Ооруканадагы дарыгер. Архив

Бишкекте эки бейтап көз жумуп, жалпы 71 адам оору жуктурду. Статистика

(жаңыланган 09:45 29.03.2021)
Учурда стационарда 550 бейтап дарыланууда. Алардын ичинен төртөөнүн абалы канааттандырарлык, 401и орточо, 122си оор жана 23ү өтө оор абалда.

БИШКЕК, 29-мар. — Sputnik. Кыргызстанда коронавирусту бир суткада 71 киши жуктурду, 53 адам сакайып чыкса, эки бейтап көз жумду. Бул тууралуу Республикалык штаб кабарлады.

Коронавирустун жаңы катталган учурлары:

  • Бишкек — 53;
  • Ош — 1;
  • Чүй облусу — 11;
  • Ысык-Көл облусу — 5;
  • Жалал-Абад облусу — 1.

Пандемиядан бери расмий түрдө 88 163 адамдан оору чыкты.

COVID-19 илдетинен сакайып чыккандар:

  • Бишкек — 31;
  • Ош шаары — 2;
  • Чүй облусу — 7;
  • Ош облусу — 8;
  • Жалал-Абад облусу — 5.

Жалпы 84 653 адам айыкты.

Тилекке каршы, COVID-19дан Бишкекте эки киши көз жумду. Коронавирус 1 497 кыргызстандыктын өмүрүн алды.

Учурда стационарда 550 бейтап дарыланууда. Алардын ичинен төртөөнүн абалы канааттандырарлык, 401и орточо, 122си оор жана 23ү өтө оор абалда. Амбулатордук дарыланууда 515 бейтап жатат.

Белгилер:
өлүм, оору, бейтап, статистика, коронавирус, Кыргызстан
Тема:
Кыргызстандагы коронавирус жуктуруп алгандар (1595)
Тема боюнча
Коронавируска каршы эмделгенден кийин жегенге болбой турган азыктар
Казакстанда вирус күч алып, Тажикстан аны жеңдик деп жатат. COVID боюнча абал
Исаева: коронавирусту кан алдыруу ыкмасы аркылуу дарылоого каршымын
Кыз Ысык-Көл тамырын бөтөлкөсүн сүрөткө тартып жатат

Акониттин кайнатмасы мамлекеттик резиденцияда жасалат. Видео

(жаңыланган 23:42 16.04.2021)
Президенттик аппараттан аконит кайнатмасын даярдоочу имарат толук тазаланганын жана тийиштүү деңгээлде жабдылганын билдиришти.

БИШКЕК, 16-апр. — Sputnik. Коронавируска кабылган бейтаптарды дарылоо үчүн жасалуучу "Ысык-Көл тамырынын" кайнатмасы "Ала-Арча" мамлекеттик резиденциясында жасалат. Бул тууралуу президенттик аппараттан билдиришти.

"Мамлекеттик резиденцияда атайын имарат бөлүнүп берилди, ал толук тазаланган жана талаптагыдай жабдылган. Кайнатма чөп ошол жерден жасалат, атайын жабдуу бар. Ал жерде медицина кызматкерлери бар, министр өзү да катышууда. Медиктер 300дөй ыктыярчыны дарылап сакайтты. Саламаттык сактоо министри өзү бул аракетти колдоп, акырындык менен пайдаланылып жатат", — дешти президенттик аппараттан.

Алар кайнатма чөп кустардык ыкма менен куюлбай турганын белгилешти.

Посмотреть эту публикацию в Instagram

Публикация от Садыр Жапаров (@sadyr_japarov)

Буга чейин Садыр Жапаровдун Instagram баракчасында дарыгерлер коронавирустун башталгыч стадиясындагы бейтаптарды айыктыруунун ыкмасын тапканы боюнча билдирүү таратылган. Бүгүн саламаттык сактоо министри суюктук жөнүндө айтып, аны түз эфирден ичти.

"Ысык-Көл тамыры" уусу күчтүү чөптөрдүн катарына кирет. Тажрыйбалуу медиктер коронавирустан мурда бекитилген протоколдун негизинде дарыланууну сунушташууда.

Белгилер:
Ысык-Көл тамыры, уу коргошун, дары, коронавирус, чөп
Тема:
Уу коргошун чуусу
Тема боюнча
Уу коргошун коронавирусту сакайта алабы. Россиялык адистин пикири
Бишкекте киши уу коргошунга ууландыбы? Дарыгерлердин жообу
Барыктабасова: "Ысык-Көл тамыры" элдин саламаттыгын коркунучка кептейт
Кыргыз эл артисти, композитор Муратбек Бегалиев

Бегалиев: музыка талдоочулар бизде жокко эсе

(жаңыланган 23:06 16.04.2021)
Кыргыз эл артисти, композитор Муратбек Бегалиев Кыргызстанда музыка таануучулардын, талдоочулардын саны жокко эсе экендигин айтты.

Музыканы талдап, ага туура баа берип, сапаттуу, уникалдуу чыгарманын жаралышында музыка таануучулардын орду эбегейсиз. Мындай пикирин Муратбек Бегалиев Sputnik Кыргызстан радиосунун эфиринде маек куруп жатып билдирди.

Бегалиев: музыка талдоочулар бизде жокко эсе

Анын айтымында, музыкалык билим берүүнү жакшыртып, кесипкөй музыка талдоочуларды таптап чыгаруу зарыл.

"Кыргыз улуттук консерваториясы түптөлүп жатканда эле окуу жайда музыка талдоочуларды, музыка таануучуларды окутуу зарылчылыгын көтөрүп чыктым эле. Анткени музыканы туура талдап, тандап бере турчулар ошолор. Музыка таануучу деген азыр бизде жок. Бул көйгөйдүн себеби  — музыка таануучу абдан оор окуу. Алар аткаруучуну, композитор, дирижёрдун ишин талдап, баа берип, сындай турган адамдар. Мындай адистер универсал болуп, музыканын ийне-жибине чейин билиши керек. Ошондуктан жаштар аны окубай жатышат. Музыка таануучуларга муктаждыгыбыз чоң", — деди Бегалиев.

Ошондой эле композитор музыка көп убакытты талап кылган абдан татаал окуу экендигин кошумчалады.

Белгилер:
искусство, саясат таануучу, музыка, композитор, Муратбек Бегалиев
Тема боюнча
Рыспай Абдыкадыровдун тун кызы Алтынчач: атамдын каза болгонун теледен уккам