Электр линиялары. Архив

Кыргызстан менен Өзбекстан керектүү учурда электр энергиясын алмашат

(жаңыланган 15:30 25.03.2021)
Коңшулар Кыргызстанга быйылкы жылдын март-октябрь айларында жана 2022-жылдын март-апрелинде электр энергиясын берсе, Кыргызстан аны 2021 жана 2023-жылдардын июнь-август айларында кайтарып берет.

БИШКЕК, 25-мар. — Sputnik. Кыргызстан менен Өзбекстан керектүү учурларда бири-бирине электр энергиясын берүү боюнча сүйлөшүүлөрдү жүргүздү. Бул тууралуу Энергетика жана өнөр жай министрлиги билдирди.

"Токтогул суу сактагычында сууну топтоп, 2021-2023-жылдар аралыгында Өзбекстанды сугат суу менен камсыздоо үчүн эки өлкө шарттуу баада 750 миллион кВт саат электр энергиясын алмашуу боюнча сүйлөштү", — деп айтылат билдирүүдө.

Тагыраагы, коңшулар Кыргызстанга быйылкы жылдын март-октябрь айларында жана 2022-жылдын март-апрелинде электр энергиясын берсе, Кыргызстан аны 2021 жана 2023-жылдардын июнь-август айларында кайтарып берет.

Белгилер:
кызматташтык, суу, электр энергиясы, Өзбекстан, Кыргызстан
Тема боюнча
Токтогулда суу кооптуу чекке жетти. Өкмөт ички керектөөнү азайтмакчы
Бишкектеги Башкы прокуратуранын имараты. Архив

Баткен: мамлекеттик 30 батир, жер тилкелери жеке тараптарга берилип кеткен

(жаңыланган 10:16 15.04.2021)
Мамлекеттик кызматкерлер мыйзамсыз келишимдерди түзүп, мүлктөрдү сатып жиберишкен. Кызмат абалынан кыянаттык менен пайдалануу беренеси боюнча кылмыш иши козголду.

БИШКЕК, 15-апр. — Sputnik. Баткендеги "Кадамжай-Коммунальщик" мамлекеттик-муниципалдык ишканасына тиешелүү 30 батир, 10 жана 15 сотыхты түзгөн эки жер тилкеси жеке жактарга берилгени аныкталды. Бул тууралуу Башкы прокуратуранын маалымат кызматы кабарлады.

Мүлктөр аталган ишкананын жана "Кадастр" мамлекеттик мекемесинин кызмат адамдары тарабынан сатылган.

"Тагыраагы, жогоруда кеп болгон мамлекеттик мекеме менен ишкананын жооптуу кызматкерлери мыйзам талаптарын бузуу аркылуу жогорудагы объектилерди сатуу боюнча укукка жат келишимдерди түзүшүп, кыймылсыз мүлктөрдү жеке тараптарга сатып жиберишкен", — деп жазылган билдирмеде.

Учурда Кадамжай райондук прокуратурасы тарабынан Баткен облустук административдик жана Кадамжай райондук сотторуна доо арыздары жазылган.

Андан сырткары, кызматкерлердин аракетине баа берүү үчүн Жазык кодексинин 320-беренеси менен ("Кызмат абалын кыянаттык менен пайдалануу") козголгон өндүрүш иши боюнча тергөө амалдары жүрүп жатат.

Дарыгер оорукананын бөлүмүндө COVID-19 менен ооруган адамга жардам берип жатат. Архив

Өлкө боюнча 6 бейтап көз жумуп, 300дөн ашуун кишиге COVID жукту

(жаңыланган 10:19 15.04.2021)
Жуктургандардын саны боюнча дагы деле Бишкек шаары менен Чүй облусу алдыда. Ошондой эле бүгүн бир нече аптадан бери жаңы учурлар каттала элек Талас облусунан вирус жуктургандар табылды.

БИШКЕК, 15-апр. — Sputnik. Бир сутка ичинде өлкө боюнча коронавирус 305 кишиден табылып, 178 бейтап айыкты. Бул тууралуу Республикалык штабдан кабарлашты.

Айыккандар:

  • Бишкек шаары – 109;
  • Ош шаары – 2;
  • Чүй облусу – 55;
  • Нарын облусу – 4;
  • Ысык-Көл – 6;
  • Жалал-Абад –1;
  • Баткен облусу – 1.

Жуктургандар:

  • Бишкек шаары – 186;
  • Ош шаары – 7;
  • Чүй облусу – 89;
  • Талас облусу – 4;
  • Нарын облусу – 1;
  • Ысык-Көл облусу – 12;
  • Жалал-Абад – 4;
  • Баткен облусу – 2.

Ушуну менен өлкө боюнча коронавирус жуктургандардын саны 91 144кө жетсе, анын ичинен 86 491и сакайып кетти.

Акыркы суткада коронавирустан алты киши каза тапты. Алардын бешөө Бишкек шаарынын, бири Чүй облусунун тургундары болгон. Аларды кошкондо пандемия башталгандан бери Кыргызстанда вирустан көз жумгандардын саны 1 540ка жетти.

Тема:
Кыргызстандагы коронавирус жуктуруп алгандар
Тема боюнча
"COVID-19 жок саякаттайм" тиркемесин колдонгондордун саны эки миңге жетти
Ош шаарында бир тууган балдардан COVID аныкталып эки мектеп жабылды