Ошто жалпы шаардык ишембилик өткөрүлүп, 700 тонна таштанды чыгарылды

Ошто жалпы шаардык ишембилик өтүп, 700 тонна таштанды чыгарылды. Сүрөт

(жаңыланган 17:41 03.04.2021)
Тазалоо ишине чыккандар калааны таштандыдан арылтып, дарактарды актап, имараттардын сырткы көрүнүшүн сырдашкан.

БИШКЕК, 3-апр. — Sputnik. Ошто жалпы шаардык ишембилик өткөрүлүп, 700 тонна таштанды чыгарылды. Бул тууралуу калаа мэриясынын маалымат кызматы кабарлады.

  • Общегородской субботник в городе Ош
    Ошто жалпы шаардык ишембилик өткөрүлүп, 700 тонна таштанды чыгарылды
    © Фото / пресс-служба мэрии города Ош
  • Общегородской субботник в городе Ош
    Бүгүнкү ишембиликке шаардагы бардык уюмдардын, муниципалдык мекемелердин жана саламаттык сактоо, билим берүү жана башка ведомстволордун эмгек жамааты чыгышкан
    © Фото / пресс-служба мэрии города Ош
  • Общегородской субботник в городе Ош
    Алардын катарында жогорку окуу жайлардын, бала бакчалардын кызматкерлери жана жергиликтүү тургундар дагы бар
    © Фото / пресс-служба мэрии города Ош
  • Общегородской субботник в городе Ош
    Алар калааны таштандыдан арылтып, дарактарды актап, имараттардын сырткы көрүнүшүн сырдап, арыктарды жана тротуарларды тазалашкан
    © Фото / пресс-служба мэрии города Ош
  • Общегородской субботник в городе Ош
    "Ош-Тазалык" ишканасы саат 12:00гө карата алынган маалымат боюнча, полигонго 700 тонна таштанды ташылганын билдирген.
    © Фото / пресс-служба мэрии города Ош
1 / 5
© Фото / пресс-служба мэрии города Ош
Ошто жалпы шаардык ишембилик өткөрүлүп, 700 тонна таштанды чыгарылды

Президент Садыр Жапаров аппаратынын жетекчилиги жана кызматкерлери менен бирге Дайыр Асанов атындагы Жеңиш паркынын аймагында ишембилик өткөрдү.
© Пресс-служба президента КР / Султан Досалиев
Бүгүнкү ишембиликке шаардагы бардык уюмдардын, муниципалдык мекемелердин жана саламаттык сактоо, билим берүү жана башка ведомстволордун эмгек жамааты чыгышкан. Алардын катарында жогорку окуу жайлардын, бала бакчалардын кызматкерлери жана жергиликтүү тургундар дагы бар.

Алар калааны таштандыдан арылтып, дарактарды актап, имараттардын сырткы көрүнүшүн сырдап, арыктарды жана тротуарларды тазалашкан.

"Ош-Тазалык" ишканасы саат 12:00гө карата алынган маалымат боюнча, полигонго 700 тонна таштанды ташылганын билдирген.

Белгилер:
тазалоо, ишембилик, таштанды, Ош шаары
Тема боюнча
Ош шаарында мыйзамсыз курулуштар алынып жатат. Сүрөттөр
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар