Суу өчүрүү. Архив

Эртең Бишкектин айрым жерлеринде суу өчүрүлөт. Тизме

(жаңыланган 12:19 05.04.2021)
Саат 09:00дөн 19:00гө чейин Панфилов, Фрунзе көчөлөрү, Манас проспекти жана темир жолдун ортосундагы аймакта таза суу болбойт.

БИШКЕК, 5-апр. — Sputnik. 6-апрель күнү Бишкектеги "Тоголок Молдо" суу топтомо жайындагы ремонт иштерине байланыштуу таза суу өчүрүлөт. Бул тууралуу мэриядан билдиришти.

"Саат 09:00дөн 19.00гө чейин Панфилов, Фрунзе көчөлөрү, Манас проспекти жана темир жолдун ортосундагы аймакта таза суу болбойт", — деп айтылат бидирүүдө.

Суусуз калчу объектилер:

  • Россия элчилиги;
  • №70 мектеп-гимназиясы;
  • №6 төрөт үйү;
  • Бишкек техникалык колледжи;
  • №1 стоматологиялык бейтапкана;
  • Асаналиев атындагы Тоо-кен институту;
  • "Бета-Сторес 1" соода борбору;
  • Миррахимов атындагы Улуттук кардиология жана терапия борбору;
  • Ардагерлер бейтапканасы;
  • Улуттук госпиталь;
  • "Пром Проект" ААКсы;
  • Мамлекеттик салык кызматы;
  • "Кыргыз почтасы" ишканасы;
  • БУУ үйү;
  • Тез жардам кызматы;
  • Транспорт департаменти;
  • №47, №115, №184 бала бакчалар;
  • Кыргыз коммерциялык банкы;
  • "Россия" кинотеатры;
  • "Билим кенчи", "Абитуриент плюс" жеке мектептери;
  • "Территория SPA" салону;
  • "Алтын-Түйүн" балдар академиясы;
  • "Развивайка" билим берүү борбору;
  • "Карамель" кондитердик ишканасы;
  • "Тур – Азия" мейманканасы;
  • Абдраев атындагы музыкалык мектеп-интернат;
  • Бишкек медициналык колледжи (жатакана);
  • Шаардык кургак учукка каршы күрөшүү борбору;
  • Биринчи май районунун билим берүү борбору;
  • Insta salon сулуулук борбору;
  • "Тесто место" кафеси;
  • Эне жана баланы коргоо улуттук борбору;
  • "НейроАрт" диагностикалык борбору;
  • №3 милиция пункту;
  • "Малыш и Карлсон", "Аман" бала бакчалары;
  • Diplomat медициналык борбору;
  • "Караван" соода борбору;
  • Diva effect косметологиялык клиникасы;
  • "Поликлиника 312" медициналык борбору;
  • Bishkek Park соода борбору;
  • №11 Үй-бүлөлүк медицина борбору;
  • Словакия Республикасынын Ардактуу консулдугу;
  • КР президентинин коомдук кабылдамасы;
  • Профсоюздар федерациясы;
  • "Чебак-паб" кафеси;
  • Шаардык саламаттык сактоо борбору;
  • Президенттин иш башкармалыгына караштуу клиникалык оорукана;
  • КР Куралдуу күчтөрүнүн Генералдык штабы.

Бул аймактын жашоочулары суунун өчүрүлөрү тууралуу алдын ала маалымат алары айтылды.

Белгилер:
ремонт, суу, Бишкек
Тема боюнча
Уурдабагылачы?!. Мэрия шаардыктарга кайрылды
Бишкектеги аба-ырайы. Архивдик сүрөт

Жума күнүнө карата аба ырайы

23-апрелге караган түнү Чүй, Талас, Ысык-Көл облустарынын дыйканчылык аймактарында, Ош, Жалал-Абад, Баткен облустарынын тоо этектеринде үшүк жүрүшү күтүлөт.

БИШКЕК, 22-апр. — Sputnik. Жума күнү күндүз өлкө боюнча жаан-чачын күтүлбөйт. Бул тууралуу Кыргызгидромет билдирди.

Маалыматка ылайык, Кыргызстандын тоолуу райондорунда кар көчкү түшүшү мүмкүн. Батыштан соккон шамалдын ылдамдыгы секундасына 4-9 метрге жетиши күтүлөт.

Абанын температурасы Чүй, Талас облустарында +10…+15, Ош, Жалал-Абад, Баткен аймактарында +16…+21, Ысык-Көл, Нарын өрөөндөрүндө +6…+11 градус болот.

Күндүн табы Бишкекте +13…+15, Ош шаарында +16…+18 градус жылыйт.

Белгилер:
Кыргызстан, апрель, аба ырайы
Тема боюнча
Кыргызстандын аймактарына кар түштү. Видео жана сүрөттөр

Кыргызстанга "Спутник V" вакцинасы кантип жеткирилди. Видео

(жаңыланган 20:54 22.04.2021)
Кыргызстанга россиялык "Спутник V" вакцинасы жеткирилди. 20 миң доза жүктөлгөн учак эл аралык "Манас" аба майданына конду.

Вакцинаны тапшыруу аземине Россиянын Кыргызстандагы элчиси Николай Удовиченко, Кыргызстандын биринчи вице-премьери Артём Новиков жана саламаттык сактоо министри Алымкадыр Бейшеналиев катышты.

"Бүгүн биз "Спутник V" вакцинасын алдык. Бул препараттын эффективдүүлүгү 98 пайыз болгондуктан аны бүт дүйнө тааныды. Учурда "Спутник V" вакцинасына дүйнө жүзү боюнча талап күч. Биз 20 миң доза алдык, анын 15 миңин сатып алсак, калганы гумжардам катары берилди", — деди Бейшеналиев.

Россиянын Кыргызстандагы элчиси Николай Удовиченко вакцинаны жеткирүү көлөмү дагы көбөйтүлөрүн айтты.

"Бул партияны уюштуруу үчүн убакыт керек болду. Анткен менен вакцинаны өндүрүү көбөйтүлсө дагы да жеткирилет. Кыргызстан келерки күздү толук даярдык менен тосуп алат. Республика жалпы жонунан миллион доза алууну пландап жатат. Анын жарымы гумжардам катары берилет", — деди Удовиченко.

Ал эми биринчи вице-премьер Артём Новиков вакцина сатып алуу үчүн бюджетте ресурстар каралганын, мамлекет көлөмдү көбөйтүүгө даяр экенин белгиледи.

"Россия берген жүктүн жарымы гумжардам болуп эсептелет. Бул Кыргызстан менен Россиянын ортосундагы ишенимди, достукту жана стратегиялык өнөктөштүктү билдирет", — деди Новиков.

Саламаттык сактоо министрлигинин маалыматына караганда, биринчи партиянын бир дозасы 10 доллардан турду. 20 миң доза 10 миң кишиге жетет.

Белгилер:
Алымкадыр Бейшеналиев, Артем Новиков, Николай Удовиченко, Спутник V, вакцина, Россия, Кыргызстан
Тема:
"Спутник V" вакцинасы
Тема боюнча
Министр: COVID боюнча жаңы учурдун жарымы вирустун жаңы штаммы болуп чыкты
Дүкөндөгү кумшкекер. Архив

ЕЭК Кыргызстанга шекерди бажы алымысыз алып келип турууга уруксат берди

(жаңыланган 23:58 22.04.2021)
Тарифтик жеңилдик 15-майдан 30-сентябрга чейин болот. Натыйжада Кыргызстанга 40 миң тоннадан ашык кумшекер бажы алымы жок келет.

БИШКЕК, 22-апр. — Sputnik. Евразия экономикалык комиссиясынын кеңеши ЕАЭБ аймагына шекерди импорттоодо бажы алымды убактылуу алып турууну чечти. Бул тууралуу ЕЭКтин маалымат кызматы кабарлады.

Мындай чечим комиссиянын кеңешинин жыйынында кабыл алынган.

Тарифтик жеңилдик 2021-жылдын 15-майынан 30-сентябрына чейин болот. Арменияга 22,4 миң тонна, Казакстанга 134,4 миң тонна, Кыргызстанга 40 миң тонна, Россияга 350 тоннадан ашык эмес өлчөмдө ташылып келген кумшекер бажы алымынан бошотулат.

ЕЭК белгилегендей, комиссиянын кеңешинин чечими расмий жарыялангандан тартып 10 календардык күндө күчүнө кирет.

Эске сала кетсек, азыр ЕАЭБге кирбеген өлкөлөргө шекер ташуунун  бажы алымы тоннасына 340 долларды түзөт.

Белгилер:
импорт, Кумшекер, бажы, чечим, комиссия, ЕЭК, Евразиялык экономикалык биримдик
Тема:
ЕАЭБдеги Кыргызстан
Тема боюнча
Бишкекте азык-түлүк жарманкеси өтөт. Даректери
Кумшекер бир айда 7,2 пайызга кымбаттады. Жер-жерлердеги баалар