Медициналык кызматкер COVID-19 менен ооруган адамдын мониторун текшерип жатат. Архив

COVID: соңку суткада 4 киши көз жумуп, 172 адам ооруду. Акыркы статистика

(жаңыланган 11:54 04.04.2021)
Кыргызстанда коронавирусту жуктуруп алган жаңы учурлар мурдагы күнгө караганда 30 кишиге арбын болду.

БИШКЕК, 4-апр. — Sputnik. Соңку бир сутканын ичинде өлкөдө 172 киши COVID жуктурганы аныкталып, төрт адам көз жумуп, 87 бейтап айыгып кетти. Бул туурасында Республикалык штабдан кабарлашты.

"Бишкекте үч, Чүй облусунда бир адам каза тапты. Стационарда 119 киши оор, 29 бейтап өтө оор абалда жатат", — деп айтылган маалыматта.

Бир сутка ичинде коронавирусту жуктуруп алгандар:

  • Бишкек - 124;
  • Ош - 2;
  • Чүй облусу – 33;
  • Ош облусу - 1;
  • Талас облусу - 1;
  • Ысык-Көл облусу – 10;
  • Жалал-Абад облусу – 1.

Бир сутка ичинде COVID-19 илдетинен сакайып чыккандар, пневмонияны эсепке алганда:

  • Бишкек – 46;
  • Ош шаары – 1;
  • Чүй облусу – 30;
  • Ысык-Көл облусу – 5;
  • Жалал-Абад облусу – 2;
  • Баткен облусу – 3.

Акыркы сутка ичинде 2497 ПЦР-изилдөө жүргүзүлгөн.

Кыргызстан боюнча бүгүнкүгө чейин коронавирус менен 89 014 адам ооруп, алардын ичинен 85 164 бейтап айыгып кеткен.

Учурда амбулатордук дарыланууда 768 бейтап бар.

Белгилер:
айыгуу, оору, статистика, коронавирус, Кыргызстан
Тема:
Кыргызстандагы коронавирус жуктуруп алгандар (1600)
Тема боюнча
Бишкектин четиндеги эки мектеп коронавирустан улам кайра онлайн окууга өттү
Британияда AstraZeneca менен эмделген 7 киши тромбдон улам көз жумду
Бишкекте COVID жуктургандар үчүн 111 орун бар. Ооруканалардын тизмеси
Чыгыш таттуулары. Архив

Кайсы тамак-аш адамды өлүмгө эрте кептеши ыктымал? Окумуштуулардын ою

Илимпоздор Улуу Британияда майыптыкка жана өлүмгө жүрөк-кан тамыр оорулары себеп болорун белгилеп, бул дарт туура эмес тамактануудан келип чыгарын далилдешкен.

БИШКЕК, 23-апр. — Sputnik. Британиялык окумуштуулар бир катар азыктар жүрөк-кан тамыр ооруларынын өрчүү тобокелчилигине алып келерин анализдеп чыгышты. Бул тууралуу РИА Новости кабарлап, аталган азыктардын тизмесин жарыялады.

Изилдөөнүн жыйынтыгы боюнча, өлүмгө дуушар кылышы ыктымал деген азыктардын катарына шоколад, таттуу-тарапа, май, ак нан жана таттуу суусундуктар кирген.

Диетанын жүрөк-кан тамыр оорулары менен өлүм тобокелчилигине тийгизген таасирин аныктоо үчүн Оксфорд университетинин окумуштуулары Австралия, Кытайдагы кесиптештери менен атайын жүргүзүлгөн изилдөөлөрдү анализдеп чыгышкан.

Ал үчүн Улуу Британиядагы 37 жаштан 73 жашка чейинки 116 806 кишинин анализдери каралган. Илимпоздор жүрөк-кан тамыр оорулары менен өлүмгө кептей турчу тамактануу стилин экиге бөлүшкөн. Биринчиси — шоколад, кондитер азыктары, май, ак нан болсо, экинчиси — таттуу алкоголсуз суусундук, шоколад, конфет, май жана сыр.

"Биринчи диетаны көп учурда 60 жашка чейинки чылым чегип, спорт менен машыкпаган, ашыкча салмак жана гипертония менен жабыркаган эркектер колдонот. Мындай адамдардын 60 жаштан ашкан, бирок ашыкча салмагы жок, туура тамактанган кишилердикине салыштырмалуу жүрөк-кан тамыр оорусуна чалдыгуу тобокелчилиги жогору болот", — деп айтылат маалыматта.

Экинчи тамактануу стили көбүнчө аялдарга таандык экени маалым болду. Алар чылым чекпей, дайыма кыймылда болсо дагы организминде холестерин, ашыкча салмак жана гипертония болору белгиленген.

Окумуштуулар Улуу Британияда майыптыкка жана өлүмгө жүрөк-кан тамыр оорулары себеп болорун белгилеп, бул оорулары туура эмес тамактануудан келип чыгарын далилдешкен.

Белгилер:
анализ, туура тамактануу, салмак, оору, кан тамыр, жүрөк
Тема боюнча
Семиртпейт. Кеңседе отуруп иштегендер үчүн пайдалуу тамактар айтылды
Көк бөрү мелдеши. Архив

Жеңиш күнүнө арналган республикалык көк бөрү мелдеши Таласта өтөт

2-май күнү чүчү кулак тартылып, оюндар 3-майда башталат. Мелдеш Спорттун улуттук түрлөрү боюнча дирекциясы жана Улуттук көк бөрү федерациясы тарабынан уюшулууда.

БИШКЕК, 23-апр. — Sputnik. Улуу Жеңиш күнүнө арналган көк бөрү боюнча республикалык мелдеш Талас облусунда өтөт. Бул тууралуу өлкөнүн Улуттук көк бөрү федерациясы билдирди. https://www.instagram.com/p/CNsDV-YMxdM/

2-май күнү чүчү кулак тартылып, мелдеш 3-майда башталат.

"Улуу Жеңиш күнүнө арналган көк бөрү боюнча республикалык турнир 3-майдан 9-майга чейин Талас облусунун Райкан Алканов атындагы ат майданында өтөт. Командалардын катышуу боюнча арыздары 30-апрель күнү саат 17:30га чейин кабыл алынат", — деп айтылат маалыматта.

Мелдеш Спорттун улуттук түрлөрү боюнча дирекциясы жана Улуттук көк бөрү федерациясы тарабынан уюшулууда.

Белгилер:
Талас облусу, мелдеш, Көк бөрү, Улуу Жеңиш
Тема боюнча
1-май күнү Кыргызстанда эл аралык "Альпиниада – 2021" мелдеши өтөт