Бишкек шаарынын Ленин районунун мурадгы акими Чынасыл Чыныбаев. Архив

Ленин районунун мурдагы акими Чыныбаев үй камагына чыкты

(жаңыланган 17:25 30.03.2021)
Кечээ УКМК Бишкектин райондорунун биринин башчысын кармаган. Көп өтпөй шаардык мэрия Ленин районунун акими Чынасыл Чыныбаевди кызматтан алган.

БИШКЕК, 30-мар. — Sputnik. Бишкек шаарынын Ленин районунун мурдагы акими Чынасыл Чыныбаев үй камагына чыкты. Бул тууралуу Биринчи май райондук сотунун маалымат катчысы Айзада Момунова билдирди.

29-марттагы райондук соттун судьясы чыгарган чечимге ылайык, мурдагы акимге карата үй камагына чыгаруу боюнча бөгөт чарасы тандалып, 28-майга чейин деп белгиленген.

Кечээ УКМК Бишкектин райондорунун биринин башчысын шаардык кеңештин депутаттыгына талапкерге бюджеттик акчаны берген деп кармаган. Акимдин аты-жөнү Ч.Ч. деген инициал менен берилген.

Ушул эле күнү Бишкек шаардык мэриясы Ленин районунун акими Чынасыл Чыныбаев кызматтан бошотулуп, анын ордуна Мелис Өксөмбаев дайындалганын кабарлаган болчу.

Белгилер:
акча, талапкер, сот, УКМК, аким, Чынасыл Чыныбаев
Тема боюнча
ЖК депутатынын пара менен кармалган бир тууганы айып пул төлөп эркиндикке чыкты
УКМК Саламаттык сактоо министрлигиндеги ири коррупциялык ишти аныктады
Автоунаанын мамлекеттик номерлери. Архив

Кыргызстан жараксыз автоунаа номерлерин темир катары 12 млн. сомго сатты

(жаңыланган 16:30 14.04.2021)
2018-жылдан бери кампаларга салмагы 143 тонналык утилизацияланган автономерлер толуп калган. Аны сатууга аукцион уюштурулду.

БИШКЕК, 14-апр. — Sputnik. 143 миң тонна колдонулган жана жарактан чыккан мамлекеттик белгилер темир-тезек катары 11 миллион 920 миң сомго сатылды. Бул тууралуу Мамлекеттик каттоо кызматынан билдиришти.

Маалыматка караганда, бүгүн, 14-апрелде, колдонулган жана жарактан чыккан мамлекеттик белгилерди сатуу боюнча аукцион болуп өттү. Аны Мамлекеттик каттоо кызматынын алдындагы "Унаа" ишканасы уюштурган. 1 килограмм алюминийдин баштапкы баасы 65 сом деп бааланган. Соодалашуунун натыйжасында 83 сом 23 тыйындан сатылды.

"Аукциондун жыйынтыгында 143 миң 280 килограмм болгон темир-тезек 11 миллион 920,9 миң сомго сатылды", — деп айтылат маалыматта.

"Унаа" муниципалдык ишканасынын жетекчисинин орун басары Бакыт Шералиевдин айтымында, 2018-жылдан бери кампаларга салмагы 143 тонналык утилизацияланган автономерлер толуп калган. Түшкөн каражат мамлекеттик бюджетке которулат.

Белгилер:
алюминий, темир, мамлекеттик номер, аукцион, автоунаа, Кыргызстан
Тема боюнча
Кыргызстандан темир-тезек экспорттоого тыюу салган токтом чыкты
Министрлик: Абхазиянын номери тагылган унааларды мамлекет алып коюшу мүмкүн
РФ президенти Владимир Путин. Архив

Путин коронавируска каршы вакцинанын экинчи компонентин сайдырды

(жаңыланган 16:33 14.04.2021)
Россия башчысы биринчи вакцинасын 24-мартта алып, өзүн жакшы сезип, дароо ишке чыккан. Администрация президент кайсы препаратты тандаганын так айткан эмес.

БИШКЕК, 14-апр. — Sputnik. РФ президенти Владимир Путин коронавируска каршы экинчи ирет эмделди. Бул тууралуу РИА Новости кабарлады.

Россиянын башчысы биринчи вакцинасын 23-мартта алган. Анда администрация президент кайсы препаратты тандаганын так айткан эмес, бирок ал Россия чыгарган үч вакцинанын бири экендиги белгилүү болгон.

Россия ушуга чейин "Спутник V", "ЭпиВакКорона" жана "КовиВак" деп аталган үч вакцина чыгарды.

Белгилер:
вакцина, коронавирус, Россия, Владимир Путин
Тема:
Дүйнөгө жайылган коронавирус
Тема боюнча
Кыргызстанга жакында 30 миң доза "Спутник V" вакцинасы алып келинет
Россия Түркия менен аба байланышын токтотту. Туристтик сезон эмне болот
Россияда коронавируска каршы дагы бир вакцина иштелип жатат