Смартфон жана банктык карталар. Иллюстративдик сүрөт

Кыргызстандагы кайсы банктарда мобилдик банкинг бар? Оң жана терс жактары

Мобилдик банкинг (МБ) — бул банктык эсепти аралыктан башкаруу. Анын артыкчылыктары жана коркунучтары тууралуу Sputnik Кыргызстан агенттигинин материалынан окуңуздар.

Акыркы кезде Кыргызстанда санариптештирүү жөнүндө маселе арбын козголуп келет. Пандемия дагы онлайн-кызматтарды өнүктүрүү зарылдыгын көрсөттү. Sputnik Кыргызстан редакциясы мобилдик банкинги бар финансы-кредиттик мекемелерге сереп салды.

Оң жана терс жактары

Улуттук банктан билдиришкендей, мобилдик банкингдин эң негизги артыкчылыгы — бул кардардын убактысын үнөмдөгөнү. Эсепте каражат болсо, анын жардамы менен банкка барып отурбастан каалаган операцияларды жети күн, 24 саат бою аткарууга болот. Мобилдик банкингдин жаман жери — эгер смартфон уурдалган болсо, кылмышкерлер сиздин акчаңызды колдонуп коюшу мүмкүн.

Акча жоготуу коркунучун кантип алдын алса болот

Башкы банктан белгилешкендей, мобилдик банкингдин колдонуучулары үчүнчү адамдарга өзүнүн жеке маалыматтарын айтпашы керек. Тагыраагы, жеке идентификациялык номерди (ПИН), паролду, электрондук почтаны жана башка акчаны алууга жол ача турган маалыматтар ачыкталбашы зарыл.

Көйгөйдү алдын алуу үчүн Улуттук банк төмөнкү сунуштамаларды берди:

  • Мобилдик банкинг үчүн колдонуп жүргөн жеке идентификациялык номерди тез-тезден алмаштырып туруңуз;
  • Банктык операцияларды жүргүзгөн телефонуңузду эч кимге бербеңиз;
  • Уюлдук аппаратыңызды жоготуп же уурдатып алсаңыз күтпөстөн кызмат көрсөткөн банкыңызга чалыңыз;
  • Жеке маалыматтарыңызды соцтармак аркылуу башка адамдарга жөнөтпөңүз;
  • Коопсуздук боюнча маселе жаралса кызмат көрсөткөн банкка чалыңыз.

Кыргызстандагы кайсы банктардын мобилдик банкинги бар?

Улуттук банктын берген маалыматына караганда, бүгүнкү күндө өлкөдөгү 23 банктын ичинен 10 банктын мобилдик банкинги бар. 2021-жылдын март айында бул системага дагы бир банкты кошуу пландалып жатат. Анткен менен сурамжылоо учурунда көпчүлүк банктар МБ бар экенин билдиришти. Төмөндө алардын тизмеси:

  • "Кыргызстан" коммерциялык банкы;
  • "Демир Банк";
  • "Компаньон";
  • "РСК Банк";
  • "Оптима Банк";
  • "Кыргыз-Швейцария Банкы;
  • "Керемет Банк";
  • "Бай-Түшүм";
  • "Бакай банк";
  • "Капитал Банк".
  • "FINCA Банк";
  • "Кыргызкоммерцбанк".

Белгилей кетсек, бир нече банк мобилдик банкингди ишке киргизүүнү пландап жатышканын маалымдады. Ошентсе да МБ боюнча кызмат көрсөткөн банкыңызга кайрылууну сунуштайбыз. Ал жактан мобилдик банкинги бар-жогун жана качан ишке киргизери тууралуу кенен маалымат беришет.

Белгилер:
мобилдик банкинг, коопсуздук, Банк, Кыргызстан
Тема боюнча
Кыргызстандагы электрондук капчыктар. Колдонуу шарттары
Кыргызстанда ипотеканын баштапкы төлөм маселесин кантип чечсе болот. Варианттар
Премьер-министр Улукбек Марипов бүгүн авиабилеттерге бааны төмөндөтүү жана COVID-19 жок саякатта долбоорун ишке ашыруу маселеси боюнча кеңешме өткөргөн.

Марипов авиабилеттерди арзандатуу боюнча кеңешме өткөрүп, тапшырма берди

(жаңыланган 20:06 10.04.2021)
Өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгы айтылат.

БИШКЕК, 10-апр. — Sputnik. Бир катар мамлекеттик ведомстволордун чабал ишинин натыйжасында чет өлкөгө бараткан жарандарга негиздеме жасоо бизнеске айланды. Бул тууралуу премьер-министр Улукбек Марипов билдирди.

Ал бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.

