Улуттук коопсуздук мамлекеттик комитетинин төрагасы Камчыбек Ташиев. Архив

Ташиев элге чек ара маселеси боюнча келишимди түшүндүрөт. Жолугушуу графиги

Эл менен жолугушуу 30-31-мартка пландалган. Буга чейин УКМК жетекчиси менен өкмөттүк делегация Өзбекстанга барып чек ара боюнча протоколго кол коюшкан.

БИШКЕК, 29-мар. — Sputnik. Улуттук коопсуздук мамлекеттик комитетинин төрагасы Камчыбек Ташиев жана өкмөттүн чек ара боюнча атайын өкүлү Назирбек Бөрүбаев чек ара аймактарында жашаган калкка маалыматтык-түшүндүрүү иштерин жүргүзүшөт. Бул тууралуу өкмөттөн билдиришти.

Баткен, Жалал-Абад жана Ош облустарындагы айыл тургундары менен жолугушууда алар Өзбекстан менен болгон жер алмашуу келишими жөнүндө айтып беришет. Буга чейин эки өлкө протоколго кол койгон. Sputnik Кыргызстан Бөрүбаевдин карта менен түшүндүрүп берген видеосун жарыялаган.

  • Жолугушуулардын графиги:
  • 30-мартта саат 11:00дө Бирлик айыл аймагындагы имаратта — Баткен облусуна караштуу Кадамжай районундагы Бирлик айылынын тургундары менен Чечме участкасы талкууланат;
  • 30-мартта саат 17:00дө Өзгөн районунун акимиатынын имаратында — Ош облусунун Өзгөн жана Кара-Суу райондорунун жана Жалал-Абад облусунун Сузак районунун тургундары менен Кемпир-Абад суу сактагычы талкууланат;
  • 31-мартта саат 14:00дө Ала-Бука районунун акимиатынын имаратында — Жалал-Абад облусунун Ала-Бука жана Аксы районунун тургундары менен чек ара маселеси талкууланат.
Белгилер:
Камчыбек Ташиев, чек ара, Жалал-Абад облусу, Ош
Тема боюнча
Ташиев: Кемпир-Абад суу сактагычынын плотинасы өзбек тарапка өттү
Ташиевдин кыргыз-өзбек чек арасындагы жерлердин өтүшү тууралуу айткан видеосу
Ташиев: Өзбекстан менен талаштуу тилке болбойт. Жапаров УКМК төрагасын кабыл алды
Сууну Өзбекстан башкарып калбайбы? Өкмөттүн жооптуу өкүлү менен видео маек
БУУнун башкы катчысы Антонио Гутерриш. Архив

Гутерриш дүйнө туңгуюкка кептелгенин айтып, эл башчыларына сунуш берди

(жаңыланган 15:57 20.04.2021)
Эл аралык уюм былтыр токойлор өрттөнүп, кургакчылык болуп, суу ташкындап, ага кошумча мөңгүлөр эригенин айтып, климат ушул боюнча кете берсе дүйнө алапайын таппай каларын айткан.

БИШКЕК, 20-апр. — Sputnik. БУУнун башкы катчысы Антониу Гутерриш Reuters агенттигине берген маегинде дүйнө туңгуюкка кептелип баратканын билдирди.

Анын айтымында, Дүйнөлүк метеорологиялык уюм 2020-жылы токойлор өрттөнүп, кургакчылык болуп, суу ташкындап, ага кошумча мөңгүлөр эригени боюнча отчёт берген. Мындай көрүнүш тарыхта сейрек кездешери айтылат.

"Биз жоголуп кетүү коркунучунда турабыз. Тропикалык бороон-чапкындардын, глобалдык жылуулуктун кесепетинен муз менен мөңгүлөрдүн эриши, токой өртү боюнча рекорддук деңгээл байкалууда. Илимий коомчулук тарабынан аныкталган кооптуу 1,5 градуска жетебизби деп турам", — деген БУУ өкүлү.

Мындай жагдай климаттын кескин өзгөрүшүнөн ансыз да жапа чеккен миллиондогон адам үчүн бөтөнчө кыйынчылык жаратарын кошумчалаган.

Гутерриш дүйнө лидерлерин аталган документ менен таанышууга чакырып, жаратылыш кырсыктарын алдын алуу боюнча чараларды көрүүгө үндөдү.

Тема боюнча
БУУнун катчысы кансыз согуштун алдын алуу жолун айтты
Бишкекте Жеңиш күнүн майрамдоо. Архив

Бишкекте 9-Май жана Шаар күнү майрамдалбайт

(жаңыланган 15:44 20.04.2021)
Мындай чечим коронавирус пандемиясы боюнча эпидемиологиялык абалга байланыштуу кабыл алынган. Буга чейин 21-марттагы Нооруз да майрамдалган эмес.

БИШКЕК, 20-апр. — Sputnik. Бишкекте шаар күнү (29-апрель) жана Жеңиш күнүн (9-май) массалык майрамдоо токтотулду. Бул тууралуу мэриянын маалымат кызматы билдирди.

Мындай чечим коронавирус пандемиясы боюнча эпидемиологиялык абалга байланыштуу кабыл алынган.

Ооруканадагы дарыгер. Архив
© Пресс-служба президента КР / Султан Досалиев
Бишкекте пандемия башталгандан бери 32 миң 649 учур катталды. Өткөн суткада 117 адам жуктурганы аныкталган.

Мэрия шаардыктарды санитардык эрежелерди сактап, ден соолукка кам көрүүгө чакырат.

Эскерте кетсек, 21-мартта Ноорузга карата бардык майрамдык салтанаттар, массалык майрамдоо токтотулган.

Белгилер:
абал, коронавирус, майрам, Бишкек мэриясы
Тема:
Коронавируска байланыштуу Кыргызстандагы кырдаал
Тема боюнча
Бишкек мэриясы Айсулуу, Жоламан, Дарья баш болгон спортчуларды сыйлады
Бишкектин жаңы башкы планы тез арада иштелип чыкмай болду