Бишкекте гүл ачып жаткан жоогазындар. Архив

Күн жылыйбы? Апрель айына карата аба ырайы

Синоптиктердин божомолуна караганда, апрелде өлкө боюнча абанын температурасы негизинен климаттык норманын чегинде болот. Бирок Кыргызстандын кээ бир жерлеринде кайсы бир учурда аба ырайы кескин өзгөрүшү ыктымал.

БИШКЕК, 1-апр. — Sputnik. Кыргызгидромет апрель айына аба ырайы тууралуу маалымат берди.

Среднемесячная температура по Кыргызстану в апреле 2021 года
© Фото / Кыргызгидромет
2021-жылдын апрелдеги Кыргызстанда орточо айлык температурасы

Бул айда өлкө боюнча абанын температурасы климаттык норманын чегинде болору айтылууда. Бирок Кыргызстандын кээ бир жерлеринде кайсы бир учурда аба ырайы кескин өзгөрүп, суук болору божомолдонуп жатат.

Среднемесячное количество осадков по Кыргызстану в апреле 2021 года
© Фото / Кыргызгидромет
2021-жылдын апрелдеги Кыргызстанда орточо айлык жаан-чачыны

Чүй облусу

Абанын айлык орточо температурасы климаттык нормада болуп, 11…13 градус жылуу болору күтүлүп жатат.

Ай ичинде абанын температурасы түнкүсүн 0…5 градустан 8…13 градус жылуулукка чейин, күндүз 13…18ден 23…28ге чейин жылуу болот. Бирок кээ бир күндөрү абанын табы төмөндөп, 4…9 гана градус жылуу болушу мүмкүн.

Кемин өрөөнүндө жана тоо этектериндеги райондордо абанын температурасы түнкүсүн 0…5, күндүз 8…13 градуска жылыйт.

Анткен менен айрым учурда өрөөндөрдө -1...-3, тоо этектеринде -3...-5 градуска чейин суук болуп, үшүк жүрүшү мүмкүн. Жаан-чачындын айлык көлөмү нормага жакын болот.

Талас облусу

Таласта орточо температура климаттык нормадан 1 градус жогору болот. Күндүз 13…18ден 22…27 градуска чейин жылыйт. Бирок кээ бир күндөрү +7…+12 градуска чейин төмөндөп, ал тургай айрым жерлерде -2...-4 градуска чейин жетип, үшүк жүрүшү күтүлүүдө.

Жаан-чачындын айлык көлөмү нормага жакын.

Ош, Жалал-Абад, Баткен облустары

Түштүктө абанын орточо температурасы климаттык нормадан 1-1,5 градус жогору болору божомолдонууда.

Тоо этектериндеги райондордо абанын температурасы түнкүсүн 1…6дан 8…13 градуска чейин, күндүз 11…16дан 18…23 градуска чейин жылуу болот. Айдын кээ бир күндөрүндө түнкүсүн жана эртең менен өрөөндөрдө 0...-2 градуска чейин, тоо этектеринде -2...-4кө чейин төмөндөп, үшүк жүрүшү мүмкүн.

Ысык-Көл облусу

Көлдө абанын айлык орточо температурасы климаттык норманын чегинде болуп, 6…8 градус жылуу болушу күтүлүүдө.

Абанын температурасы түнкүсүн 0…-5 градус сууктан 3…8 градус жылуу болуп, күндүз эң жогору дегенде +20 градуска чейин жетет.

Жаан-чачындын айлык көлөмү нормага жакын болору күтүлүп жатат.

Нарын облусу

Башка облустар сыяктуу эле Нарында дагы абанын айлык орточо температурасы климаттык норманын чегинде болот.

Ай ичинде абанын температурасы түнкүсүн -1…-6 градус сууктан 2…7 градуска чейин жылуу болушу ыктымал. Күндүз 7…12ден 18…23 градуска чейин ысыйт.

Айрым учурларда +1…+6 градуска чейин төмөндөшү күтүлөт.

Белгилер:
апрель, жаан-чачын, божомол, аба ырайы, Кыргызгидромет
Тема боюнча
Сууну Өзбекстан башкарып калбайбы? Өкмөттүн жооптуу өкүлү менен видео маек
Бензинди кантип үнөмдөө керектигин эксперт айтып берди
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар