Президент Садыр Жапаров аялдардын шайлоого активдүү катышуусун колдоо максатында дипломатиялык корпустун өкүлдөрү менен бирге Ынтымак сейил багына көчөт отургузду

Садыр Жапаров шайлоого катышчу кыз-келиндерди колдоп көчөт отургузду

(жаңыланган 14:50 27.03.2021)
Өлкө башчы айылдык кеңештердеги орундардын 30 пайызын аялдар үчүн калтыруу айылдык кеңештердеги аялдардын санынын өсүшүнө алып келерине үмүт артты.

БИШКЕК, 27-мар. — Sputnik. Президент Садыр Жапаров аялдардын шайлоого активдүү катышуусун колдоо максатында дипломатиялык корпустун өкүлдөрү менен бирге "Ынтымак" сейил багына көчөт отургузганын өлкө башчынын маалымат кызматы билдирди.

Иш-чара "Кыргызстанды бирге өнүктүрөбүз!" деген ураан астында өткөн. Ага Шайлоо жана референдум өткөрүү боюнча борбордук комиссиясынын төрайымы Нуржан Шайлдабекова жана БУУнун Башкы катчысынын Борбордук Азия боюнча атайын өкүлү Наталья Герман катышты.

  • Президент Садыр Жапаров вместе с представителями дипломатического корпуса высадил деревья в парке Ынтымак в поддержку активизации участия женщин на выборах в местные кенеши
    Президент Садыр Жапаров аялдардын шайлоого активдүү катышуусун колдоо максатында дипломатиялык корпустун өкүлдөрү менен бирге "Ынтымак" сейил багына көчөт отургузду
    © Пресс-служба президента КР / Султан Досалиев
  •  Президент Садыр Жапаров вместе с представителями дипломатического корпуса высадил деревья в парке Ынтымак в поддержку активизации участия женщин на выборах в местные кенеши
    Иш-чара "Кыргызстанды бирге өнүктүрөбүз!" деген ураан астында өткөн.
    © Пресс-служба президента КР / Султан Досалиев
  •  Президент Садыр Жапаров вместе с представителями дипломатического корпуса высадил деревья в парке Ынтымак в поддержку активизации участия женщин на выборах в местные кенеши
    Ага Шайлоо жана референдум өткөрүү боюнча борбордук комиссиясынын төрайымы Нуржан Шайлдабекова жана БУУнун Башкы катчысынын Борбордук Азия боюнча атайын өкүлү Наталья Герман катышты.
    © Пресс-служба президента КР / Султан Досалиев
  • Президент Садыр Жапаров вместе с представителями дипломатического корпуса высадил деревья в парке Ынтымак в поддержку активизации участия женщин на выборах в местные кенеши
    Мамлекет башчысы өз сөзүндө аталган иш-чара жарандардын өлкөнүн саясий турмушуна катышууда бирдей мүмкүнчүлүктөргө ээ экенин символдоштуруп турарын белгиледи.
    © Пресс-служба президента КР / Султан Досалиев
  •  Президент Садыр Жапаров вместе с представителями дипломатического корпуса высадил деревья в парке Ынтымак в поддержку активизации участия женщин на выборах в местные кенеши
    Президент айылдык кеңештердеги орундардын 30 пайызын аялдар үчүн калтыруу айылдык кеңештердеги аялдардын санынын өсүшүнө алып келерине үмүт артты.
    © Пресс-служба президента КР / Султан Досалиев
1 / 5
© Пресс-служба президента КР / Султан Досалиев
Президент Садыр Жапаров аялдардын шайлоого активдүү катышуусун колдоо максатында дипломатиялык корпустун өкүлдөрү менен бирге "Ынтымак" сейил багына көчөт отургузду

Мамлекет башчысы өз сөзүндө аталган иш-чара жарандардын өлкөнүн саясий турмушуна катышууда бирдей мүмкүнчүлүктөргө ээ экенин символдоштуруп турарын белгиледи.

Президент айылдык кеңештердеги орундардын 30 пайызын аялдар үчүн калтыруу айылдык кеңештердеги аялдардын санынын өсүшүнө алып келерине үмүт артты. Анын натыйжасында жергиликтүү деңгээлде чечим чыгаруу маалында гендердик теңчиликти камсыздоого мүмкүнчүлүк түзүлмөкчү.

"Жапаров бийликтин бардык деңгээлдеринде аялдарды колдоо өлкөнү ийгиликтүү өнүктүрүүнүн чечүүчү өбөлгөсү болорун белгиледи. Ал аялдардын үй-бүлөгө эле камкордук көрүү менен чектелбегенин, аймактар үчүн да кам көрүүгө умтулуп жатышын колдой турганын билдирип, алардын бакубатчылыкты алып келүүгө, социалдык жоопкерчиликти көтөрүүгө салымы зор экенин кошумчалады", — деп айтылат маалыматта.

Президент белгилегендей, кыргыз элинин тарыхында аялдарды жана алардын укуктарын ар дайым урматтап келишкен, буга Курманжан датка менен Кыз Сайкалдын мисалдары далил болгон, ал тургай аскерлерди эркектер менен бирдей жетектеген. Анын айтымында, квота бөлүштүрүү эл өз тарыхын унутпагандыгын жана укуктарын сактап, аялдарга урмат көрсөтүүсүн улантып жаткандыгын билдирет.

"Бүгүнкү биз отургузган кѳчѳттѳр өлкөнүн аймактарынын дүркүрѳп ѳнүгүшү менен тең жарыша ѳсѳт деп ишенем", — деген президент.

Ошондой эле Садыр Жапаров БУУ, ЕККУ сыяктуу эл аралык өнөктөштөрдү, Германия, Корея, Россия, АКШ, Түркия, Швейцария, Япония өкмөттөрүн жана башкаларга шайлоо процессинин инклюзивдүүлүгүн кеңейтүүгө багытталган Кыргызстандын күч-аракеттерине колдоо көрсөткөндүгү үчүн ыраазычылык билдирди.

Белгилей кетсек, "Кыргыз Республикасынын "Жергиликтүү кеңештердин депутаттарын шайлоо жөнүндө" мыйзамына өзгөртүүлөрдү киргизүү жөнүндө" мыйзамга ылайык, айылдык кеңештин депутаттарын шайлоодо аялдар үчүн орундун 30 пайызын резервдөө кепилдендирилген. Үстүбүздөгү жылдын 11-апрелинде жергиликтүү кеңештерге шайлоо өтөт. 7 560 мандаттын 2 943ү аялдарга берилмекчи.

Белгилер:
мандат, депутат, Нуржан Шайлдабекова, Садыр Жапаров, аял, аялдар, көчөт, шайлоо
Тема:
Жергиликтүү кеңештерди шайлоо (57)
Тема боюнча
Бишкек шаардык кеңешине шайлоо: партиялардын бюллетендеги номери аныкталды
Жапаров: парламенттик шайлоо күзүндө өтөт
Бажы кызматынын төрагасынын мурдагы орун басары Райымбек Матраимов. Архив

Матраимовдун кылмыш иши кыскартылып, эркиндикке чыкты

(жаңыланган 11:03 15.04.2021)
Матраимов өз ыктыяры менен базар баасы 20 миллион сомдон жогору жалпы аянты 232,3 чарчы метр батирин мамлекеттин бюжетине өткөрүп берди.

БИШКЕК, 15-апр. — Sputnik. Бажы кызматынын төрагасынын мурдагы орун басары Райымбек Матраимовго козголгон кылмыш иши кыскартылды. Бул тууралуу УКМКнын маалымат кызматы кабарлады.

УКМК мурда билдиргендей, 2021-жылдын 18-февралында Матраимов кылмыштуу кирешелерди легалдаштыруу (адалдоо) фактысы боюнча козголгон кылмыш ишинин алкагында кармалып, камакка алуу баш коргоо чарасы каралган.

Эми кылмыш иши токтотулуп, баш коргоо чарасы жокко чыгарылганы айтылды.

Ошол эле учурда Матраимов өз ыктыяры менен базар баасы 20 миллион сомдон жогору жалпы аянты 232,3 чарчы метр батирин мамлекеттин бюжетине өткөрүп берди.

Белгилер:
кылмыш, эркиндик, Райымбек Матраимов
Тема:
Райым Матраимовдун кармалышы
Тема боюнча
Абактагы Райым Матраимов кан басымы көтөрүлүп жатканын айтты
Камчы Көлбаев атайын эсепке 50 млн. сом которуп, дагы 200 млн. мойнуна илинди
Жолукчан аял. Архив

Пригородное: аялдар айыл өкмөтүн басып алып, өздөрүн өрттөйбүз деп коркутууда

(жаңыланган 10:41 15.04.2021)
Соцтармакка тараган кадрлардан айыл өкмөтүн басып алган аялдардын колунда бензин куюлган бөтөлкө жана газ баллону бар экенин көрүүгө болот.

БИШКЕК, 15-апр. — Sputnik. Чүйдүн Пригородное айылында аялдардын тобу айыл өкмөтүн басып алып, талаптарын коюп жатышат. Бул тууралуу Чүй ОИИБдин маалымат кызматы кабарлады.

Окуя болгон жерге Чүй облусунун жана Аламүдүн милициясынын жетекчилиги менен кызматкерлери жөнөп кетти.

"Учурда милиционерлер жергиликтүү бийлик менен аялдарга түшүндүрүү иштерин жүргүзүп жатат. Мындан тышкары, кызматкерлер коомдук тартипти сактоо боюнча бардык чараларды көрүүдө. Акциянын катышуучулары эмне талаптарды коюп жатканы азырынча белгисиз", — деп билдирди Чүй ОИИБ.

Анткен менен социалдык тармактарга тараган кадрлардан айыл өкмөтүн басып алган аялдардын колунда бензин куюлган бөтөлкө жана газ баллону бар экенин көрүүгө болот. Алар насыясын төлөй албаганы үчүн үйлөрүн алдырып жиберебиз деп нааразы болушууда. Жерине Чүй облусунун башчысы да барганы айтылды.

Белгилер:
өрт, насыя, нааразычылык, аялдар, Бишкек, Чүй облусу
Тема боюнча
"Караван" соода борборунда иштеген ижарачылар кайрадан митингге чыкты. Сүрөт
Шайлоо жыйынтыгы жокко чыксын! Өтпөй калган партиялар митинг өткөрүштү. Видео
Ош шаарында милициянын имаратында зомбулукка каршы митинг өттү. Сүрөт