Ош шаарында коронавируска каршы эмдөө учурунда

Коронавируска каршы эмдөө Ошто да башталды. Сүрөттөр

(жаңыланган 14:24 29.03.2021)
Алгач эмдөөдөн медицина кызматкерлери, мугалимдер, укук коргоо органдарында иштегендер өтмөкчү.

БИШКЕК, 29-мар. — Sputnik. Бүгүн Ош шаарында да №1 Үй-бүлөлүк медицина борборунун филиалында коронавирус инфекциясына каршы эмдөөнүн биринчи этабы башталды. Бул тууралуу калаа мэриясы кабарлады.

Препарат медицина кызматкерлерине сайылардан мурун иштин жүрүшү менен вице-мэр Эмил Шадыханов таанышып кеткен.

  • В ЦСМ №1 начался первый этап вакцинации от COVID-19 медицинских работников города Ош. 29 марта 2021 года
    Бүгүн Ош шаарында да №1 Үй-бүлөлүк медицина борборунун филиалында коронавирус инфекциясына каршы эмдөөнүн биринчи этабы башталды
    © Фото / пресс-служба мэрии г. Ош
  • В ЦСМ №1 начался первый этап вакцинации от COVID-19 медицинских работников города Ош. 29 марта 2021 года
    Препарат медицина кызматкерлерине сайылардан мурун иштин жүрүшү менен вице-мэр Эмил Шадыханов таанышып кеткен
    © Фото / пресс-служба мэрии г. Ош
  • В ЦСМ №1 начался первый этап вакцинации от COVID-19 медицинских работников города Ош. 29 марта 2021 года
    Аталган филиалдын башкы дарыгери Мукарам Мондуеванын айтымында, Ошко Кытайдан чыккан Sinopharm вакцинасынын 300 дозасы келген. Бул 150 адамга жетет
    © Фото / пресс-служба мэрии г. Ош
  • В ЦСМ №1 начался первый этап вакцинации от COVID-19 медицинских работников города Ош. 29 марта 2021 года
    Мондуева биринчи кезекте эмдөөдөн эл менен иштешкен адамдар: медиктер, мугалимдер, чек арачылар, милиционерлер өтөрүн белгиледи
    © Фото / пресс-служба мэрии г. Ош
1 / 4
© Фото / пресс-служба мэрии г. Ош
Бүгүн Ош шаарында да №1 Үй-бүлөлүк медицина борборунун филиалында коронавирус инфекциясына каршы эмдөөнүн биринчи этабы башталды

Аталган филиалдын башкы дарыгери Мукарам Мондуеванын айтымында, Ошко Кытайдан чыккан Sinopharm вакцинасынын 300 дозасы келген. Бул 150 адамга жетет. Мондуева биринчи кезекте эмдөөдөн эл менен иштешкен адамдар: медиктер, мугалимдер, чек арачылар, милиционерлер өтөрүн белгиледи.

"Ош шаарында биринчилерден болуп вакцинаны Санэпидемстанциянын жетекчиси, саламаттык сактоо боюнча калаанын координатору жана орун басарлары, үй-бүлөлүк медицина борборлорунун башчылары алышты. Ар бири текшерилип, алгач аңгемелешүү жүрдү", — деп айтылат маалыматта.

Ыктыярдуу түрдө жасалган вакцинациянын экинчи этабы 25-28 күндүн ичинде ишке ашышы керек.

Эскерте кетсек, Бишкекте бүгүн эмдөөдөн саламаттык сактоо министри Алымкадыр Бейшеналиев жана бир катар медиктер өтүштү.

Белгилер:
Эмил Шадыханов, эмдөө, Ош мэриясы, Ош шаары, вакцина
Тема:
Коронавируска каршы эмдөө (47)
Тема боюнча
Министр Бейшеналиев: вакцинанын кесепети болсо жоопкерчиликти өзүм алам
Коронавируска каршы кайсы жерде эмделсе болот? Даректер
Премьер-министр Улукбек Марипов бүгүн авиабилеттерге бааны төмөндөтүү жана COVID-19 жок саякатта долбоорун ишке ашыруу маселеси боюнча кеңешме өткөргөн.

Марипов авиабилеттерди арзандатуу боюнча кеңешме өткөрүп, тапшырма берди

(жаңыланган 20:06 10.04.2021)
Өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгы айтылат.

БИШКЕК, 10-апр. — Sputnik. Бир катар мамлекеттик ведомстволордун чабал ишинин натыйжасында чет өлкөгө бараткан жарандарга негиздеме жасоо бизнеске айланды. Бул тууралуу премьер-министр Улукбек Марипов билдирди.

Ал бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.

  • Премьер-министр Кыргызской Республики Улукбек Марипов провел совещание по вопросу снижения цен на авиабилеты и реализации проекта Путешествий без COVID.
    Премьер-министр Улукбек Марипов бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов провел совещание по вопросу снижения цен на авиабилеты и реализации проекта Путешествий без COVID.
    Ошондой эле ал өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгын белгилеген.
    © Фото / Пресс-служба правительства / Алишер Алиев
1 / 2
© Фото / Пресс-служба правительства / Алишер Алиев
Премьер-министр Улукбек Марипов бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.
"Сиздердин аракетсиздигиңерден улам сапарга чыгууга муктаждыкты тастыктоочу "негиздеме" документти айрым ишкерлер бизнеске айлантып алды. Долбоорду 1-апрелден тарта ишке киргизишиңер керек эле. Биздин жарандар үчүн ЕАЭБ өлкөлөрүндө жүрүүгө мыкты мүмкүнчүлүк түзүлдү. Болгону ПЦР-анализ тапшырып, тийиштүү тиркемени көчүрүп алуу керек. Бирок эки лаборатория гана аталган анализди жасап, код бере алат. Эмне себептен лабораториялар аз камтылган?" — деп сурады Марипов.

Ошондой эле ал өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгын белгилеген.

Аны менен катар премьер-министр анализдерди тапшырууга мүмкүн болгон лабораториялардын жана авиакаттамдардын санын жогорулатуу боюнча сунуш киргизүүгө тапшырма берди.

Бул маселе өлкө башчынын жеке көзөмөлүндө тургандыгын кошумчалаган.

Белгилер:
лаборатория, арзандатуу, авиабилет, Улукбек Марипов, өкмөт
Тема боюнча
Кыргызстандын жарандары Россияга негиздемеси жок кириши мүмкүн
Жапаров: Россияга каттаган рейстер менен авиабилет баасын өз көзөмөлүмө алдым
Кыргызстандык балбан кыз Мээрим Жуманазарова. Архивдик сүрөт

Мээрим Жуманазарова Олимпиадага жолдомо ойнотулган мелдештен күмүш байге утту

(жаңыланган 19:41 10.04.2021)
Мээрим Жуманазарова алгачкы кармашында эле кытайлык кыз менен кез келип жеңилип калган болчу. Кийинки баскычтарда өзүнүн мыкты экенин көрсөтүп, финалдык баскычка жетти.

БИШКЕК, 10-апр. — Sputnik. Кыргызстандык балбан кыз Мээрим Жуманазарова Олимпиада оюндарына жолдомо ойнотулган мелдеште күмүш медаль утту. Казакстандын Алматы шаарында өтүп жаткан мелдештин жүрүшүн United World Wrestling (Дүйнөлүк күрөш уюму) уюмунун расмий сайты түз алып көрсөтүүдө.

68 килограмм салмакта күч сынашкан Мээрим Жуманазарова финалда кытайлык Фэн Чжоу менен таймашып, упай айырмасында жеңилип калды.

Кыргызстандык балбан кыз жарым финалда индиялык Ниша Нишаны 13:3 эсебинде, таза техникалык артыкчылык менен уткан. Ага чейин чейрек финалда казакстандык атаандашы Жамила Бакбергенованы 10:3 эсебинде жеңген.

Эскерте кетсек, мелдеш ушул күндөрү Казакстандын Алматы шаарында өтүп жатат. Турнирдин финалына чыккан атлеттерге Токио Олимпиадасына лицензия берилет.

Буга чейин 76 килограмм салмакта күрөшкөн Айпери Медет кызы бардык атаандаштарын утуп, чемпион болгон.

Ал эми 57 килограммда күрөшкөн Назира Марсбек кызы эки жолу удаасы менен жеңилип, байгелүү орун үчүн таймашуу укугунан четтеп калды.

Кечээ грек-рим балбандарынын арасында таймаш жүрүп, ата мекендик спортчулар Жоламан Шаршенбеков (60 килограмм), Акжол Махмудов (77 килограмм) жана Үзүр Жузупбеков Токио Олимпиадасына жолдомо алышкан.

Бүгүнкү күндө Кыргызстанда жалпысынан 12 лицензия болду. Буга чейин балбан Айсулуу Тыныбекова, Атабек Азисбеков, жөө күлүктөр Мария Коробицкая, Дарья Маслова жана Юлия Андреева, ошондой эле суучул Денис Петрашов жолдомо алышкан.

Белгилер:
финал, мелдеш, лицензия, олимпиада, Мээрим Жуманазарова, күрөш
Тема:
2021-жылы Токиодо өтө турган Олимпиада оюндары
Тема боюнча
Жеңилип, кайра өзүн колго алган Мээрим да Олимпиадага жолдомо утту. Видео
Сүйүнчү! Айпери каршылаштарын баш көтөртпөй жеңип, Олимпиадага жолдомо алды