Жалал-Абадда муниципалдык унаа базары ишке кирди. Сүрөттөр
(жаңыланган 16:17 25.03.2021)
Базарга төрт жактан кирип чыгууга болот. Азырынча буга чейинкидей тартип менен бейшемби күнү унаа базары деп бекитилди.БИШКЕК, 25-мар. — Sputnik. Жалал-Абад шаарында муниципалдык унаа базары бүгүндөн тарта ишке кирип, соода жүрүүдө. Бул тууралуу калаа мэриясы билдирди.
Жалал-Абад шаарында муниципалдык унаа базары бүгүндөн тарта ишке кирип, соода жүрүүдө© Фото / пресс-служба мэрии г. Джалал-Абад
Маалыматта базар "Спутник" кичи шаарчасындагы Манас көчөсүндө жайгашканы айтылат. Бүгүн кирген автоунаалардан акы талап кылынган эмес.© Фото / пресс-служба мэрии г. Джалал-Абад
©
Фото / пресс-служба мэрии г. Джалал-Абад
Маалыматта базар "Спутник" кичи шаарчасындагы Манас көчөсүндө жайгашканы айтылат. Бүгүн кирген автоунаалардан акы талап кылынган эмес.
"Базар 3,5 гектардан ашык аянтты ээлейт. Азырынча толук шарт түзүлүп бүтө элек. Алдыда электрондук система менен төлөм жүргүзүүгө ыңгайлашып, жолдорго асфальт төшөлөт", — деп жазылат билдирүүдө.
Базарга төрт жактан кирип чыгууга болот. Азырынча буга чейинкидей тартип менен бейшемби күнү унаа базары деп бекитилди. Соода жайына болжол менен 2 200дүн тегерегинде машина батат.
Базардан түшкөн каражат шаардык бюджетке багытталмакчы.
Кыргызстан жараксыз автоунаа номерлерин темир катары 12 млн. сомго сатты
(жаңыланган 16:30 14.04.2021)
2018-жылдан бери кампаларга салмагы 143 тонналык утилизацияланган автономерлер толуп калган. Аны сатууга аукцион уюштурулду.БИШКЕК, 14-апр. — Sputnik. 143 миң тонна колдонулган жана жарактан чыккан мамлекеттик белгилер темир-тезек катары 11 миллион 920 миң сомго сатылды. Бул тууралуу Мамлекеттик каттоо кызматынан билдиришти.
Маалыматка караганда, бүгүн, 14-апрелде, колдонулган жана жарактан чыккан мамлекеттик белгилерди сатуу боюнча аукцион болуп өттү. Аны Мамлекеттик каттоо кызматынын алдындагы "Унаа" ишканасы уюштурган. 1 килограмм алюминийдин баштапкы баасы 65 сом деп бааланган. Соодалашуунун натыйжасында 83 сом 23 тыйындан сатылды.
"Аукциондун жыйынтыгында 143 миң 280 килограмм болгон темир-тезек 11 миллион 920,9 миң сомго сатылды", — деп айтылат маалыматта.
"Унаа" муниципалдык ишканасынын жетекчисинин орун басары Бакыт Шералиевдин айтымында, 2018-жылдан бери кампаларга салмагы 143 тонналык утилизацияланган автономерлер толуп калган. Түшкөн каражат мамлекеттик бюджетке которулат.
Путин коронавируска каршы вакцинанын экинчи компонентин сайдырды
(жаңыланган 16:33 14.04.2021)
Россия башчысы биринчи вакцинасын 24-мартта алып, өзүн жакшы сезип, дароо ишке чыккан. Администрация президент кайсы препаратты тандаганын так айткан эмес.БИШКЕК, 14-апр. — Sputnik. РФ президенти Владимир Путин коронавируска каршы экинчи ирет эмделди. Бул тууралуу РИА Новости кабарлады.
Россиянын башчысы биринчи вакцинасын 23-мартта алган. Анда администрация президент кайсы препаратты тандаганын так айткан эмес, бирок ал Россия чыгарган үч вакцинанын бири экендиги белгилүү болгон.
Россия ушуга чейин "Спутник V", "ЭпиВакКорона" жана "КовиВак" деп аталган үч вакцина чыгарды.
Чүйдө эки унаа кагышып, жети адам жаракат алды. Видео
(жаңыланган 17:12 14.04.2021)
Ысык-Ата районунун Киргшелк айылында болгон жол кырсыгынан жаракат алгандар Кант шаардык ооруканасына жеткирилгени айтылды.БИШКЕК, 14-апр. — Sputnik. Бишкек — Нарын — Торугарт жолунда катталган автоунаа кырсыгынан 7 адам жаракат алды. Бул тууралуу Өзгөчө кырдаалдар министрлиги билдирди.
Маалыматка караганда, кырсык 14-апрель күнү саат 14:00дөр чамасында Ысык-Ата районундагы Киргшелк айылында болгон.
"Mercedes-Benz унаасы менен ЗИЛ-130 үлгүсүндөгү оор жүк ташуучу унаа сүзүшкөн. Кырсыктын кесепетинен 7 адам жаракат алган. Куткаруучулар унаага кыпчылып калган аялды чыгарышып, Тез жардам кызматына өткөрүп беришкен", — деп жазылат маалыматта.
Жабыркагандар Кант шаардык ооруканасына жеткирилгени жана алардын абалы орточо экени айтылды.