БИШКЕК, 25-мар. — Sputnik. Бишкек мэриясынын карамагына баасы 23 миллион 334 миң 120 сом турган төрт жер тилкеси кайтарылып берилди. Бул тууралуу Башкы прокуратуранын маалымат кызматы билдирди.

Калаанын Ленин районунун прокуратурасы "Арча-Бешик" жаңы конушундагы мыйзамсыз түрдө үй курууга берилген жерлер боюнча текшерүү иштерин жүргүзгөн. Иликтөө учурунда № 93 мектептин аймагындагы жер тилкелери 2005-жылы турак жай салууга берилип кеткендиги аныкталган. Башкы прокуратуранын билдирүүсү боюнча, бул жерлерге бала бакча түшүшү керек эле.

Сот прокуратуранын доосун канааттандырып, 24-мартта төрт жер тилкесин калаанын балансына өткөрүп берди.

Sputnik Кыргызстан агенттиги анын өмүрү жана чыгармачылыгындагы кызыктуу ирмемдерди сунуштайт.

Үсөн Кудайбергенов 1949-жылы 27-ноябрда Чүй облусунун Жайыл районундагы Сары-Булак айылында туулган. Ал мектепте окуп жүргөн кезинде эле Фрунзедеги цирктеги чабандестердин ишине аралаша баштап, кийин Москвадагы Кинематография институтунда окуп, 19 жашында "Жамийла" көркөм тасмасында кооптуу эпизодду аткарып тартылган. Тажрыйба топтогон соң Өзбекстан, Тажикстан, Казакстан, Италия, Франция, Германия, Россия, АКШ, Индиянын фильмдерине актер, каскадер катары катышкан. Кудайбергенов 29 жашында "Генийдин өспүрүм кези" фильминде Сыр-Дарыяга 27 метр бийиктиктен ат менен секирип, дүйнөлүк деңгээлде таанылган. Ал трюгу менен Кыргызстандан биринчилерден болуп Гиннес китебине кирген.

Ошондой эле кайра куруу жылдарында Борбор Азияда биринчи жолу Каскадерлор ассоциациясын негиздеп, чет элдик киночулар жана киностудиялар менен тыгыз иштешкен. КРде түрдүү долбоорлорду ишке ашырып, бир топ жаштарды тарбиялаган.

"Манас" эпосунун 1000 жылдыгын өткөрүүгө жигердүү катышып, 1999-жылдагы Баткен окуясында өзүнүн чогуу иштеген балдары менен чек арачыларга жардам берген.

Тайманбаган таланттуу инсан чыгармачылыгында Голливуд, Россиянын Каскадерлор ассоциациясынын атайын мүчөсү, Кыргызстандын Панкратион федерациясынын президенти болуп шайланып, дүйнөгө таанымал Ричард Тайсон, Марк Дакаскос жана Эрик Норрис менен иштешип, бир катар белгилүү киностудиялар менен кызматташып, 300дөн ашык кинокартинанын жаралуусуна көмөктөшкөн.

Жеке жашоосунда Кыргыз ССРинин маданият министри Күлүйпа Кондучалованын жалгыз кызына баш кошуп, жубайлар бир кыздуу болгон. Ал эми экинчи турмушунда өзбекстандык актриса Альмира Исмаиловага үйлөнүп, эки уулду тарбиялаган.

Үсөн Кудайбергеновду 2005-жылдагы март окуяларынан кийин белгисиз адамдар өз үйүндө атып өлтүрүп кетишкен. Анда каскадер 55 жаштын чайын ичип аткан.

Кыргыз каскадерлук өнөрүнүн башында турган инсан жөнүндө кызыктуу фактыларды бул жактан окуса болот.