Жаңы дайындалган ички иштер министринин орун басары Нурбек Абдиев

ИИМ башчысынын орун басары Каниметов иштен кетип, ордуна Абдиев келди

(жаңыланган 12:38 04.04.2021)
Жаңы жетекчи ИИМдин Криминалдык милиция кызматынын башчысынын орун басары, кийин начальниги болуп иштеп келе жаткан. Ал 53 жашта.

БИШКЕК, 4-апр. — Sputnik. Ички иштер министринин орун басары Мирлан Каниметов ээлеген кызматынан бошотулуп, ордуна Нурбек Абдиев келди. Бул тууралуу ИИМдин маалымат кызматы кабарлады.

Тиешелүү буйрукка өкмөт башчы Улукбек Марипов кол койгон.

Бүгүн жаңы жетекчини министр Улан Ниязбеков борбордук аппараттын жеке курамына тааныштырып, ишине ийгиликтерди каалады.

Ал эми Каниметов өзүнүн берген арызынын негизинде жумушунан кеткен. Министрдин орун басары болуп 2018-жылдан тарта эмгектенип келе жаткан.

Нурбек Абдиев тууралуу эмне белгилүү

Милициянын полковниги Нурбек Абдиев 1968-жылы 4-августунда туулган. Кыргыз улуттук университетин юриспруденция адисти боюнча аяктаган.

Ички иштер органдарында 1999-жылдан бери кызмат өтөп келет. Эмгек жолун Чүй облусунун Ысык-Ата районунун ички иштер бөлүмүндө кылмыш иликтөөнүн ыкчам ыйгарым укуктуу өкүлү катары баштаган. Ал ыкчам ыйгарым укуктуу өкүл, улук ыкчам ыйгарым укуктуу өкүл, өзгөчө маанилүү иштер боюнча улук ыкчам ыйгарым укуктуу өкүл, милициянын айылдык бөлүмүнүн начальниги болуп иштеген.

Ар кандай жетекчилик кызмат орундарында эмгектенген:

  • Аламүдүн РИИБдин Кылмыш иликтөө бөлүмүнүн жетекчиси;
  • Чүй ОИИББдин Кылмыш иликтөө башкармалыгынын начальнигинин орун басары;
  • Чүй ОИИББдин Кылмыш иликтөө башкармалыгынын башчысы;
  • Бишкек ШИИББдин Кылмыш иликтөө башкармалыгынын начальнигинин орун басары, кийин жетекчи;
  • ИИМдин Криминалдык милиция кызматынын башчысынын орун басары, кийин кызматтын башчысы;
  • "Эрдик" мамлекеттик медалы жана бир катар сыйлыктарга ээ.
Белгилер:
Нурбек Абдиев, орун басар, кызмат, жетекчи, Мирлан Каниметов, ИИМ
Тема боюнча
Садыр Жапаров башкы прокурордун орун басарын алмаштырды
"Мекеним Кыргызстандын" лидери Мирлан Бакиров Маммүлктүн төрагасы болду
Сыймык Жапыкеев Ысык-Көл облусунун прокурору болуп дайындалды
Аскерлер. Архив

Чет өлкөдөн да окуса болот. Министрлик аскерлердин документтерин кабыл алууда

(жаңыланган 09:51 15.04.2021)
Министрлик аркылуу Россия, Казакстан, Кытай, Азербайжан, Түркия жана Индиядан окуп келүүгө мүмкүнчүлүк бар.

БИШКЕК, 15-апр. — Sputnik. Коргоо министрлигинде аскердик окуу жайларга тапшырууну каалаган абитуриенттердин документтерин кабыл алуу башталды. Бул тууралуу мекеменин маалымат кызматы кабарлады.

Документтер 20-майга чейин кабыл алынат.

Жоокер дүрбү менен карап жатат. Архив
© Фото / пресс-служба Министерства обороны КР
Аскердик окуу жайлардын тизмеси, бөлүнүп жаткан орундардын болжолдуу саны жана тапшыруу шарттары жөнүндө маалымат Коргоо министрлигинин сайтындагы "Билим берүү" деген бөлүмдө жайгаштырылган.

Студенттер онлайн-каттоодон өтүп, андан кийинки нускама боюнча иш алып барышы керек.

Өлкөдө Калыйнур Үсөнбаев атындагы Аскер институтунда, Кыргыз улуттук аскер лицейинде жоокерлер даярдалат. Мындан тышкары, министрлик аркылуу Россия, Казакстан, Кытай, Азербайжан, Түркия жана Индиядан окуп келсе болот.

Тема боюнча
Окуу жайлар жылына эки ирет абитуриент кабыл алат. Токтом өкмөттө каралууда
Бишкекте "Россиядан билим алуу" көргөзмөсү өтөт. Окуу жайлардын тизмеси
МГИМО кыргызстандык абитуриенттерди кабыл алат. Шарт-талабы
Аял ичин кармап жатат. Архив

Адис ашказан коронавирусу пайда болгонун айтып, белгилерин санап берди

Гастроэнтеролог вирус учурда адамдын алсыз жактарын издеп, дал ошол жерге таасир этүүгө аракет кыла баштаганын белгиледи.

БИШКЕК, 15-апр. — Sputnik. Акыркы учурда COVID-19дун ашказан жана ичеги-карынды ооруткан түрү көп кезиге баштады. Бул тууралуу Мечников атындагы медициналык университеттин гастроэнтерология кафедрасынын ассистенти, гастроэнтеролог Юлия Коковинага шилтеме берип РИА Новости жазды.

Анын айтымында, ашказаным ооруду деп кайрылгандарды текшере келгенде коронавируска антителосу бар экени аныкталууда.

"Болгону 1-2 күн ашказаны, ичеги-карыны ооруп жакшы болуп кеткенден кийин кайрылгандар бар. Дээрлик бардыгы өнөкөт гастритим козголду деп ойлошот. Сурасаң, коронавируска кабыла элегин айтышат. Бирок текшере келгенде COVID-19га антителосу бар экени аныкталат. Мындан улам учурда вирустун тамак сиңирүү системасына гана таасир эткен түрү пайда болду деп айтууга болот", — деди адис.

Күндүзгү стационардагы медицина кызматкери. Архив
© Фото / пресс-служба правительства / Алишер Алиев
Маалыматка караганда, ашказан коронавирусуна кабылган бейтаптар көбүнесе алы кетип, ичи толгоо тартып жаткансып бурап, жүрөгү айланганын айтууда.

Адистин пикиринде, вирус учурда адамдын алсыз жактарын издеп, дал ошол жерге таасир этүүгө аракет кыла баштады. Ал эми ашказан жана ичеги-карын оорулары учурда адамдардын 85 пайызында кездешет.

Белгилер:
адис, коронавирус, ичеги, ашказан
Тема боюнча
Бишкекте канча окуучу жана мугалимден коронавирус аныкталганы айтылды
"COVID-19 жок саякаттайм" тиркемесин колдонгондордун саны эки миңге жетти
Путин коронавируска каршы вакцинанын экинчи компонентин сайдырды
Өзбекстандын президенти Шавкат Мирзиёев. Архив

Мирзиёев бир нече аткаминерди иштен алып, айлыгын кайтарууну талап кылды

(жаңыланган 09:54 15.04.2021)
Мирзиёев жетекчилерге 100 миң жаш адисти окутуп, тажрыйбалуу кызматкерлердин катарына кошууну тапшырган. Бирок аткаминерлер буга көңүл кош мамиле кылгандыктан өлкө башчынын айтканы ойдогудай ишке ашкан эмес.

БИШКЕК, 15-апр. — Sputnik. Өзбекстандын президенти Шавкат Мирзиёев бир нече аткаминерди иштен кетирип, алардан мамлекеттик кызматта иштеп жүрүп алган айлыгын толугу менен кайтарып берүүсүн талап кылды. Бул тууралуу Sputnik Өзбекстан агенттиги жазды.

Окуя жаштарды иш менен камсыздоо маселесине арналган жыйын учурунда болду.

Президент ишине шалаакы мамиле кылгандыгы үчүн Фергана облусунун Фуркат районунун, Анжиян облусунун Улугнор районунун акимдерин жана Сурхандарья облусунун мэринин орун басарын кызматтан алды. Мындан тышкары, айрым райондордун прокурорлору, милиция, Салык кызматтарынын жетекчилери жана Соода-өндүрүш палаталарынын башчылары ишсиз калды.

Маалыматка караганда, мурда Мирзиёев жетекчилерге "1+1" программасынын алкагында 100 миң жаш адисти окутуп, тажрыйбалуу кызматкерлердин катарына кошуу тапшырмасын берген. Бирок аткаминерлер буга көңүл кош мамиле кылгандыктан өлкө башчынын талабы ойдогудай ишке ашкан эмес.

Белгилер:
маяна, аткаминер, Шавкат Мирзиеев, Өзбекстан
Тема боюнча
Путин коронавируска каршы вакцинанын экинчи компонентин сайдырды
550 млн. долларлык 60 долбоор. Кыргыз-өзбек министрлеринин жолугушуусу