,15 пайызын кошуп төлөөгө милдеттүү. Жумуштан бошотулган учурда иш берүүчү эсептешүү күндөн кечиктирген каражаттын 0,5 пайзын ар бир күн үчүн кошуп төлөшү керек", — деди Бакиров.

Юрист пайыздардын жалпы суммасы негизги төлөнө турган каражаттын 200 пайызынан ашпашы керектигин кошумчалады.

7
Белгилер:
жумушчу, маяна, юрист, Артур Бакиров
Тема боюнча
Юрист саатына акы төлөө эмгек тутумунун күнгөй-тескейин айтып берди
Туризм боюнча эксперт Айша Мамбеталиева

Мамбеталиева: чет өлкөдөн вакцина алган туристтер келе баштады

4
(жаңыланган 14:12 17.05.2021)
Туризм боюнча эксперт Айша Мамбеталиева учурда өлкөдө туризм акырындан жанданып, көбүнесе вакцина алган саякатчылар келе баштаганын билдирди.

Былтыр сырткы туризм такыр токтоп калса, быйыл вакцина алгандар, ооруп айыккандар жана санитардык нормаларды жакшы сактагандар келе баштады. Мындай пикирин Айша Мамбеталиева Sputnik Кыргызстан радиосуна маек куруп жатып маалымдады.

Мамбеталиева: чет өлкөдөн вакцина алган туристтер келе баштады

Анын айтымында, пандемияга карабастан Кыргызстан туризм үчүн ачык.

"Туризм тармагы пандемияга байланыштуу абдан жабыр тартты. Өткөн жайда өлкөгө сырттан туристтер келген эмес. Быйыл акырындап көбөйө баштады. Алар — вакцина алып, санитардык нормаларды сактап жана ооруп сакайгандар. Адамдар эки жылга чукул карантиндик абалда отуруп, ар кандай стресске туш болду. Мындай жагдайдан чыгуу үчүн саякаттоо эң мыкты жол болуп саналат. Соңку учурда активдүү жаштар көбөйдү. Учурда туристтердин ПЦР-тест тапшырып өлкөгө кире берүүгө мүмкүнчүлүгү бар. Тилеке каршы, бул жаатта бир топ көйгөйлөр чыгууда. Ошол эле авиакаттамдар менен учуп келүү кымбат болуп жатат. Көп өлкөлөрдөн түз рейс жоктугуна байланыштуу туристтер Түркия же Россия аркылуу келүүгө мажбур. Мындан тышкары, маркетинг жаатында аксап жатабыз. Ушул багыттарда аракет көрүү зарыл. Экологиялык, тоо туризми жана Жибек Жолундагы өлкө катары өзүбүздү көрсөтүүбүз керек. Чындап алганда өлкөнүн туристтик потенциалы абдан эле чоң. Бул жакка келип кайра кетип жаткан туристтердин арасында сурамжылоо жүргүзгөндө табияттын кооздугун, элдин меймандостугун баалашат", — деди Мамбеталиева.

Ошондой эле ал туристтер көбүнчө аймактарды, ал жактагы карапайым калкты көрүүнү каалай турганын кошумчалады.

4
Белгилер:
пандемия, БУУ, туризм, Айша Мамбеталиева
Тема боюнча
Шатманов: Кыргызстандын кооз жерлерин онлайн саякаттаса болот
Полностью разрушенные АЗС и торговые точки находящиеся между селами Арка и Борбордук в Лейлекском районе после после приграничного военного конфликта между Кыргызстаном и Таджикистаном

Кыргыз-тажик чек арасында чырды ким баштаганын космостон тартылган сүрөт көрсөтөт

0
Акыйкатчынын айтымында, космостон тартылган сүрөттөн Тажикстандын жаңжалга кантип даярдангандыгын билүүгө болот.

БИШКЕК, 17-май — Sputnik. Космостук державаларга кайрылып, Тажикстан менен чектешкен аймакта чек ара жаңжалына чейинки жана андан кийин тартылган аэросүрөттөрдү суроо зарыл. Бул туурасында Кыргызстандын акыйкатчысы Токон Мамытов айтты.

Ал мындай пикирин "Фергана өрөөнүндөгү чек арага жакын аймактардагы чырлардын Борбор Азиядагы глобалдуу коопсуздукка тийгизген таасири" деп аталган тегерек столдо сүйлөп жатып билдирди.

Мамытов бул материалдар эки мамлекеттин бирин-бири күнөөлөп жаткан маселени чечет деген ойдо.

"Азыр эки тарап тең бири-бирин агрессия жасады деп айыптоодо. Бул маселени чечиш үчүн космостук державаларга кайрылып, Тажикстан менен чек арадагы аймакта чек ара жаңжалына чейинки жана андан кийин тартылган аэросүрөттөрдү сураш керек. Ошондо гана бул окуяга ким алдын ала даярданып, ок биринчилерден болуп кайдан атылгандыгын тартылган сүрөттөр боюнча аныктоого болот. Бул материалдар майда-чүйдө бардык деталдарды, ал тургай бронетехниканын номерлерине чейин көрсөтөт", — деди Мамытов.

Акыйкатчы эгерде Кыргызстан эл аралык сотко кайрылууну чечсе, анда алынган бул материалдар далил катары пайдаланыларын белгиледи.

Эске салсак, Токон Мамытов https://sputnik.kg/reference/20171130/1036593316/tokon-mamytovdun-omur-bayany.html көп жылдар бою улуттук коопсуздук боюнча органдарда иштеп, Чек ара кызматын жетектеп, Кыргызстандын Коопсуздук кеңешинин катчысы болгон.

https://t.me/sputnik_kyrgyzstan_kg/5264

Теги: Кыргызстан Тажикстан Токон Мамытов омбудсмен кыргыз-тажик чек арасы жаңжал космос

Теги: https://sputnik.kg/society/20210513/1052484494/soogu-orttolgon-ujunon-tabylgan-maksattyn-turgunu.html

0