Баткен облусунун Өзбекстан менен чек аралаш жеринде жайгашкан Кайтпас жана Өтүкчү өткөрүү пунктуларынын иши жанданды

Кыргыз-өзбек чек арасындагы "Кайтпас" жана "Өтүкчү" пунктуларынын иши жанданды

(жаңыланган 20:33 01.04.2021)
Буга чейин эки мамлекет 1-апрелден тартып эки өткөрүү жайын ачуу боюнча макулдашкан. Пандемияга байланыштуу бир гана өткөрүү пункту иштеп жаткан.

БИШКЕК, 1-апр. — Sputnik. Баткен облусунун Өзбекстан менен чек аралаш жеринде жайгашкан "Кайтпас" жана "Өтүкчү" өткөрүү пунктуларынын иши жанданды. Бул тууралуу өкмөттүн облустагы өкүлчүлүгү кабарлады.

  • Церемония открытия КПП Кайтпас и Отукчу на границе КР и РУз
    Баткен облусунун Өзбекстан менен чек аралаш жеринде жайгашкан "Кайтпас" жана "Өтүкчү" өткөрүү пунктуларынын иши жанданды
    © Фото / пресс-служба полпредства правительства в Баткенской области
  • Церемония открытия КПП Кайтпас и Отукчу на границе КР и РУз
    Саамалык салтанаттуу түрдө белгиленген
    © Фото / пресс-служба полпредства правительства в Баткенской области
  • Церемония открытия КПП Кайтпас и Отукчу на границе КР и РУз
    Ага Баткен облусунун башчысы Өмүрбек Суваналиев жана Фергана облусунун башчысы Хайрулло Бозаров баштаган эки тараптын жергиликтүү бийлик өкүлдөрү менен жергиликтүү тургундар катышты.
    © Фото / пресс-служба полпредства правительства в Баткенской области
1 / 3
© Фото / пресс-служба полпредства правительства в Баткенской области
Баткен облусунун Өзбекстан менен чек аралаш жеринде жайгашкан "Кайтпас" жана "Өтүкчү" өткөрүү пунктуларынын иши жанданды

Саамалык салтанаттуу түрдө белгиленген. Ага Баткен облусунун башчысы Өмүрбек Суваналиев жана Фергана облусунун башчысы Хайрулло Бозаров баштаган эки тараптын жергиликтүү бийлик өкүлдөрү менен жергиликтүү тургундар катышты.

"Бүгүндөн тарта эки өлкөнүн тургундары мамлекеттерге "Кайтпас" жана "Өтүкчү" жайлары аркылуу тоскоолдуксуз өтө алышат. Тагыраагы, жүргүнчү ташуучу унаалардын каттоосуна жол ачылды. Пандемияга байланыштуу "Кадамжай" өткөрүү пункту гана иштеп жаткан. Анда өзбек жарандары Сох районуна баруу үчүн 80 чакырым жолду басып өтсө, эми "Кайтпас" өткөрүү жайы аркылуу жол алыстыгы 50 чакырымга кыскарат. Ошону менен катар "Кадамжайда" кыймыл жеңилдейт", — деп айтылат маалыматта.

Ушул жылдын 11-12-мартында эки мамлекет аталган чек ара көзөмөл-өткөрүү жайларын ачууну макулдашкан.

Ал эми Баткен менен Фергана облусунун башчылары кызматташуу жаатында бирдиктүү жол картасына кол коюшкан.

Белгилер:
көзөмөл өткөрүү пункту, чек ара, Өзбекстан, Кыргызстан
Тема боюнча
Кыргыз-кытай чек арасындагы "Торугарт", "Эркечтам" бекеттери убактылуу жабылат
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар