Бишкектин киреберишине коюлган тосмолор. Архивдик сүрөт

COVID жуктургандар көбөйсө Бишкекке кандай чектөөлөр киргизилет

(жаңыланган 11:18 27.03.2021)
Мэриянын өкүлү борбор калаада коронавирус боюнча абал курчуй турган болсо көрүлчү чараларды айтып берди.

БИШКЕК, 27-мар. — Sputnik. Бишкекте эпидемиологиялык кырдаал начарлап кетсе бийлик базарлар менен супермаркеттердин иш күнүн кыскартат. Бул тууралуу Санэпидкөзөмөл борборунун башкы дарыгеринин орун басары Айнагүл Рыскулбекова билдирди. 

Заместитель главного врача Центра санэпиднадзора Айнагуль Рыскулбекова во время брифинга в пресс-центре Sputnik Кыргызстан
© Sputnik / Жоомарт Ураимов
Санэпидкөзөмөл борборунун башкы дарыгеринин орун басары Айнагүл Рыскулбекова

Ал мындай суроого Sputnik агенттигинин маалымат борборунда өткөн жыйында жооп берген.

"Эгер абал курчуй турган болсо, биринчи кезекте өнөр жай жана азык-түлүк базарлары, ошондой эле супермаркеттердин иш күнү кыскартылат. Мындан тышкары, адамдар ортосундагы байланышты азайтып, оорунун жайылышын алдын алабыз. Бул жерде кеп жумушту токтотуп салуу тууралуу эмес, иш күндү кыскартуу жөнүндө болуп жатат", — деди Рыскулбекова.

Ушул эле брифингде 1-апрелде балдар кандай окуй турганы да айтылды.

Белгилер:
чара, мэрия, оору, базар, супермаркет, эпидемия, кырдаал
Тема:
Коронавируска байланыштуу Кыргызстандагы кырдаал (2665)
Тема боюнча
Мэрия: Бишкекте COVID 15-марттан тарта күч алды
БУУнун башкы катчысы Антонио Гутерриш. Архив

Гутерриш дүйнө туңгуюкка кептелгенин айтып, эл башчыларына сунуш берди

(жаңыланган 15:57 20.04.2021)
Эл аралык уюм былтыр токойлор өрттөнүп, кургакчылык болуп, суу ташкындап, ага кошумча мөңгүлөр эригенин айтып, климат ушул боюнча кете берсе дүйнө алапайын таппай каларын айткан.

БИШКЕК, 20-апр. — Sputnik. БУУнун башкы катчысы Антониу Гутерриш Reuters агенттигине берген маегинде дүйнө туңгуюкка кептелип баратканын билдирди.

Анын айтымында, Дүйнөлүк метеорологиялык уюм 2020-жылы токойлор өрттөнүп, кургакчылык болуп, суу ташкындап, ага кошумча мөңгүлөр эригени боюнча отчёт берген. Мындай көрүнүш тарыхта сейрек кездешери айтылат.

"Биз жоголуп кетүү коркунучунда турабыз. Тропикалык бороон-чапкындардын, глобалдык жылуулуктун кесепетинен муз менен мөңгүлөрдүн эриши, токой өртү боюнча рекорддук деңгээл байкалууда. Илимий коомчулук тарабынан аныкталган кооптуу 1,5 градуска жетебизби деп турам", — деген БУУ өкүлү.

Мындай жагдай климаттын кескин өзгөрүшүнөн ансыз да жапа чеккен миллиондогон адам үчүн бөтөнчө кыйынчылык жаратарын кошумчалаган.

Гутерриш дүйнө лидерлерин аталган документ менен таанышууга чакырып, жаратылыш кырсыктарын алдын алуу боюнча чараларды көрүүгө үндөдү.

Тема боюнча
БУУнун катчысы кансыз согуштун алдын алуу жолун айтты
Бишкекте Жеңиш күнүн майрамдоо. Архив

Бишкекте 9-Май жана Шаар күнү майрамдалбайт

(жаңыланган 15:44 20.04.2021)
Мындай чечим коронавирус пандемиясы боюнча эпидемиологиялык абалга байланыштуу кабыл алынган. Буга чейин 21-марттагы Нооруз да майрамдалган эмес.

БИШКЕК, 20-апр. — Sputnik. Бишкекте шаар күнү (29-апрель) жана Жеңиш күнүн (9-май) массалык майрамдоо токтотулду. Бул тууралуу мэриянын маалымат кызматы билдирди.

Мындай чечим коронавирус пандемиясы боюнча эпидемиологиялык абалга байланыштуу кабыл алынган.

Ооруканадагы дарыгер. Архив
© Пресс-служба президента КР / Султан Досалиев
Бишкекте пандемия башталгандан бери 32 миң 649 учур катталды. Өткөн суткада 117 адам жуктурганы аныкталган.

Мэрия шаардыктарды санитардык эрежелерди сактап, ден соолукка кам көрүүгө чакырат.

Эскерте кетсек, 21-мартта Ноорузга карата бардык майрамдык салтанаттар, массалык майрамдоо токтотулган.

Белгилер:
абал, коронавирус, майрам, Бишкек мэриясы
Тема:
Коронавируска байланыштуу Кыргызстандагы кырдаал (2665)
Тема боюнча
Бишкек мэриясы Айсулуу, Жоламан, Дарья баш болгон спортчуларды сыйлады
Бишкектин жаңы башкы планы тез арада иштелип чыкмай болду