Электр жарыгын күйгүзүп жаткан адам. Архив

Эртең Бишкектин бир нече көчөсүндө жарык өчөт. Тизме

(жаңыланган 18:32 01.04.2021)
Жума күнү энергетиктердин бригадасы жабдууларды жана трансформатордук подстанцияларды оңдоо менен алектенет.

БИШКЕК, 1-апр. — Sputnik. Эртең, 2-апрелде, Бишкектин айрым көчөлөрүнө электр энергиясын берүү үзгүлтүккө учурайт. Бул туурасында "Түндүк электр" ишканасынын маалымат кызматы билдирди.

Жарык өчө турган аймактардын тизмеси:

  • Саат 9:00дөн 12:00гө чейин — Бөкөнбаев көчөсүнүн бөлүгү;
  • 9:00-13:00 — Логвиненко көчөсүндөгү №59 үй;
  • 9:00-18:00 — Токтогул, Жаш Гвардия, Абдумомунов, Пушкин көчөлөрүнүн бөлүгү, Эркиндик проспекти, Арча-Бешик конушунун Алты-Түтүн, Эр Тайлак, Кривоносов, Күйүков, Чортеков, 19-линия, Садырбаев көчөлөрү, Ала-Арча конушунун Матисаков көчөсү, Чоң-Арык конушунун Семетей көчөсү;
  • 9:10-14:00 — Көк-Жар конушунун №3, 4, 5, 1/1, 19 үйлөрү;
  • 9:30-14:00 — Политехника, Таш-Көмүр, Ахунбаев, Токтоналиев көчөлөрүнүн бөлүгү, Горном тар көчөсү;
  • 9:30-18:00 — Муса Жалил, Ялтинский, Пархоменко көчөлөрүнүн бөлүгү;
  • 9:30-18:30 — Жибек Жолу проспектинин Черкес тар көчөсүнөн Кантемиров көчөсүнө чейин, Дордой-2 конушу, Эне-Сай конушунун түндүк-чыгыш тарабы, Келечек конушунун чыгыш тарабы;
  • 12:00-15:00 — Киргизия-1 конушунун Восточный, Самойленко көчөлөрү;
  • 12:00-17:00 — Жантөшев, Ахунбаев, Бектенов, Руставели көчөлөрүнүн бөлүгү, Балхаш, Сум тар көчөлөрү;
  • 13:00-17:00 — Жибек Жолу көчөсүнүн №641 үйү;
  • 15:00-17:00 — Бронированный, Алтымышев, Бакаев, 7-8-9-линия көчөлөрүнүн бөлүгү, Волочаев тар көчөсү;
Белгилер:
көчө, "Түндүк Электр" ишканасы, электр энергиясы, жарык өчүрүү
Тема боюнча
Энергетика министрлиги жарык үчүн тарифти жогорулатуу планын иштеп жатат
Бишкектиктер аба ырайынан улам жарык өчүп калса кайда кайрыла алат? Номерлер
Автоунаанын мамлекеттик номерлери. Архив

Кыргызстан жараксыз автоунаа номерлерин темир катары 12 млн. сомго сатты

(жаңыланган 16:30 14.04.2021)
2018-жылдан бери кампаларга салмагы 143 тонналык утилизацияланган автономерлер толуп калган. Аны сатууга аукцион уюштурулду.

БИШКЕК, 14-апр. — Sputnik. 143 миң тонна колдонулган жана жарактан чыккан мамлекеттик белгилер темир-тезек катары 11 миллион 920 миң сомго сатылды. Бул тууралуу Мамлекеттик каттоо кызматынан билдиришти.

Маалыматка караганда, бүгүн, 14-апрелде, колдонулган жана жарактан чыккан мамлекеттик белгилерди сатуу боюнча аукцион болуп өттү. Аны Мамлекеттик каттоо кызматынын алдындагы "Унаа" ишканасы уюштурган. 1 килограмм алюминийдин баштапкы баасы 65 сом деп бааланган. Соодалашуунун натыйжасында 83 сом 23 тыйындан сатылды.

"Аукциондун жыйынтыгында 143 миң 280 килограмм болгон темир-тезек 11 миллион 920,9 миң сомго сатылды", — деп айтылат маалыматта.

"Унаа" муниципалдык ишканасынын жетекчисинин орун басары Бакыт Шералиевдин айтымында, 2018-жылдан бери кампаларга салмагы 143 тонналык утилизацияланган автономерлер толуп калган. Түшкөн каражат мамлекеттик бюджетке которулат.

Белгилер:
алюминий, темир, мамлекеттик номер, аукцион, автоунаа, Кыргызстан
Тема боюнча
Кыргызстандан темир-тезек экспорттоого тыюу салган токтом чыкты
Министрлик: Абхазиянын номери тагылган унааларды мамлекет алып коюшу мүмкүн
РФ президенти Владимир Путин. Архив

Путин коронавируска каршы вакцинанын экинчи компонентин сайдырды

(жаңыланган 16:33 14.04.2021)
Россия башчысы биринчи вакцинасын 24-мартта алып, өзүн жакшы сезип, дароо ишке чыккан. Администрация президент кайсы препаратты тандаганын так айткан эмес.

БИШКЕК, 14-апр. — Sputnik. РФ президенти Владимир Путин коронавируска каршы экинчи ирет эмделди. Бул тууралуу РИА Новости кабарлады.

Россиянын башчысы биринчи вакцинасын 23-мартта алган. Анда администрация президент кайсы препаратты тандаганын так айткан эмес, бирок ал Россия чыгарган үч вакцинанын бири экендиги белгилүү болгон.

Россия ушуга чейин "Спутник V", "ЭпиВакКорона" жана "КовиВак" деп аталган үч вакцина чыгарды.

Белгилер:
вакцина, коронавирус, Россия, Владимир Путин
Тема:
Дүйнөгө жайылган коронавирус
Тема боюнча
Кыргызстанга жакында 30 миң доза "Спутник V" вакцинасы алып келинет
Россия Түркия менен аба байланышын токтотту. Туристтик сезон эмне болот
Россияда коронавируска каршы дагы бир вакцина иштелип жатат
Бишкек — Нарын — Торугарт жолунда кырсык

Чүйдө эки унаа кагышып, жети адам жаракат алды. Видео

(жаңыланган 17:12 14.04.2021)
Ысык-Ата районунун Киргшелк айылында болгон жол кырсыгынан жаракат алгандар Кант шаардык ооруканасына жеткирилгени айтылды.

БИШКЕК, 14-апр. — Sputnik. Бишкек — Нарын — Торугарт жолунда катталган автоунаа кырсыгынан 7 адам жаракат алды. Бул тууралуу Өзгөчө кырдаалдар министрлиги билдирди.

Маалыматка караганда, кырсык 14-апрель күнү саат 14:00дөр чамасында Ысык-Ата районундагы Киргшелк айылында болгон.

"Mercedes-Benz унаасы менен ЗИЛ-130 үлгүсүндөгү оор жүк ташуучу унаа сүзүшкөн. Кырсыктын кесепетинен 7 адам жаракат алган. Куткаруучулар унаага кыпчылып калган аялды чыгарышып, Тез жардам кызматына өткөрүп беришкен", — деп жазылат маалыматта.

Жабыркагандар Кант шаардык ооруканасына жеткирилгени жана алардын абалы орточо экени айтылды.

Белгилер:
Торугарт, Нарын, Бишкек, ӨКМ, жол кырсык
Тема:
2021-жылдын башынан бери Кыргызстанда болгон жол кырсыктар
Тема боюнча
Чүйдө төрт унаа кагышып, эки адам жабыркады. Кырсыктын видеосу
Түптөгү үрөй учурган жол кырсыгы: төртүнчү бала ооруканадан көз жумду
Сокулукта Lexus жолдо турган унааны сүзүп, бир адам каза тапты. Видео