Тесме кармап турган адам. Архив

Кыргызстандын муфтийи качан шайланары белгилүү болду

(жаңыланган 10:59 25.03.2021)
Кыргызстан мусулмандар дин башкармалыгынын жетекчилигине сегиз адам ат салышууда. Бул кызмат февраль айынан бери бош турат.

БИШКЕК, 24-мар. — Sputnik. Үстүбүздөгү жылдын 5-апрелинде Кыргызстан мусулмандарынын кезектеги VII курултайы өтөт. Бул туурасында муфтияттын маалымат кызматы кабарлады.

Билдирүүгө ылайык, бул күнү муфтий кызмат ордуна, Аалымдар кеңешине жана Борбордук текшерүү комитетине өкүлдөр шайланат.

Кыргызстан мусулмандар дин башкармалыгынын жетекчилигине сегиз адам ат салышууда.

Февраль айында УКМК зыяратчылардан түшкөн акчаны жеке кызыкчылыгы үчүн пайдаланган деп муфтийдин эсепчисин кармаган. Андан кийин муфтий Максатбек ажы Токтомушев кызматтан кетүү боюнча арыз берген.

Атайын кызмат тараткан билдирүүдө муфтияттагылар ишти жаап-жашыруу үчүн 100 миң доллар пара сунуштаганы да айтылган. Ушул эле күнү Максатбек Токтомушев дагы кармалган. Бишкектин Биринчи май райондук соту анын баш коргоо чарасын карап, сыртка чыкпоо боюнча тил кат менен бошоткон.

Белгилер:
курултай, Аалымдар кеңеши, шайлоо, Муфтий
Тема:
Муфтияттагы чуулуу иш (18)
Тема боюнча
Жапаров Максат ажынын ордун бирөөгө убадалаганбы. Президенттик аппарат жооп берди
Экс-муфтий Максатбек Токтомушев элге кайрылуу жасады. Видео
Көк бөрү мелдеши. Архив

Жеңиш күнүнө арналган республикалык көк бөрү мелдеши Таласта өтөт

2-май күнү чүчү кулак тартылып, оюндар 3-майда башталат. Мелдеш Спорттун улуттук түрлөрү боюнча дирекциясы жана Улуттук көк бөрү федерациясы тарабынан уюшулууда.

БИШКЕК, 23-апр. — Sputnik. Улуу Жеңиш күнүнө арналган көк бөрү боюнча республикалык мелдеш Талас облусунда өтөт. Бул тууралуу өлкөнүн Улуттук көк бөрү федерациясы билдирди. https://www.instagram.com/p/CNsDV-YMxdM/

2-май күнү чүчү кулак тартылып, мелдеш 3-майда башталат.

"Улуу Жеңиш күнүнө арналган көк бөрү боюнча республикалык турнир 3-майдан 9-майга чейин Талас облусунун Райкан Алканов атындагы ат майданында өтөт. Командалардын катышуу боюнча арыздары 30-апрель күнү саат 17:30га чейин кабыл алынат", — деп айтылат маалыматта.

Мелдеш Спорттун улуттук түрлөрү боюнча дирекциясы жана Улуттук көк бөрү федерациясы тарабынан уюшулууда.

Белгилер:
Талас облусу, мелдеш, Көк бөрү, Улуу Жеңиш
Тема боюнча
1-май күнү Кыргызстанда эл аралык "Альпиниада – 2021" мелдеши өтөт
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр