Премьер-министр Улукбек Марипов кыргыз диаспорасынын өкүлдөрү менен Ташкент шаарында жолугушу

Марипов Өзбекстандагы этникалык кыргыздар менен жолукту. Сүрөттөр

(жаңыланган 15:45 26.03.2021)
Учурда Өзбекстанда 300 миңден ашуун кыргыз жашайт. Жалпысынан өлкөдө 55 жалпы билим берүүчү кыргыз мектеби бар, анын 14ү толук кыргыз тилдүү болуп саналат.

БИШКЕК, 26-мар. — Sputnik. Премьер-министр Улукбек Марипов Өзбекстанга жумушчу сапары менен барып Жизак районунун Манас айылында жашаган кыргыз диаспорасынын өкүлдөрү менен Ташкент шаарында жолугушту. Бул тууралуу өкмөттүн маалымат кызматы кабарлады.

  • Премьер-министр КР Улукбек Марипов в рамках рабочей поездки в Узбекистан встретился с представителями кыргызской диаспоры в Ташкенте. 26 марта 2021 года
    Премьер-министр Улукбек Марипов Өзбекстанга жумушчу сапары менен барып Жизак районунун Манас айылында жашаган кыргыз диаспорасынын өкүлдөрү менен Ташкент шаарында жолугушту
    © Пресс-служба правительства / Алишер Алиев
  • Национальные кыргызские музыкальные инструменты и сборники мелодий на встрече премьер-министра КР с представителями кыргызской диаспоры в Ташкенте. 26 марта 2021 года
    Марипов кандаштарга президент Садыр Жапаровдун атынан салам жолдоп, кыргыз элинин маданиятын жана салт-санаасын аяр сактагандыгы үчүн аларга ыраазычылык билдирди
    © Пресс-служба правительства / Алишер Алиев
  • Премьер-министр КР Улукбек Марипов в рамках рабочей поездки в Узбекистан встретился с представителями кыргызской диаспоры в Ташкенте. 26 марта 2021 года
    Диаспора өкүлү Рахматулла Жаббанов учурда Өзбекстанда 300 миңден ашуун кыргыз жашай турганын билдирди
    © Пресс-служба правительства / Алишер Алиев
  • Национальные кыргызские костюмы на встрече премьер-министра КР с представителями кыргызской диаспоры в Ташкенте. 26 марта 2021 года
    Анын айтымында, жалпысынан өлкөдө 55 жалпы билим берүүчү кыргыз мектеби бар, анын 14ү толук кыргыз тилдүү болуп саналат
    © Пресс-служба правительства / Алишер Алиев
  • Премьер-министр КР Улукбек Марипов в рамках рабочей поездки в Узбекистан встретился с представителями кыргызской диаспоры в Ташкенте. 26 марта 2021 года
    "Борбордон ыраак жайгашкан Манас айылы өткөн кылымдын 60-жылдары пайда болгон
    © Пресс-служба правительства / Алишер Алиев
  • Портет Чингиза Айтматова и книги на кыргызском на встрече премьер-министра КР с представителями кыргызской диаспоры в Ташкенте. 26 марта 2021 года
    Бүгүнкү күндө анда 6,5 миңден ашуун адам жашайт
    © Пресс-служба правительства / Алишер Алиев
1 / 6
© Пресс-служба правительства / Алишер Алиев
Премьер-министр Улукбек Марипов Өзбекстанга жумушчу сапары менен барып Жизак районунун Манас айылында жашаган кыргыз диаспорасынын өкүлдөрү менен Ташкент шаарында жолугушту

Марипов кандаштарга президент Садыр Жапаровдун атынан салам жолдоп, кыргыз элинин маданиятын жана салт-санаасын аяр сактагандыгы үчүн аларга ыраазычылык билдирди.

"Тилекке каршы, программанын жыштыгына байланыштуу айылга бара албай калдык, сиздердин аман-эсен экениңерди көрүп, бакубат жашооңуздардан кабар алып сүйүнүп турабыз. Этникалык кыргыздар жашаган айылды өнүктүрүүгө жана көрктөндүрүүгө чоң көңүл буруп жаткан Өзбекстандын жетекчилигине ыраазычылык билдиргим келет", — деди Марипов.

Диаспора өкүлү Рахматулла Жаббанов учурда Өзбекстанда 300 миңден ашуун кыргыз жашай турганын билдирди. Анын айтымында, жалпысынан өлкөдө 55 жалпы билим берүүчү кыргыз мектеби бар, анын 14ү толук кыргыз тилдүү болуп саналат.

Представитель кыргызской диаспоры Рахматулла Джаббанов на встрече с премьер-министром КР в Ташкенте. 26 марта 2021 года
© Пресс-служба правительства / Алишер Алиев
Диаспора өкүлү Рахматулла Жаббанов (оң жакта)
"Борбордон ыраак жайгашкан Манас айылы өткөн кылымдын 60-жылдары пайда болгон. Бүгүнкү күндө анда 6,5 миңден ашуун адам жашайт. Биз жеке жолугушуу жана кеңири маектешүү мүмкүнчүлүгүнө ыраазыбыз. Баары жетиштүү, биз үчүн бардык шарттар түзүлгөн. Жалпысынан Өзбекстанда 55 жалпы билим берүүчү кыргыз мектеби бар, анын 14ү толук кыргыз тилдүү болуп саналат. Мамлекет башчынын Өзбекстанга жасалган сапарынын жыйынтыгы боюнча мамлекеттер аралык чек араны делимитациялоо жана демаркациялоону жыйынтыктоо боюнча сүйлөшүүлөр натыйжалуу болот деп ишенебиз", — деди Жаббанов.

Памирлик кыргыздар. Архив
© Фото / пресс-служба Государственной службы миграции
Премьер-министр кыргыз диаспорасынын сунуш-пикирин угуп, кызыктырган суроолорго жооп берди.

Жолугушуунун жүрүшүндө белгиленгендей, Өзбекстандын Кыргызстандагы маданият күндөрүнүн алкагында Жизак облусунун Манас айылындагы "Маржан" көркөм ыр-бий ансамбли тарыхый мекенине келмекчи.

Эске салсак, Марипов Ташкент шаарына эки өлкө ортосундагы эки тараптуу кызматташтык боюнча Биргелешкен өкмөттөр аралык комиссиянын IX кеңешмесине катышуу үчүн келген.

Белгилер:
мектеп, жолугушуу, этникалык кыргыздар, Өзбекстан, Кыргызстан, Улукбек Марипов
Тема боюнча
Өкмөт башчы Марипов Ташкентке барды
Марипов жумгалдыктардын Түндүк — Түштүк жолу боюнча суроолоруна жооп берди
Марипов: ТЭЦ-2 ишке кирсе 400 үй-бүлөнү көчүрүүгө туура келет
Замначальника отдела Государственной судебно-экспертной службы КР Жийдегуль Семенова на радио Sputnik Кыргызстан

Семёнова: сөз аркылуу жасалган кылмыштар үчкө бөлүнөт

Мамлекеттик соттук-эксперттик кызматтын Диндик экспертиза башкармалыгынын жетекчисинин орун басары Жийдегүл Семёнова сөз менен кылмыш жасоо үч топко бөлүнөрүн айтты.
Семёнова: сөз аркылуу жасалган кылмыштар үчкө бөлүнөт

Соттук-эксперттик мамлекеттик кызматта Диндик экспертиза башкармалыгы болуп түзүлгөнүнө эки жылдын гана жүзү болду. Биз террордук, экстремисттик чакырык, үндөөлөрдү камтыган же улуттар аралык кагылышууларга алып келүүчү, болбосо кайсы бир топтогу адамдардын же жеке инсандын аброюна шек келтирген тексттерди талдап, иликтейбиз. Бул тууралуу Жийдегүл Семёнова Sputnik Кыргызстан радиосуна маек куруп жатып билдирди.

Анын айтымында, сөз аркылуу кылмыш жасоо өлкө аймагында жылдан-жылга көбөйүүдө.

"Сөз менен кылмыш жасоону негизги үч топко бөлүп карайбыз. Алар кептик бейбаштык, кептик алдамчылык жана кептик кылмыш болуп аталат. Мисалы, интернет айдыңында коомго коркунуч жаратпаган, бирок жеке бир адамды же улутту таарынткан текст — бул кептик бейбаштык болуп эсептелет. Ал эми кайсы бир продукцияны эч негизсиз мактап, кымбат сатуу аракетин көргөн сыяктуу тексттер кептик алдамчылыкка кирет. Кептик кылмыш деп биз экстремисттик, террордук чакырыктарды жана башка ушул сыяктуу оор иштерге үндөгөн тексттерди атайбыз. Биздин милдет ошол жерде мыйзам бузуулар бар экенин аныктап берүү гана. Ал эми чечимди сот чыгарат. Аныктоодо биз эч качан бир гана сөзгө же сүйлөмгө басым жасабайбыз. Жазылган жалпы текстке көңүл бурабыз. Ал социалдык тармактагы бирөөнүн жеке баракчасына жазган посту болобу же анын түбүнө жазылган комментарийби, айырмасы жок", — деди Семёнова.

Лингвист 2018-жылы кептик мыйзам бузуу боюнча 86 учур катталса, 2019-жылы 950гө жеткенин кошумчалады.

Белгилер:
Жийдегуль Семенова, талдоо, укук, мыйзам, кеп
Тема боюнча
Бегилерова: адвокаттын телефон сүйлөшүүсүн угууну кысым катары кабыл алабыз
Бишкек шаардык мамлекеттик санитардык-эпидемиологиялык көзөмөлдөө борборунун адиси, энтемолог Гүлкайыр Орокчиева

Орокчиева: кене энцефалити мээни, жүлүндү жабыркатат

Бишкек шаардык мамлекеттик санитардык-эпидемиологиялык көзөмөлдөө борборунун адиси, энтемолог Гүлкайыр Орокчиева кене энцефалити мээ, жүлүндү жабыркатарын айтты.
Орокчиева: кене энцефалити мээни, жүлүндү жабыркатат

Кене энцефалити борбордук нерв системасын жабырката турган курч кармоочу вирустук оору. Ал адамга кене чакканда анын шилекейи аркылуу жугат. Миңдеген түрдүн ичинен иксод кенеси дал ушул вирусту алып жүрөт. Бул тууралуу Гүлкайыр Орокчиева Sputnik Кыргызстан радиосунун эфиринде маек куруп жатып билдирди.

Анын айтымында, кооптуу кенелер Чоң-Кемин, Ала-Тоо жана Тескей Ала-Тоонун токойлуу жерлеринде көп кездешет.

"Тоого, токойго эс алууга чыккан учурда кенелердин жабышып алуусун алдын алуу үчүн кийимдерди, денени текшерип карап туруу керек. Эгер мүмкүнчүлүк болсо, кенелерди качыруучу ар кандай крем, мазь, аэрозолдорду колдонгон оң. Күн кандай гана ысык болбосун, жеңи узун кийим кийүү зарыл. Ошондой эле багалекти байпакка кымтып, моюнду жука жоолук менен ороп алыңыздар. Эс алуудан кайткан учурда адамдар өзүн жана бири-бирин кылдаттык менен карап чыгуусу керек. Эгерде денеге кене жабышып алса, баш бөлүгүн жип менен тегеретип байлап, май тамчылатып туруп, денесин башынан үзүп албастан жиптин эки учун кылдаттык менен акырын тартып алуу керек. Жабышкан кенени алган учурда эч качан аны сыгууга, басууга болбойт. Анткени баскан учурда вирусту организмге жуктуруп алуу мүмкүн. Кене чаккан жерди спирт же йод менен сүртүп коюу керек. Кенени алгандан кийин айнек идишке салып аймактык Ооруларды алдын алуу жана санитардык-эпидемиологиялык көзөмөлдөө борборуна тапшырса, дарыгер кененин түрүн аныктап, ага жараша чара көрөт", — деди Орокчиева.

Дарыгер мээ, жүлүндү жабыркаткан энцефалитти өз учурунда дарылабаса майыптыкка же өлүмгө алып келиши мүмкүндүгүн кошумчалады.

Белгилер:
Гүлкайыр Орокчиева, энцефалит, мээ, вирус, кене
Тема боюнча
Кенеден кантип сактануу керектигин терапевт айтып берди