  • Премьер-министр Кыргызской Республики Улукбек Марипов провел совещание по вопросу снижения цен на авиабилеты и реализации проекта Путешествий без COVID.
    Премьер-министр Улукбек Марипов бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов провел совещание по вопросу снижения цен на авиабилеты и реализации проекта Путешествий без COVID.
    Ошондой эле ал өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгын белгилеген.
    © Фото / Пресс-служба правительства / Алишер Алиев
1 / 2
© Фото / Пресс-служба правительства / Алишер Алиев
Премьер-министр Улукбек Марипов бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.
"Сиздердин аракетсиздигиңерден улам сапарга чыгууга муктаждыкты тастыктоочу "негиздеме" документти айрым ишкерлер бизнеске айлантып алды. Долбоорду 1-апрелден тарта ишке киргизишиңер керек эле. Биздин жарандар үчүн ЕАЭБ өлкөлөрүндө жүрүүгө мыкты мүмкүнчүлүк түзүлдү. Болгону ПЦР-анализ тапшырып, тийиштүү тиркемени көчүрүп алуу керек. Бирок эки лаборатория гана аталган анализди жасап, код бере алат. Эмне себептен лабораториялар аз камтылган?" — деп сурады Марипов.

Ошондой эле ал өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгын белгилеген.

Аны менен катар премьер-министр анализдерди тапшырууга мүмкүн болгон лабораториялардын жана авиакаттамдардын санын жогорулатуу боюнча сунуш киргизүүгө тапшырма берди.

Бул маселе өлкө башчынын жеке көзөмөлүндө тургандыгын кошумчалаган.

Белгилер:
лаборатория, арзандатуу, авиабилет, Улукбек Марипов, өкмөт
Тема боюнча
Кыргызстандын жарандары Россияга негиздемеси жок кириши мүмкүн
Жапаров: Россияга каттаган рейстер менен авиабилет баасын өз көзөмөлүмө алдым
Кыргызстандык балбан кыз Мээрим Жуманазарова. Архивдик сүрөт

Мээрим Жуманазарова Олимпиадага жолдомо ойнотулган мелдештен күмүш байге утту

(жаңыланган 19:41 10.04.2021)
Мээрим Жуманазарова алгачкы кармашында эле кытайлык кыз менен кез келип жеңилип калган болчу. Кийинки баскычтарда өзүнүн мыкты экенин көрсөтүп, финалдык баскычка жетти.

БИШКЕК, 10-апр. — Sputnik. Кыргызстандык балбан кыз Мээрим Жуманазарова Олимпиада оюндарына жолдомо ойнотулган мелдеште күмүш медаль утту. Казакстандын Алматы шаарында өтүп жаткан мелдештин жүрүшүн United World Wrestling (Дүйнөлүк күрөш уюму) уюмунун расмий сайты түз алып көрсөтүүдө.

68 килограмм салмакта күч сынашкан Мээрим Жуманазарова финалда кытайлык Фэн Чжоу менен таймашып, упай айырмасында жеңилип калды.

Кыргызстандык балбан кыз жарым финалда индиялык Ниша Нишаны 13:3 эсебинде, таза техникалык артыкчылык менен уткан. Ага чейин чейрек финалда казакстандык атаандашы Жамила Бакбергенованы 10:3 эсебинде жеңген.

Эскерте кетсек, мелдеш ушул күндөрү Казакстандын Алматы шаарында өтүп жатат. Турнирдин финалына чыккан атлеттерге Токио Олимпиадасына лицензия берилет.

Буга чейин 76 килограмм салмакта күрөшкөн Айпери Медет кызы бардык атаандаштарын утуп, чемпион болгон.

Ал эми 57 килограммда күрөшкөн Назира Марсбек кызы эки жолу удаасы менен жеңилип, байгелүү орун үчүн таймашуу укугунан четтеп калды.

Кечээ грек-рим балбандарынын арасында таймаш жүрүп, ата мекендик спортчулар Жоламан Шаршенбеков (60 килограмм), Акжол Махмудов (77 килограмм) жана Үзүр Жузупбеков Токио Олимпиадасына жолдомо алышкан.

Бүгүнкү күндө Кыргызстанда жалпысынан 12 лицензия болду. Буга чейин балбан Айсулуу Тыныбекова, Атабек Азисбеков, жөө күлүктөр Мария Коробицкая, Дарья Маслова жана Юлия Андреева, ошондой эле суучул Денис Петрашов жолдомо алышкан.

Белгилер:
финал, мелдеш, лицензия, олимпиада, Мээрим Жуманазарова, күрөш
Тема:
2021-жылы Токиодо өтө турган Олимпиада оюндары
Тема боюнча
Жеңилип, кайра өзүн колго алган Мээрим да Олимпиадага жолдомо утту. Видео
Сүйүнчү! Айпери каршылаштарын баш көтөртпөй жеңип, Олимпиадага жолдомо алды