Менеджер Миргүл Эсеналиева

Менеджер Эсеналиева: ырчылар шарт жок жерде фонограмма менен ырдашы керек

(жаңыланган 15:48 03.04.2021)
Шоу-бизнес чөйрөсүндө Миргүл Эсеналиева деген ысым көп жылдан бери таанымал. Менеджер айым Анжелика, Арсен, Бактыгүл Бадыева менен кызматташса, учурда Омар, Толгонай Арзыкеева, Бек Исраилов, Тамга менен иштешет.

Адатта иштешкен ырчыларын маекке жиберген Миргүл Эсеналиеванын өзүн кепке тарттык. Ал жумушу жана үй-бүлөсү тууралуу биринчи жолу маек берип жатканын белгиледи.

— Жылдыздар чөйрөсүнө кандайча аралашып калдыңыз?

— 2007-жылы досторум, ырчылар Неля менен Урматтын чыгармачылык жаатындагы жумуштарын бүтүрүшүп, жардам берип калчумун. 2008-жылы Омар менеджер катары иштешүүнү сунуштады. Бир жылдан кийин ал мени Арсен менен тааныштырып, чогуу иштей баштадык.

Жалпысынан ондон ашуун ырчы менен иштештим. Алардын арасында Анжелика, Кундуз Канатбек кызы, Жанэль, Бактыгүл Бадыева, Максат Бегалиев, Толгонай, Бек Исраилов, Style Mix тобу, Тамга жана башкалар бар.

Менеджер многих представителей шоу-бизнеса Миргуль Эсеналиева
© Фото / Atageldi Shermamatov
Эсеналиева: уюштуруучулукка бала кезимин эле жакын экенмин. Мисалы, туулган күнгө бара турган болсок каржы жагын чече калчу элем

— Өзүңүз кайсы кесиптин ээсисиз?

— Уюштуруучулукка бала кезимин эле жакын экенмин. Мисалы, туулган күнгө бара турган болсок каржы жагын чече калчу элем. Мектепти аяктаганда Кыргыз экономикалык университетинин менеджмент жана ишкерлик факультетинин туризм чөйрөсү менен мейманкана сервисинин менеджери адистигин бүтүргөм. Башында кесибим боюнча иштеп жүрдүм.

— Омар менен узак убакыттан бери иштешип келе жатканыңыздын сыры эмнеде? Ал эми Анжелика жана Арсен менен эмнеге кызматташпай калдыңыз?

— Омар менен иштешкениме 14 жылга чукулдап, бир туугандай эле болуп калдык, бири-бирибизди жарым сөздөн түшүнөбүз. Өзү менеджер менен кызматташуудан баш тарта элек.

Анжелика абдан кыйын кыз, азыр өзү таланттуу балдардын тобун ачып продюсер болуп жүрөт. Расмий иштешпесек дагы жардам берип турам.

Арсен менен 12 жыл иштедим, ал өз алдынча болуп калды. Келишимибиз бүткөндөй кийин мен жеке жашоого дагы көңүл бурайын деп узарткан жокпуз. Негизи эле жумушка берилип кетиптирмин. Азыр ишке дагы, жеке жашоомо дагы убакытты теңме-тең бөлүштүрдүм. Арсен менен мамилебиз мурдагыдай эле жакшы.

Менеджер многих представителей шоу-бизнеса Миргуль Эсеналиева с певцом Омаром
© Фото / Чолпон Сулайманов
Менеджер айым Анжелика, Арсен, Бактыгүл Бадыева менен кызматташса, учурда Омар, Толгонай Арзыкеева, Бек Исраилов, Тамга менен иштешет

— Сиз менен иштешкиси келген ырчылар көп болсо керек, кандай шартта макулдук бересиз?

— Ооба. Бирок бир убакта төрт-беш адам менен гана иштеше алат экенмин. Андан көп болсо убакыт бөлө албай калчудаймын. Бирок кайрылгандарга колдоомду аябай, колумдан келишинче жардам бергенге аракет кылам.

Айрымдары менен келишим түзүп, кээси менен түзбөй эле иштейм. Келишимде бир катар талаптар жазылган. Ырчынын талантынан тышкары адамдык мамилеси дагы маанилүү. Бири-бирибизди түшүнүшүп, сунуштарыбызды угуп иш кылган жеңил болот.

— Менеджер менен иштешүүнүн кандай артыкчылыгы бар?

— Ар бир ырчынын менеджери болушу керек деп ойлойм. Ырчылар ырларын жазып, чыгармачылыгы менен алпурушушу зарыл. Анын эмгегин элге жайылтууга, өзүн таанытууга менеджер жардам берет. Түйшүктүн бардыгын ырчы өзү алса кыйын болуп калат.

Менеджер многих представителей шоу-бизнеса Миргуль Эсеналиева
© Фото / из личного архива Миргуль Эсеналиевой
Эсеналиева: ырчынын талантынан тышкары адамдык мамилеси дагы маанилүү. Бири-бирибизди түшүнүшүп, сунуштарыбызды угуп иш кылган жеңил болот

— Журналисттер "Шоу-бизнес өкүлдөрүнө караганда өлкөнүн биринчи адамдарына байланышуу оңой" деп кер какшык, тамаша менен айтып калышат. Эмне себептен айрым ырчылар ЖМК өкүлдөрүнө жоопкерчиликсиз мамиле жасашат деп ойлойсуз?

— Жалпы ырчылар үчүн жооп бергеним туура эмес болуп калат го. Мен журналисттер менен ачык эле сүйлөшөм. Иштешкен ырчыларды интервьюга чакырса шартыбызга жараша варианттарды сунуштап, чакырган жерине барып же интернет аркылуу бергенге аракет кылабыз. Сизге деле ишиме байланыштуу онлайн жооп берип жатам.

— Айрым ырчылар фонограмма менен ырдайт, Instagram жана TikTok тармагында эле жылдыз деп сын айткандар бар. Шоу-бизнести ичинен билген киши катары буга кандай жооп бересиз?

— Ырчы фонограмма менен айрым жагдайларга байланыштуу ырдашы керек. Мисалы, кээ бир жерде аппаратура начар болуп, бул ырчынын үнүнө терс таасирин тийгизет. Ырчыны үнү багат, ага аяр мамиле жасашы керек. Мен кызматташкан ырчылар шарт бар жерде минусовка менен жандуу ырдашат.

Ырчыларды чыгармачылыгына жараша баалаш керек деп ойлойм. Ошол эле учурда социалык тармактын тилин таап, өзүн таанытып жаткандарга каршы эмесмин.

Менеджер многих представителей шоу-бизнеса Миргуль Эсеналиева с певицей Толгонай Арзыкеевой
© Фото / Чолпон Сулайманов
Эсеналиева: ар бир ырчынын менеджери болушу керек деп ойлойм. Ырчылар ырларын жазып, чыгармачылыгы менен алпурушушу зарыл

— Той-кечелерде кызмат көрсөтүү ырчылар үчүн кирешелүү экенин билебиз. Коронавирус пандемиясы аларга кандай таасирин тийгизди?

— Жумуш токтоп калганы сезилди. Бирок ошого карабастан кайрымдуулук иштерин да жасап жаттык. Ырчылардын чыгармачылыктан тышкары чакан бизнестери бар, ошолор менен жан багып жатты десем болот.

— Өзүңүз дагы обон созуп каласызбы?

— Кээде караокелерге барганда ырдайм. Омар "Микуся, угууң жакшы" деп калат. Атам Кубанычбек Эсеналиев аккордеондо ойнойт, "Шайыр апалар" берүүсүнө чыгып калат. Талант атамдан берилсе керек.

Менеджер многих представителей шоу-бизнеса Миргуль Эсеналиева с родными
© Фото / Чолпон Сулайманов
Эсеналиева: ата-энем Нарындан болот. Атам Жумгалдын Дыйкан айылынан, апам Кызарттан. Өзүм Бишкекте эле чоңойгом. Эч нерседен кем кылбай өстүрүштү, балалыгым бактылуу өткөн

— Үй-бүлөңүз, жеке жашооңуз тууралуу айта кетсеңиз?

