Жолдо турган жүк ташуучу уналар. Архив

Кыргыз-казак чек арасында жүк ташуучулар эки суткадан бери өтө албай турат. Видео

(жаңыланган 17:40 01.04.2021)
Күбөнүн айтымында, жүк ташыган айдоочулар Казакстанга өтө албай, эки суткадан бери күтүп турушат. Бул боюнча Чек ара кызматы жооп берди.

БИШКЕК, 1-апр. — Sputnik. Кыргыз-казак чек арасындагы "Чалдыбар" көзөмөл-өткөрүү жайында жүк ташыган унаалардын узун кезеги жаралды. Бул тууралуу Sputnik Кыргызстан агенттигине күбө билдирип, жеринен видео тартып жиберди.

Анын айтымында, жүк ташыгандар эки суткадан бери өтө албай турушат.

"Эки суткадан бери казак тарапка өтө албай жатабыз. Катарга тизилген фуралардын аягы көрүнбөйт, беш чакырымга жетчүдөй. Эмнеге мындай болуп жатканын эч ким билбейт. Кесиптештерден сурасак бардык жакта эле ушундай көрүнүш болуп жатыптыр. Бийликтен жардам сурайбыз", — деди жүк ташуучулардын бири.

Sputnik Кыргызстан маалымат агенттиги бул маселе боюнча УКМКга караштуу Чек ара кызматына кайрылды.

"Кыргыз-казак чек арасындагы абал туруктуу. Көзөмөл-өткөрүү бекеттеринде, анын ичинде "Чалдыбарда" саат 16:30га карата 35 жүк ташуучу унаа турат. Бүгүн, 1-апрелде, транспорт каражаттарын өткөрүү жайлап калганы байкалды. Анын себептери Кыргызстан менен Казакстандын чек ара өкүлдөрү тарабынан такталып жатат", — дешти Чек ара кызматынан.

Маалыматта кыргыз тарап унаалардын өтүүсүнө эч кандай чектөө койбогону белгиленди. Кыргыз-казак чек арасындагы башка бекеттерде унаалардын тыгыны жоктугу кошумчаланды.

Белгилер:
жүк, тыгын, чек ара, Казакстан, Кыргызстан
Тема боюнча
Кыргыз-кытай чек арасындагы "Торугарт", "Эркечтам" бекеттери убактылуу жабылат
Бороон улуп, кар уруп... Жазгы Бишкектин кышка айланган видеосу
Жолукчан аял. Архив

Пригородное: аялдар айыл өкмөтүн басып алып, өздөрүн өрттөйбүз деп коркутууда

(жаңыланган 10:41 15.04.2021)
Соцтармакка тараган кадрлардан айыл өкмөтүн басып алган аялдардын колунда бензин куюлган бөтөлкө жана газ баллону бар экенин көрүүгө болот.

БИШКЕК, 15-апр. — Sputnik. Чүйдүн Пригородное айылында аялдардын тобу айыл өкмөтүн басып алып, талаптарын коюп жатышат. Бул тууралуу Чүй ОИИБдин маалымат кызматы кабарлады.

Окуя болгон жерге Чүй облусунун жана Аламүдүн милициясынын жетекчилиги менен кызматкерлери жөнөп кетти.

"Учурда милиционерлер жергиликтүү бийлик менен аялдарга түшүндүрүү иштерин жүргүзүп жатат. Мындан тышкары, кызматкерлер коомдук тартипти сактоо боюнча бардык чараларды көрүүдө. Акциянын катышуучулары эмне талаптарды коюп жатканы азырынча белгисиз", — деп билдирди Чүй ОИИБ.

Анткен менен социалдык тармактарга тараган кадрлардан айыл өкмөтүн басып алган аялдардын колунда бензин куюлган бөтөлкө жана газ баллону бар экенин көрүүгө болот. Алар насыясын төлөй албаганы үчүн үйлөрүн алдырып жиберебиз деп нааразы болушууда. Жерине Чүй облусунун башчысы да барганы айтылды.

Белгилер:
өрт, насыя, нааразычылык, аялдар, Бишкек, Чүй облусу
Тема боюнча
"Караван" соода борборунда иштеген ижарачылар кайрадан митингге чыкты. Сүрөт
Шайлоо жыйынтыгы жокко чыксын! Өтпөй калган партиялар митинг өткөрүштү. Видео
Ош шаарында милициянын имаратында зомбулукка каршы митинг өттү. Сүрөт
Бишкектеги Башкы прокуратуранын имараты. Архив

Баткен: мамлекеттик 30 батир, жер тилкелери жеке тараптарга берилип кеткен

(жаңыланган 10:16 15.04.2021)
Мамлекеттик кызматкерлер мыйзамсыз келишимдерди түзүп, мүлктөрдү сатып жиберишкен. Кызмат абалынан кыянаттык менен пайдалануу беренеси боюнча кылмыш иши козголду.

БИШКЕК, 15-апр. — Sputnik. Баткендеги "Кадамжай-Коммунальщик" мамлекеттик-муниципалдык ишканасына тиешелүү 30 батир, 10 жана 15 сотыхты түзгөн эки жер тилкеси жеке жактарга берилгени аныкталды. Бул тууралуу Башкы прокуратуранын маалымат кызматы кабарлады.

Мүлктөр аталган ишкананын жана "Кадастр" мамлекеттик мекемесинин кызмат адамдары тарабынан сатылган.

"Тагыраагы, жогоруда кеп болгон мамлекеттик мекеме менен ишкананын жооптуу кызматкерлери мыйзам талаптарын бузуу аркылуу жогорудагы объектилерди сатуу боюнча укукка жат келишимдерди түзүшүп, кыймылсыз мүлктөрдү жеке тараптарга сатып жиберишкен", — деп жазылган билдирмеде.

Учурда Кадамжай райондук прокуратурасы тарабынан Баткен облустук административдик жана Кадамжай райондук сотторуна доо арыздары жазылган.

Андан сырткары, кызматкерлердин аракетине баа берүү үчүн Жазык кодексинин 320-беренеси менен ("Кызмат абалын кыянаттык менен пайдалануу") козголгон өндүрүш иши боюнча тергөө амалдары жүрүп жатат.