Президент Садыр Жапаров Алай районунун Талды-Суу айылына көчүп келген этникалык кыргыздар менен жолугушу

Жапаров афган кыргыздарын кышка чейин көчүрүп келүү ниетин билдирди. Сүрөт

(жаңыланган 22:06 04.04.2021)
Жапаров көчүрүп келүү пландалып жаткан афгандык кыргыздар үчүн турак жай куруунун долбоору менен таанышып, жер тилкелерин тезинен трансформациялоо керектигин айткан.

БИШКЕК, 4-апр. — Sputnik. Президент Садыр Жапаров Алай районунун Талды-Суу айылына Афганистандын Улуу жана Кичи Памиринен көчүп келген этникалык кыргыздар менен жолугушту. Бул тууралуу өлкө башчынын маалымат кызматы кабарлады.

  • Президент КР Садыр Жапаров во время встречи с этническими кыргызами, переселившимися в село Талды-Суу Алайского района Ошской области. 04 апреля 2021 года
    Президент Садыр Жапаров Алай районунун Талды-Суу айылына Афганистандын Улуу жана Кичи Памиринен көчүп келген этникалык кыргыздар менен жолугушту
    © Пресс-служба президента КР / Султан Досалиев
  • Президент КР Садыр Жапаров во время встречи с этническими кыргызами, переселившимися в село Талды-Суу Алайского района Ошской области. 04 апреля 2021 года
    Эске салсак, Жапаров ушу тапта иш сапары менен түштүк жергесинде жүрөт
    © Пресс-служба президента КР / Султан Досалиев
  • Этнические кыргызы, переселившимися в село Талды-Суу Алайского района Ошской области во время встречи с президентом КР. 04 апреля 2021 года
    Өлкө башчы баарлашууда афган кыргыздарын ушул жылдын кыш мезгилине чейин мекенге көчүрүү ниетин айтып, бул үчүн мамлекетте жетиштүү күч жана каражат бар экенине ынандырды
    © Пресс-служба президента КР / Султан Досалиев
  • Президент КР Садыр Жапаров во время встречи с этническими кыргызами, переселившимися в село Талды-Суу Алайского района Ошской области. 04 апреля 2021 года
    Жапаров көчүрүп келүү пландалып жаткан афгандык кыргыздар үчүн турак жай куруунун долбоорун көрүп, жер тилкелерин тезинен трансформациялоо керектигин айткан
    © Пресс-служба президента КР / Султан Досалиев
  • Президент КР Садыр Жапаров во время встречи с этническими кыргызами, переселившимися в село Талды-Суу Алайского района Ошской области. 04 апреля 2021 года
    Ошондой эле конушка билим берүү жана социалдык мекемелердин курулушун белгилеген
    © Пресс-служба президента КР / Султан Досалиев
  • Этнические кыргызы, переселившимися в село Талды-Суу Алайского района Ошской области во время встречи с президентом КР. 04 апреля 2021 года
    Өз кезегинде боордоштор президенттен Памирге барып келүүну уюштурууну, жумуш менен камсыздоону, жаштарды окутууну жана жарандык алууну тездетип берүү сыяктуу өтүнүчтөрдү айтышты
    © Пресс-служба президента КР / Султан Досалиев
  • Этнические кыргызы, переселившимися в село Талды-Суу Алайского района Ошской области во время встречи с президентом КР. 04 апреля 2021 года
    Жапаров тиешелүү маселелер жакын арада чечилерин убадалаган
    © Пресс-служба президента КР / Султан Досалиев
1 / 7
© Пресс-служба президента КР / Султан Досалиев
Президент Садыр Жапаров Алай районунун Талды-Суу айылына Афганистандын Улуу жана Кичи Памиринен көчүп келген этникалык кыргыздар менен жолугушту

Эске салсак, Жапаров ушу тапта иш сапары менен түштүк жергесинде жүрөт.

"Памирлик кыргыздардын кыйынчылыктары мени дайыма тынчсыздандырып келет. Мен аларды тарыхый мекенине толугу менен көчүрүп келүүнү көптөн бери каалап келгем, эми ушул тилектеримди ишке ашырууга ниеттенип жатам", — деген президент.

Өлкө башчы баарлашууда афган кыргыздарын ушул жылдын кыш мезгилине чейин мекенге көчүрүү ниетин айтып, бул үчүн мамлекетте жетиштүү күч жана каражат бар экенине ынандырды.

Жапаров көчүрүп келүү пландалып жаткан афгандык кыргыздар үчүн турак жай куруунун долбоорун көрүп, жер тилкелерин тезинен трансформациялоо керектигин айткан. Ошондой эле конушка билим берүү жана социалдык мекемелердин курулушун белгилеген.

Өз кезегинде боордоштор президенттен Памирге барып келүүну уюштурууну, жумуш менен камсыздоону, жаштарды окутууну жана жарандык алууну тездетип берүү сыяктуу өтүнүчтөрдү айтышты. Жапаров тиешелүү маселелер жакын арада чечилерин убадалаган.

Эске салсак, мамлекет тарабынан Талды-Суу айылына 11 үй курулуп, аларга 17 үй-бүлө жайгаштырылган.

Белгилер:
маселе, жолугушуу, Садыр Жапаров, Памир, Алай району, Ош
Тема боюнча
Кыргызстан менен Афганистан Памир кыргыздарынын жашоосун жакшыртарын айтты
Жапаров Суваналиевге 1-класстагы мамлекеттик кеңешчи чинин тапшырды. Сүрөт
Премьер-министр Улукбек Марипов бүгүн авиабилеттерге бааны төмөндөтүү жана COVID-19 жок саякатта долбоорун ишке ашыруу маселеси боюнча кеңешме өткөргөн.

Марипов авиабилеттерди арзандатуу боюнча кеңешме өткөрүп, тапшырма берди

(жаңыланган 20:06 10.04.2021)
Өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгы айтылат.

БИШКЕК, 10-апр. — Sputnik. Бир катар мамлекеттик ведомстволордун чабал ишинин натыйжасында чет өлкөгө бараткан жарандарга негиздеме жасоо бизнеске айланды. Бул тууралуу премьер-министр Улукбек Марипов билдирди.

Ал бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.

  • Премьер-министр Кыргызской Республики Улукбек Марипов провел совещание по вопросу снижения цен на авиабилеты и реализации проекта Путешествий без COVID.
    Премьер-министр Улукбек Марипов бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов провел совещание по вопросу снижения цен на авиабилеты и реализации проекта Путешествий без COVID.
    Ошондой эле ал өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгын белгилеген.
    © Фото / Пресс-служба правительства / Алишер Алиев
1 / 2
© Фото / Пресс-служба правительства / Алишер Алиев
Премьер-министр Улукбек Марипов бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.
"Сиздердин аракетсиздигиңерден улам сапарга чыгууга муктаждыкты тастыктоочу "негиздеме" документти айрым ишкерлер бизнеске айлантып алды. Долбоорду 1-апрелден тарта ишке киргизишиңер керек эле. Биздин жарандар үчүн ЕАЭБ өлкөлөрүндө жүрүүгө мыкты мүмкүнчүлүк түзүлдү. Болгону ПЦР-анализ тапшырып, тийиштүү тиркемени көчүрүп алуу керек. Бирок эки лаборатория гана аталган анализди жасап, код бере алат. Эмне себептен лабораториялар аз камтылган?" — деп сурады Марипов.

Ошондой эле ал өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгын белгилеген.

Аны менен катар премьер-министр анализдерди тапшырууга мүмкүн болгон лабораториялардын жана авиакаттамдардын санын жогорулатуу боюнча сунуш киргизүүгө тапшырма берди.

Бул маселе өлкө башчынын жеке көзөмөлүндө тургандыгын кошумчалаган.

Белгилер:
лаборатория, арзандатуу, авиабилет, Улукбек Марипов, өкмөт
Тема боюнча
Кыргызстандын жарандары Россияга негиздемеси жок кириши мүмкүн
Жапаров: Россияга каттаган рейстер менен авиабилет баасын өз көзөмөлүмө алдым
Кыргызстандык балбан кыз Мээрим Жуманазарова. Архивдик сүрөт

Мээрим Жуманазарова Олимпиадага жолдомо ойнотулган мелдештен күмүш байге утту

(жаңыланган 19:41 10.04.2021)
Мээрим Жуманазарова алгачкы кармашында эле кытайлык кыз менен кез келип жеңилип калган болчу. Кийинки баскычтарда өзүнүн мыкты экенин көрсөтүп, финалдык баскычка жетти.

БИШКЕК, 10-апр. — Sputnik. Кыргызстандык балбан кыз Мээрим Жуманазарова Олимпиада оюндарына жолдомо ойнотулган мелдеште күмүш медаль утту. Казакстандын Алматы шаарында өтүп жаткан мелдештин жүрүшүн United World Wrestling (Дүйнөлүк күрөш уюму) уюмунун расмий сайты түз алып көрсөтүүдө.

68 килограмм салмакта күч сынашкан Мээрим Жуманазарова финалда кытайлык Фэн Чжоу менен таймашып, упай айырмасында жеңилип калды.

Кыргызстандык балбан кыз жарым финалда индиялык Ниша Нишаны 13:3 эсебинде, таза техникалык артыкчылык менен уткан. Ага чейин чейрек финалда казакстандык атаандашы Жамила Бакбергенованы 10:3 эсебинде жеңген.

Эскерте кетсек, мелдеш ушул күндөрү Казакстандын Алматы шаарында өтүп жатат. Турнирдин финалына чыккан атлеттерге Токио Олимпиадасына лицензия берилет.

Буга чейин 76 килограмм салмакта күрөшкөн Айпери Медет кызы бардык атаандаштарын утуп, чемпион болгон.

Ал эми 57 килограммда күрөшкөн Назира Марсбек кызы эки жолу удаасы менен жеңилип, байгелүү орун үчүн таймашуу укугунан четтеп калды.

Кечээ грек-рим балбандарынын арасында таймаш жүрүп, ата мекендик спортчулар Жоламан Шаршенбеков (60 килограмм), Акжол Махмудов (77 килограмм) жана Үзүр Жузупбеков Токио Олимпиадасына жолдомо алышкан.

Бүгүнкү күндө Кыргызстанда жалпысынан 12 лицензия болду. Буга чейин балбан Айсулуу Тыныбекова, Атабек Азисбеков, жөө күлүктөр Мария Коробицкая, Дарья Маслова жана Юлия Андреева, ошондой эле суучул Денис Петрашов жолдомо алышкан.

Белгилер:
финал, мелдеш, лицензия, олимпиада, Мээрим Жуманазарова, күрөш
Тема:
2021-жылы Токиодо өтө турган Олимпиада оюндары
Тема боюнча
Жеңилип, кайра өзүн колго алган Мээрим да Олимпиадага жолдомо утту. Видео
Сүйүнчү! Айпери каршылаштарын баш көтөртпөй жеңип, Олимпиадага жолдомо алды