Жол оңдоо иштери. Архив

Бишкектин алты көчөсүндө оңдоо иштери башталып, жолдор жабылат

(жаңыланган 15:26 29.03.2021)
Мэриядан эскертишкендей, апрелдин башында бул көчөлөр жарым-жартылай жабылат. Ал эми бир жумадан кийин толук чектөө киргизилет.

БИШКЕК, 29-мар. — Sputnik. Бишкекте 1-апрелден тарта беш көчөдө жана Мурас-Ордо конушунун кире беришинде оңдоо иштери башталат. Көпүрө куруу дагы пландалууда. Бул тууралуу мэриядан билдиришти.

Бул иштер "Бишкек шаарынын көчө жолдорун өнүктүрүү" долбоорунун экинчи фазасынын алкагында аткарылып жатат.

Көчөлөрдүн тизмеси:

  • Карасаев көчөсүнүн Байтик баатырдан Кара-Дарыяга чейинки бөлүгү;
  • Логвиненко көчөсүнүн Фрунзеден Жибек Жолу проспектине чейинки бөлүгү;
  • Ак-Тилек көчөсүнүн Элебесовдон Ак-Тилек конушундагы Дзержинский көчөсүнө чейинки бөлүгү;
  • Култегин көчөсүнүн Гидростроители көчөсүнөн Энесай конушундагы Энесай-20 көчөсүнө чейинки бөлүгү;
  • Дзержинский көчөсүнүн Жибек Жолу проспектинен Баялиновго чейинки бөлүгү;
  • Мурас-Ордо конушунун кире беришиндеги участогунун Озерное айылынан Мурас-Ордо конушуна чейинки бөлүгү.

Ал эми көпүрө Ак-Босого конушундагы Архитекторлор көчөсүндөгү Кичи Чүй каналына курулат.

Мэриядан эскертишкендей, жамгырдан улам 1-апрелден тарта бул көчөлөрдүн бөлүктөрү жабылат. Ал эми 7-апрелден тарта толугу менен жабылат.

Марттын орто ченинен тарта Бишкектин 14 көчөсүндө оңдоо иштери жүрүп жатат. Долбоордун экинчи фазасы эки жылга ылайыкталган. Бул убакыт аралыгында беш көпүрө куруп, жалпы узундугу 70 чакырымга жеткен 60 көчөнү оңдоо пландалып жатат. Тизмедеги көчөлөрдүн көпчүлүгү кеңейтилип же кайрадан курулат. Ошондой эле тротуарлар менен ирригациялык система пайда болот.

Каражатты Кытай өкмөтү грант түрүндө бөлгөн. Подрядчы — кытайлык China Road and Bridge Corporation корпорациясы.

Белгилер:
жол оңдоо, Бишкек мэриясы, Бишкек
Тема боюнча
Бишкектин дагы төрт көчөсүндө оңдоо иштери башталды. Тизме
Бишкектин бүгүн жана эртең жабыла турган көчөлөрүнүн тизмеси
Улуу жазуучу Чыңгыз Айтматовдун жубайы Мария Айтматова

Чыңгыз Айтматовдун жубайы Мария Айтматова каза болду

(жаңыланган 16:25 20.04.2021)
Айрым маалыматтарга караганда, Мария Айтматова ооруканада көз жумган. Кошумча маалымат берилери айтылды.

БИШКЕК, 20-апр. — Sputnik. Бүгүн, 20-апрелде, улуу жазуучу Чыңгыз Айтматовдун жубайы Мария Айтматова каза болду. Кабарды Sputnik агенттигине жазуучунун уулу Эльдар Айтматов тастыктады.

Маркум быйыл июль айында 79 жашка чыкмак.

Айрым маалыматтарга караганда, Мария Айтматова ооруканада көз жумган.

Эскерте кетсек, Чыңгыз Айтматов экөөнүн Ширин жана Эльдар аттуу балдары бар.

Белгилер:
Мария Айтматова, оору, өлүм, Чыңгыз Айтматов
Тема боюнча
Журналист Майрамбек Тойгонбаев 33 жашында каза болду
Уу коргошун. Архив

Бишкекте уу коргошунга ууланган факты катталды

(жаңыланган 16:17 20.04.2021)
ЖМКлардагы маалыматка караганда, уу коргошундан жабыркаган бейтап 63 жашта. Ал ооруканага таңкы саат 05:00дөр чамасында түшкөн.

БИШКЕК, 20-апр. — Sputnik. Бишкекте уу коргошунга ууланган факты катталды. Бул тууралуу Sputnik Кыргызстан агенттигине Тез жардам кызматынан билдиришти.

Ыкчам медицина кызматы окуянын чоо-жайын бир аздан кийин Саламаттык сактоо министрлиги кабарлай турганын маалымдады.

Ал эми айрым ЖМКлардагы маалыматка караганда, уу коргошундан жабыркаган бейтап 63 жашта. Ал ооруканага таңкы саат 05:00дөр чамасында түшкөн.

Уу коргошун чуусу

Буга чейин президент Садыр Жапаров Кыргызстандын дарыгерлери коронавирустан 2-3 күндө айыктырган ыкма тапканын айткан. Көп өтпөй социалдык тармактагы баракчасына он чакты киши атайын аппараттын жардамы менен бөтөлкөлөргө саргыч түстөгү суюктукту куюп жаткан видео жарыялаган. Анда бөтөлкөлөрдүн сыртында "Уу коргошун" жана "Иссык-Кульский корень" деген жазуулар бар экенин көрүүгө болот.

Белгилер:
уулануу, уу коргошун, Бишкек
Тема:
Уу коргошун чуусу
Тема боюнча
Уу коргошун ичкендерден кагаз жүзүндө уруксат алган эмеспиз. Министрдин маеги
Акониттин кайнатмасы мамлекеттик резиденцияда жасалат. Видео