— Ата-энем Нарындан болот. Атам Жумгалдын Дыйкан айылынан, апам Кызарттан. Өзүм Бишкекте эле чоңойгом. Эч нерседен кем кылбай өстүрүштү, балалыгым бактылуу өткөн.

Жеке жашоомдо абдан бактылуумун, Кудайга шүгүр.

— Жол кырсыгына кабылганыңызды, анын айынан блефаропластика жасатууга аргасыз болгонуңузду жазгансыз. Ушул эки учур тууралуу айтып берсеңиз?

— 2010-жылы Омар, Арсендер менен жол кырсыгына кабылганбыз. Бир көзүмдүн терисинин үстү жабыркаган, ал жер жакшы тигилбей калгандай сезиле берчү. Кийинчерээк көздөрүм бири-биринен айырмалана баштады, эл адамы болгондон кийин кебетеңди жакшы алып жүрүшүң керек да. Пластикалык хирургга барсам блефаропластика кылабыз деди, аны деле жакшы түшүнчү эмесмин. Көздүн үстүңкү этин кесип, сурма кылып тигет экен. Намаз окугандардан шарыят боюнча туурабы деп сурадым. Сулуулук үчүн эмес, ден соолугуң үчүн зарыл болсо кылсаң болот деди. Бирок аварияда айрылган көзүм азыр деле чоңураак болуп турат. Муну талкуулаган айрым интернет колдонуучуларга таң калам.

Менеджер многих представителей шоу-бизнеса Миргуль Эсеналиева
© Фото / из личного архива Миргуль Эсеналиевой
Эсеналиева: ырчы фонограмма менен айрым жагдайларга байланыштуу ырдашы керек. Мисалы, кээ бир жерде аппаратура начар болуп, бул ырчынын үнүнө терс таасирин тийгизет

— Сулуулугуңузга, дене боюңузга кантип кам көрөсүз?

— Ар бир айым өзүнчө сулуу, ошон үчүн адам өзүн жакшынакаймын деп эсептеши керек. Мен боёнуучу каражаттарга караганда кам көрүүчү косметикаларды көп алам. Той-кечелерге барарда гана сулууланбасам, жашоодо боёксуз жүргөнгө аракет кылам. Салмак кошуп баратканымды байкасам тамакты мүнөздөп ичип, спорт залга барып турам.

Белгилер:
Миргүл Эсеналиева, маек, шоу-бизнес, менеджер, ырчы, Арсен, Өмүрбек Жанышев, Анжелика Кайратова
Тема боюнча
Кыргызстандагы алгачкы рэпер кыз Тамга: бир клип тартып кыйраттык деп жүрүппүз
Ырлары миллион көрүүчү топтогон Алтынай: мамлекеттик кызматта экениме сүйүндүм
Садыбакасова: фонограммага толугу менен тыюу салууга мүмкүн эмес
Интернет жылдызына айланган Байзак ырчы: аябай толкунданып жатам...
Манас кырк чоросу. Сүрөтчү Г. Петровдун эпоско иллюстрациясы

Манастын кырк чоросунун аты-жөнү. Кырк жактан келген кыйындар

Sputnik Кыргызстан агенттиги Манастын кырк чоросунун аты-жөнүн сунуштайт. Материалдагы ысымдар Тоголок Молдо менен Сагынбай Орозбаковдун варианттары боюнча берилген.

Манасчы Талантаалы Бакчиев белгилегендей, кырк чоро деп айтылып жүргөнү менен эпосто 42 же андан көп сан берилет. Тоголок Молдонун варианты боюнча, 48и чоро, 40ы алардын зардалы, мындайча айтканда, жардамчысы. Алар курал-жарак ташып, атын карап, керектүү жардамдарды көрсөтүшкөн. Манаста "Себилдүүсү сексен төрт. Серп салган жагы кызыл өрт" деп бекеринен айтылбаса керек. Айрым манасчылардын варианттарында бардык чоронун аты аталат, кээ биринде толук айтылбайт.

Манастын кырк чоросу кырк тараптан келген. Бир күндө эмес, аз-аздан келип куралышкан. Кээси Манастан кичүү болсо, айрымдары тең болгон. Чоролордун көбү азган-тозгондор. Өз элинде, жеринде батпай, куугунтукка алынгандыктан "Манас айкөл экен, баатыр экен, чыгаан экен" деп үмүт артып келишкен.

Эпосто "Чокудан алтын табышты, чокусу ушул экен деп чоро болуп жабышты. Кыргыздан чыккан кыраан деп, кыргыздан ушул табылды. Кыйыны экен кыргыздын, кырк чоро болуп жабышты" деп айтылат. Орой угулганы менен чындыгында чоролор Манаска "агалап-сагалап" келишкен. Кырк чоронун 12си Чоң казатта окко учкан. Калгандары Чоң казаттан кайтып келип, Манас жаракатынан улам эки дүйнө ортосунда болуп турганда, тилекке каршы, бийлик көздөгөндөр жакка ооп кеткени айтылат.

Баатырдын кырк чоросу тууралуу кызыктуу фактыларды кабарчы Гүлдана Талантбекова даярдаган материалдан окуй аласыздар.

Белгилер:
ысым, эпос, Тоголок Молдо, кырк чоро, Манас
Тема боюнча
Манастын колуна кыргын салып... Калк энеси Каныкей тууралуу 15 факты
Манаска берген убадасынан тайган. Эпостогу Кыз Сайкал тууралуу 7 факты
ТИМге караштуу Консулдук кызмат департаментинин директорунун орун басары Бахтияр Шакиров. Архив

Министр Бейшеналиев ТИМ кызматкери эмнеден каза болгонун айтты

(жаңыланган 17:50 14.04.2021)
Министр дипломатка кичинекей балдар жаткан жерден тамчылатма ийне саюу чоң катачылык болгонун белгиледи.

БИШКЕК, 14-апр. — Sputnik. ТИМге караштуу Консулдук кызмат департаментинин директорунун орун басары Бахтияр Шакиров анафилактикалык шоктон каза болгон. Бул тууралуу саламаттык сактоо жана социалдык өнүктүрүү министри Алымкадыр Бейшеналиев "Парламент сабактары" берүүсүндө билдирди.

Белгилей кетсек, дипломат 1-апрель күнү Бишкектеги Эне жана баланы коргоо улуттук борборунда көз жумган. Министр анын өлүмүнүн диагнозу соттук-медициналык экспертизада далилденгенин билдирди.

"39 жаштагы ТИМ кызматкерин жаш балдардын жанына жаткырып, антибиотик сайган. Ал анафилактикалык шоктон каза болуптур. Ошон үчүн ал оорукананын директорун, башкы дарыгерин, антибиотик сайылган лор бөлүмүнүн башчысын жана медайымды тергөө бүткөнгө чейин жумуштан бошоттум. Себеби мындай кырсык болбошу керек эле. Биринчиден, кичинекей балдар жаткан жерге алып барып тамчылатма ийне саюу — чоң ката. Экинчиден, антибиотик сайганда алдын ала текшерип көрүш керек болчу", — деди Бейшеналиев.

Эске салсак, Саламаттык сактоо министрлигинин мурдагы өкүлү Елена Баялинова Шакиров Кыргызстанга Кытайдан келген SinoPfarm вакцинасын алгачкылардан болуп алгандардын бири экенин айтып чыккан эле.

Ал эми Республикалык иммундук профилактика борборунун директору Гүлбара Ишенапысова маркумдун аты эмделгендердин тизмесинде жок экенин билдирген. Министрлик Республикалык соттук-медициналык экспертиза борборунун адистери сөөктү карап чыккан учурда эмдөөдө сайылчу ийненин изин таппаганын, акыркы жыйынтык 14 күндүн ичинде белгилүү болорун маалымдаган.

Ал эми Кытайдын Кыргызстандагы элчилиги такталбаган мындай маалымат эки өлкөнүн достугуна көлөкө түшүрүп жатканын билдирген.

Белгилер:
Алымкадыр Бейшеналиев, өлүм, кызматкер, ТИМ
Тема боюнча
ТИМ кызматкеринин ооруканадагы өлүмү. Милиция окуянын чоо-жайын айтты