Бишкетеги веложүрүш. Архив

4-апрелде веложүрүштөн улам Бишкектин түштүгүндө тыгын жаралышы ыктымал

Спорттук иш-чаранын катышуучулары Айтматов проспекти менен Масалиев көчөсүнө чейин барып, андан ары Түштүк магистралдан Жетикашкаева көчөсүнө чейин жетишет.

БИШКЕК, 2-апр. — Sputnik. Ордо калаада 4-апрелде веложүрүш өтүп, ага байланыштуу Бишкектин бир нече көчөсүндө айдоочулар үчүн кыймыл чектелет. Бул тууралуу мэриянын маалымат кызматы кабарлады.

Муниципалитеттин билдирмеси боюнча, веложүрүштүн катышуучулары М. Гшлиессер көчөсүндө жайгашкан Ден соолук паркынын түндүк тарабына чогулуп, спорттук иш-чара 10:00дө башталат.

"Велосипедчендер Айтматов проспекти менен Масалиев көчөсүнө чейин барып, андан ары Түштүк магистралдан Жетикашкаева көчөсүнө чейин жетишет. Токтоналиев көчөсүнөн кайра Ден соолук паркына кайтышат. Ошентип велосипед менен жүрүшкө чыккандар 10 чакырым жолду басат", — деп жазылат маалыматта.

Спорттук иш-чаранын катышуучуларын Кайгуул милициянын үч автоунаасы жана Тез жардам кызматынын эки бригадасы коштой турганы айтылды. Жеринде 20 тартип сакчысы иштейт.

Мэрия веложүрүш маршрутунун бир бөлүгүндө айдоочулар үчүн кыймыл чектеле турганын эскертип, жол иш-чара бүтөрү менен толук ачыларын кошумчалады.

Тема боюнча
"Жаз деми" жарышында 2 800 адам чуркайт. Сунушталган эрежелердин тизмеси
Автоунаанын мамлекеттик номерлери. Архив

Кыргызстан жараксыз автоунаа номерлерин темир катары 12 млн. сомго сатты

(жаңыланган 16:30 14.04.2021)
2018-жылдан бери кампаларга салмагы 143 тонналык утилизацияланган автономерлер толуп калган. Аны сатууга аукцион уюштурулду.

БИШКЕК, 14-апр. — Sputnik. 143 миң тонна колдонулган жана жарактан чыккан мамлекеттик белгилер темир-тезек катары 11 миллион 920 миң сомго сатылды. Бул тууралуу Мамлекеттик каттоо кызматынан билдиришти.

Маалыматка караганда, бүгүн, 14-апрелде, колдонулган жана жарактан чыккан мамлекеттик белгилерди сатуу боюнча аукцион болуп өттү. Аны Мамлекеттик каттоо кызматынын алдындагы "Унаа" ишканасы уюштурган. 1 килограмм алюминийдин баштапкы баасы 65 сом деп бааланган. Соодалашуунун натыйжасында 83 сом 23 тыйындан сатылды.

"Аукциондун жыйынтыгында 143 миң 280 килограмм болгон темир-тезек 11 миллион 920,9 миң сомго сатылды", — деп айтылат маалыматта.

"Унаа" муниципалдык ишканасынын жетекчисинин орун басары Бакыт Шералиевдин айтымында, 2018-жылдан бери кампаларга салмагы 143 тонналык утилизацияланган автономерлер толуп калган. Түшкөн каражат мамлекеттик бюджетке которулат.

Белгилер:
алюминий, темир, мамлекеттик номер, аукцион, автоунаа, Кыргызстан
Тема боюнча
Кыргызстандан темир-тезек экспорттоого тыюу салган токтом чыкты
Министрлик: Абхазиянын номери тагылган унааларды мамлекет алып коюшу мүмкүн
РФ президенти Владимир Путин. Архив

Путин коронавируска каршы вакцинанын экинчи компонентин сайдырды

(жаңыланган 16:33 14.04.2021)
Россия башчысы биринчи вакцинасын 24-мартта алып, өзүн жакшы сезип, дароо ишке чыккан. Администрация президент кайсы препаратты тандаганын так айткан эмес.

БИШКЕК, 14-апр. — Sputnik. РФ президенти Владимир Путин коронавируска каршы экинчи ирет эмделди. Бул тууралуу РИА Новости кабарлады.

Россиянын башчысы биринчи вакцинасын 23-мартта алган. Анда администрация президент кайсы препаратты тандаганын так айткан эмес, бирок ал Россия чыгарган үч вакцинанын бири экендиги белгилүү болгон.

Россия ушуга чейин "Спутник V", "ЭпиВакКорона" жана "КовиВак" деп аталган үч вакцина чыгарды.

Белгилер:
вакцина, коронавирус, Россия, Владимир Путин
Тема:
Дүйнөгө жайылган коронавирус
Тема боюнча
Кыргызстанга жакында 30 миң доза "Спутник V" вакцинасы алып келинет
Россия Түркия менен аба байланышын токтотту. Туристтик сезон эмне болот
Россияда коронавируска каршы дагы бир вакцина иштелип жатат