Нарын районунун Ак-Кудук айылындагы Кожоке Омор уулу атындагы орто мектеби

Коронавирусу жок эле. Нарындын Ак-Кудугунда окуучулар онлайн окууга өтүштү

(жаңыланган 15:49 02.04.2021)
Айылдагы мектеп 1971-жылы 100 балага ылайыкташып салынган. 2017-жылы авариялык абалда деп табылган болчу.

БИШКЕК, 2-апр. — Sputnik. Нарын районунун Ак-Кудук айылындагы Кожоке Омор уулу атындагы орто мектептин окуучулары онлайн форматта окуй башташты. Бул тууралуу аймактык кабарчыга окуу жайдын директору Гүлзат Чолурова билдирген.

  • Средняя школа имени Кожоке Омор уулу в селе Ак-Кудук Нарынского района. 02 апреля 2021 года
    Нарын районунун Ак-Кудук айылындагы Кожоке Омор уулу атындагы орто мектептин окуучулары онлайн форматта окуй башташты
    © Sputnik
  • Средняя школа имени Кожоке Омор уулу в селе Ак-Кудук Нарынского района. 02 апреля 2021 года
    Бул тууралуу аймактык кабарчыга окуу жайдын директору Гүлзат Чолурова билдирген
    © Sputnik
  • Средняя школа имени Кожоке Омор уулу в селе Ак-Кудук Нарынского района. 02 апреля 2021 года
    Анын айтымында, буга коронавирус инфекциясы себеп болгон эмес
    © Sputnik
  • Средняя школа имени Кожоке Омор уулу в селе Ак-Кудук Нарынского района. 02 апреля 2021 года
    Белгилей кетсек, аталган мектеп 1971-жылы 100 балага ылайыкташып курулган
    © Sputnik
  • Средняя школа имени Кожоке Омор уулу в селе Ак-Кудук Нарынского района. 02 апреля 2021 года
    2017-жылы ӨКМ тарабынан авариялык абалда деп табылып, бирок болбой эле окуу улантылып келген
    © Sputnik
  • Средняя школа имени Кожоке Омор уулу в селе Ак-Кудук Нарынского района. 02 апреля 2021 года
    Имараттын жедеп эскилиги жетип, бир капталы 20 градуска ооп калгандыктан мектеп жамааты устун менен тиреп койгон
    © Sputnik
1 / 6
© Sputnik
Нарын районунун Ак-Кудук айылындагы Кожоке Омор уулу атындагы орто мектептин окуучулары онлайн форматта окуй башташты

Анын айтымында, буга коронавирус инфекциясы себеп болгон эмес.

"Жаздын келиши менен кар эрип, мектептин түптөрү суу болуп жарыла баштады. Ата-энелер балдарынын өмүрү үчүн кооптонуп, окуучуларды боз үйлөргө окутуу демилгесин көтөрүшкөн. Бирок күндүн сууктугуна, бир жагынан оорунун басаңдай электигине байланыштуу балдарын окутуудан баш тартышты. Ага ылайык, облус жетекчилерине билдирүү жиберип, окуучулар 1-апрелден тарта онлайн форматта окууга өтүштү", — деди директор.

Белгилей кетсек, аталган мектеп 1971-жылы 100 балага ылайыкташып курулган. 2017-жылы ӨКМ тарабынан авариялык абалда деп табылып, бирок болбой эле окуу улантылып келген. Имараттын жедеп эскилиги жетип, бир капталы 20 градуска ооп калгандыктан мектеп жамааты устун менен тиреп койгон.

2018-жылы жаңы мектептин курулушуна тендер жарыяланып, андан "Тунук-курулуш" ЖЧКсы утуп чыккан. Келишимге ылайык, аталган компания 150 орундуу билим уясын 58 миллион 500 миң сомго бүткөрүп бермек. Бирок каражат толук бөлүнбөгөндүгүнө байланыштуу пайдубалы түптөлгөн боюнча токтоп калган.

Эски имаратта үстүбүздөгү жылдын март айына чейин 160тан ашуун окуучу эки сменде билим алып келгени маалым.

Белгилер:
коронавирус, курулуш, имарат, онлайн, Нарын, мектеп
Тема боюнча
Эртең Нарында мамлекеттик бала бакчалар ачылат
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар