Учак аэропорттон учуп бара жатат. Архив

Бишкектен Россияга жана башка 6 өлкөгө авиакаттамдар көбөйтүлдү. Тизме

(жаңыланган 15:00 29.03.2021)
Россиянын бир нече шаарына каттамдар ачылып, аны менен катар Бишкек — Ош багыты боюнча да учуулардын саны көбөйтүлгөн.

БИШКЕК, 29-мар. — Sputnik. Кыргызстандан жети өлкөгө туруктуу авиакаттамдар ачылып, кээ бирлеринин саны көбөйтүлдү. Бул туурасында "Манас" эл аралык аэропортунун маалымат кызматы кабарлады.

Жазгы-жайкы сезондун ачылышына байланыштуу каттамдар 28-марттан тарта көбөйтүлөт:

Түркия

Turkish Airlines:

  • Стамбул — Бишкек — Стамбул, жумасына 12 жолу;

Pegasus:

  • Стамбул — Бишкек — Стамбул, жумасына 14 жолу;
  • Анталья — Бишкек — Анталья, жумасына үч жолу.

Кыргызстандын Avia Traffic компаниясы:

  • Стамбул — Бишкек — Стамбул, жумасына 2 жолу;
  • Анталья — Бишкек — Анталья, жумасына үч жолу.

Казакстан

Air Astana:

  • Алматы — Бишкек — Алматы, жумасына 10 жолу.

Бириккен Араб Эмираттары

Fly Dubai:

  • Дубай — Бишкек — Дубай, жумасына жети жолу (майда дагы жумасына жети рейс кошулары күтүлүүдө).

Өзбекстан

Uzbekistan Airways:

  • Ташкент — Бишкек — Ташкент, жумасына үч жолу.

Кытай

China Southern Airlines:

  • Үрүмчү — Бишкек — Үрүмчү, жумасына жети жолу.

Индия:

Avia Traffic:

  • Бишкек — Дели — Бишкек, жумасына үч жолу.

Россия

Avia Traffic компаниясы:

  • Бишкек — Воронеж — Бишкек, жумасына бир жолу;
  • Бишкек — Грозный — Бишкек, жумасына бир жолу;
  • Бишкек — Иркутск — Бишкек, жумасына бир жолу;
  • Бишкек – Казань – Бишкек, жумасына бир жолу;
  • Бишкек — Краснодар — Бишкек, жумасына бир жолу;
  • Бишкек — Красноярск — Бишкек, жумасына эки жолу;
  • Бишкек — Новосибирск — Бишкек, жумасына үч жолу;
  • Бишкек — Санкт-Петербург — Бишкек, жумасына үч жолу;
  • Бишкек — Сургут — Бишкек, жумасына бир жолу.

Мындан сырткары, Avia Traffic жана Tezjet авиакомпаниялары ички каттамдарды көбөйтөрү пландалууда.

Avia Traffic:

  • Бишкек — Ош — Бишкек, жумасына жети жолу.

Tezjet:

  • Бишкек — Баткен — Бишкек, жумасына төрт жолу;
  • Бишкек — Жалал-Абад — Бишкек, жумасына жети жолу;
  • Бишкек — Исфана — Бишкек, жумасына жети жолу;
  • Бишкек — Ош — Бишкек, жумасына 25 жолу.
Белгилер:
учуу, Бишкек, Түркия, Индия, Кытай, Россия, авиакаттам
Тема боюнча
Бишкекке Россиянын дагы 4 шаарынан авиакаттам ачылды
"Манас" аэропорту Россияга авиабилеттин кымбаттаган себептерин атады
Минскиден Бишкек менен Ошко түз авиакаттам ачылышы күтүлүүдө
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар