Бишкека мэриясынын имараты. Архив

Билсеңиз кабарлаңыз. Мэрия кишилерге кол салган иттин ээсин издеп жатат

(жаңыланган 11:01 05.04.2021)
Бир нече күн мурда Бишкектин чок ортосунда ит кишилерге кол салган. Ал эми окуядан кийин качып кеткен ээсин милиция издеп жатат.

БИШКЕК, 5-апр. — Sputnik. Мэрия шаардыктарды мындан бир нече күн мурда кишиге кол салган ротвейлер тукумундагы иттин ээси туурасында кандай маалымат болсо да бөлүшүүнү суранды. Бул туурасында муниципалитеттин маалымат кызматынан кабарлашты.

Мындан бир нече күн мурда Абдрахманов — Токтогул көчөлөрүнүн кесилишинде иттин окуучу бала менен аялга кол салганы тартылып калган видео тараган. Көчөдө өтүп бара жаткандар баланы иттен араң куткарып калышкан. Милициянын маалыматы боюнча, окуя 1-апрель күнү болжол менен саат 19:00дө болгон. Ээси бул учурда ажыратуу үчүн итин каргынын жиби менен сабап жатканы видеодон көрүнүп турат. Баланын атасы бул боюнча милицияга арыз жазып, иш козголгон.

Кийинчерээк окуучу шаардагы балдар ооруканасына жаткырылганы белгилүү болду. Баланын буттарын ит тиштеп салган, бактыга жараша, азыр абалы канааттандырарлык экенин медиктер айтып беришти.

Бул окуядан улам Бишкектин вице-мэри Айжан Чыныбаева 4-апрелде жыйын өткөрүп, ага Бишкек прокуратурасынын, Свердлов райондук милициясынын өкүлдөрү, Санэпидкөзөмөл борборунун башкы дарыгеринин орун басары менен Ветеринардык коопсуздук боюнча шаардык инспекциянын жетекчисинин орун басары катышкан.

Иттин ээси туурасында маалымат болсо төмөнкү телефон номерлерине билдириш керек:

  • 102 — милиция;
  • (0500) 43-28-15 —Свердлов райондук милициясынын нөөмөт бөлүмү;
  • (0312) 37-01-73 — Ветеринардык жана фитосанитардык коопсуздук боюнча Бишкек шаардык инспекциясы.
  • Мэрия шаардагы ит кармагандарды эшикке сейилдетип алып чыкканда тумшук кап кийгизип жана кутурмага каршы эмдөөдөн өткөрүү зарылдыгын эскертет.
Белгилер:
эмдөө, кутурма, тиштөө, ит, Бишкек, Кыргызстан
Тема боюнча
Бишкекте ит кол салган баланын абалы айтылды
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар