Кар жаап жатат Бишкек — Ош жолунда

Бишкек Ош жолунда кар жаап жатат. Министрлик айдоочуларга кайрылды

(жаңыланган 11:41 01.04.2021)
Жолчулар кар эритүүчү каражаттарды сээп жатышат. Трассаны тазалоо жана унаалар өтүүчү бөлүгүн кеңейтүү үчүн атайын техника тартылган.

БИШКЕК, 1-апр. — Sputnik. Бишкек — Ош жолуна кар жааганына байланыштуу Транспорт жана жолдор министрлиги айдоочуларга кайрылды. Бул тууралуу мекеменин маалымат кызматы билдирди.

  • Дорожники подсыпают инертные материалы во время снегопада на участке автодороги Бишкек — Ош. 01 апреля 2021 года
    Төө-Ашуу жана Ала-Белде кар жаап, жолчулар атайын каражаттарды сээп жатышат
    © Фото / пресс-служба Министерства транспорта и дорог
  • Спецтехника во время очистки и расширения проезжей части от снегопада на участке автодороги Бишкек — Ош. 01 апреля 2021 года
    Трассаны тазалоо жана унаалар өтүүчү бөлүгүн кеңейтүү үчүн атайын техника тартылган
    © Фото / пресс-служба Министерства транспорта и дорог
1 / 2
© Фото / пресс-служба Министерства транспорта и дорог
Төө-Ашуу жана Ала-Белде кар жаап, жолчулар атайын каражаттарды сээп жатышат

Төө-Ашуу жана Ала-Белде кар жаап, жолчулар атайын каражаттарды сээп жатышат. Трассаны тазалоо жана унаалар өтүүчү бөлүгүн кеңейтүү үчүн атайын техника тартылган.

"Айдоочулар, жаныңарга тайгакта колдонулуучу чынжырларды алып жүргүлө. Тыгында каршы тилкеге чыкпагыла. Инерттүү материалдарды сээп иштеп жаткан жолчуларга, техникага тоскоолдук кылбоого чакырабыз. Жайкы дөңгөлөк тагылган унаа менен жолго чыкпаңыздар", — деп айтылат маалыматта.

Мындай чаралар айдоочулардын ашууда тыгындарга кабылып бир нече сааттап жолдо туруунун алдын алууга жардам берет.

Министрлик, ошондой эле, айдоочулардан унаалар ортосунда 500 метрлик аралыкты сактоого жана таш кулоочу аймактарда сак болууга чакырды.

Белгилер:
тайгак, кайрылуу, Транспорт жана жолдор министрлиги, кар, ашуу, Кыргызстан
Тема боюнча
Кытайда 22 жаштагы кыргызстандык студент жол кырсыгынан каза болду
Күн жылыйбы? Апрель айына карата аба ырайы
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар