Тышкы иштер министрлигинин имараты. Архив

ТИМ кызматкеринин өлүмү боюнча Саламаттык сактоо министрлиги үн катты

(жаңыланган 11:10 02.04.2021)
Кечээ ТИМ Консулдук кызмат департаментинин директорунун орун басары Бахтияр Шакиров дүйнөдөн мезгилсиз кайтып, социалдык тармактарда анын өлүмү коронавируска каршы вакцинадан улам болушу мүмкүн деген маалымат тараган.

БИШКЕК, 2-апр. — Sputnik. Тышкы иштер министрлигинин кызматкери Бахтияр Шакировдун өлүмүнөн кийин социалдык тармактарда тараган маалыматтардан улам Саламаттык сактоо жана социалдык өнүктүрүү министрлиги расмий билдирүү таратты.

Ага ылайык, маркумдун сөөгүн карап чыгуу учурунда ийин жагынан эмдөө учурунда сайылчу ийненин изи табылган эмес.

"Республикалык соттук-медициналык экспертиза борборунун адистери сөөктү карап чыккан учурда эмдөөдө сайылчу ийненин изин табышкан жок. Акыркы жыйынтык 14 күндүн ичинде белгилүү болот", — деп айтылат билдирүүдө.

Ошондой эле министрлик маркумдун аты эмделгендердин тизмесинен табылбаганын кошумчалады.

"Планга ылайык, вакцинаны алгачкы этапта медиктер, укук коргоо органдарынын өкүлдөрү, мугалимдер жана социалдык кызматкерлер алышы керек. Дипломатиялык түзүмдөрдүн кызматкерлери бул топко кирбейт", — деп түшүндүрүштү ведомстводон.

Мындан тышкары, министрлик жалган маалымат таратуу менен алектенгендер мыйзам алдында жооп берип каларын эскертти.

Эске сала кетсек, кечээ ТИМ Консулдук кызмат департаментинин директорунун орун басары Бахтияр Шакиров дүйнөдөн мезгилсиз кайтканын билдирген.

Саламаттык сактоо министрлигинин мурдагы өкүлү Елена Баялинова Шакиров Кыргызстанга Кытайдан келген SinoPfarm вакцинасын алгачкы болуп алгандардын бири экенин айтып чыккан эле.

Ал эми Республикалык иммундук профилактика борборунун директору Гүлбара Ишенапысова дагы маркумдун аты эмделгендердин тизмесинде жок экенин айткан.

Белгилей кетсек, 29-мартта Кыргызстанда COVID-19га каршы Кытайдын SinoРharm вакцинасы менен эмдөөнүн биринчи этабы башталды. Эң алгачкысы болуп түз эфирде саламаттык сактоо жана социалдык өнүктүрүү министри Алымкадыр Бейшеналиев өзү эмделген.

Белгилер:
министрлик, вакцина, өлүм, ТИМ
Тема боюнча
ТИМ кызматкери коронавируска каршы вакцина алган соң көз жумганбы? Расмий жооп
Балбан Акжол Махмудов Азия чемпионатында

Кыргызстан грек-рим күрөшүнөн Азияда командалык эсепте үчүнчү орунду ээледи

(жаңыланган 11:36 15.04.2021)
Азия чемпионатында улуттук курама команданын балбандары 10 салмакта күч сынашып, беш коло, үч күмүш байге утушкан.

БИШКЕК, 15-апр. — Sputnik. Грек-рим күрөшүнөн 2021-жылдагы Азия чемпионатында Кыргызстан жалпы командалык эсепте байгелүү үчүнчү орунду ээледи. Бул тууралуу Азия күрөш уюму өзүнүн Instagram баракчасына жазды. https://www.instagram.com/p/CNpmxEsFjY7/

Мелдеште улуттук курама команданын балбандары 10 салмакта күч сынашып, беш коло, үч күмүш байге утушкан.

Спорттук күрөштүн түрлөрү (грек-рим, эркин жана кыздар күрөшү) боюнча мелдеш ушул күндөрү (13-18-апрель) Казакстандын Алматы шаарында өтүп жатат. Кечээ, 14-апрелде, грек-рим түрү боюнча жарыш жыйынтыкталды. Ата мекендик спортчулар Руслан Царев (72 килограмм), Калидин Асикеев (82 килограмм) жана Атабек Азисбеков (87 килограмм) өз салмактарында экинчи орунду ээлеп, күмүш медаль тагынышты.

Ал эми Нурмухаммед Абдуллаев (55 килограмм) Амантур Исмаилов (67 килограмм), Кайрат Түгөлбаев (77 килограмм), Бексултан Махмудов (97 килограмм) жана Мурат Рамонов (130 килограмм) коло байге алышты.

Кыргызстан 138 упай топтоп, жалпы командалык эсепте үчүнчү орунга татыды. Экинчиге 141 упай менен Казакстан жетсе, Иран командасы 169 упай менен биринчи орунду ээледи.

Бүгүн кыз-келиндер күрөшү башталып, Айсулуу Тыныбекова, Мээрим Жуманазарова жана Айпери Медет кызы баш болгон спортчулар килемге чыгат.

Белгилер:
мелдеш, Азия чемпионаты, курама команда, Кыргызстан, грек-рим күрөшү
Тема боюнча
Качкымбаев: Кыргызстанда сумо күрөшү менен кыздар да машыгат
Эркин күрөштөн биринчи болуп Эрназар Акматалиев Олимпиадага лицензия утту. Видео
Депутат Зарылбек Рысалиев. Архив

Митингде таяк жеп калышууда. Депутат милиционерлерди көбөйтүүнү сунуштады

(жаңыланган 11:27 15.04.2021)
Эл өкүлү тартип сакчыларынын саны аз болгондуктан митинг учурунда элден таяк жей берип жалтак болуп калганын айтты.

БИШКЕК, 15-апр. — Sputnik. Жогорку Кеңештин депутаты Зарылбек Рысалиев 2019-жылы колдонууга чыгарылган Жазык кодекстерин жокко чыгарууну жана Бишкекте милиция кызматкерлеринин санын көбөйтүүнү сунуштады.

Бүгүн парламенттин жыйынында эл өкүлү тартип сакчыларынын саны аз болгондуктан митинг учурунда элден таяк жей берип жалтак болуп калганын айтты.

"Эгемендүүлүктү алгандан бери Бишкекте төрт эле райондук милиция иштеп жатат. РИИБдердин саны качан көбөйөт? Элдин саны өсүп, милициянын иши күн санап көбөйүүдө. Түркия, Кытай, Америкада митингге 5000 адам чыкса, 10 000 полиция кызматкерин коёт. Ал эми бизде 10 000, 20 000 киши чыкса да 2500 милиционер турат. Байкуштарды таш, келтек менен урасыңар, жеткен жерден желкеге чабасыңар. Алар таяк жей берип жалтактап бүттү. Ошондуктан Бишкекке дагы төрт РИИБ кошуп берүүнү сунуштайм", — деди Рысалиев.

Ошондой эле 2019-жылы күчүнө кирген Жазык кодекстери өзүн актабаганын айтып, аларды жокко чыгарып 1994 жана 1997-жылкы кодекстерге кайтып келүүнү демилгеледи.

"Кошуна мамлекеттердин баары эски кодекстер менен иштеп жатат. Азыр ар бир тергөөчүдө 500-600 кылмыш иши турат. Муну жөнгө салуу мүмкүн эмес. Ал эми тергөө менен макулдашуу деген берене айыпталуучуга курал катары колдонулууда. 2019-жылы кабыл алынган кодекстерде гуманизация болот дешкен, бүгүн анын жыты дагы жок", — деди депутат.

Белгилей кетсек, Зарылбек Рысалиев 2010-2012-жылдары ички иштер министри, андан кийин бир жыл Жаза аткаруу мамлекеттик кызматын жетектеген.

Белгилер:
милиция, депутат, Зарылбек Рысалиев
Тема боюнча
Депутат Рысалиев Мариповго: сизге ичим чыкпай жатат, "папин сын" эмессизби...