Кайгуул милиция кызматкерлери. Архив

Кайгуул милициясы 47 вакансияга сынак жарыялады. Шарт-талабы

(жаңыланган 13:32 05.04.2021)
Айрым кызмат орундарына ички иштер органдарында тажрыйбасы болуу керек деген талап коюлганы белгиленет.

БИШКЕК, 5-апр. — Sputnik. Бишкектин милициясынын Кайгуул кызматы башкармалыгына бош орундар үчүн сынак жарыяланды. Бул туурасында Жол кыймылы коопсуздугун камсыздоо башкы башкармалыгы кабарлады.

Маалыматта улук, орто жана кенже жетектөөчү курамга 47 вакансия бар экени айтылат. Айрым кызмат орундарына ички иштер органдарында тажрыйбасы болуу керек деген талап коюлганы белгиленет. Мисалы, бөлүм башчылыкка 10 жылдан кем эмес тажрыйбасы болушу керек. Сынактын талаптары менен кененирээк ИИМдин сайтынан тааныша аласыздар.

Улук жана орто жетектөөчү курамдагы бош орундар:

  • Укук колдонуу практика бөлүмүнүн начальниги – 1;
  • Издөө бөлүмүнүн улук инспектору – 1;
  • Уюштуруу – инспектордук бөлүмүнүн инспектору – 2;
  • Полктун саптык бөлүгүнүн 1-ротасынын командири – 1;
  • Полктун саптык бөлүгүнүн 5-ротасынын 1-туристтик взводунун улук инспектору – 3;
  • Полктун саптык бөлүгүнүн 5-ротасынын 2-туристтик взводунун улук инспектору – 2.

Кенже жетектөөчү курам:

  • Нөөмөт бөлүгүнө нөөмөткердин жардамчысы – 6;
  • Полктун СБ 1-ротасынын кенже инспектору – 4;
  • Полктун СБ 2-ротасынын кенже инспектору – 5;
  • Полктун СБ 3-ротасынын кенже инспектору – 6;
  • Полктун СБ 4-ротасынын кенже инспектору – 9;
  • Полктун СБ 5-ротасынын атчандар взводунун кенже инспектору – 7.

Кандай документтер талап кылынат:

  • талапкердин арызы;
  • паспорт, туулгандыгы тууралуу күбөлүк (көчүрмөсү);
  • никелешүү тууралуу күбөлүк (эгер никеде турса) (көчүрмөсү);
  • балдарынын туулгандыгы тууралуу күбөлүк (эгер балдары бар болсо) (көчүрмөсү);
  • аскердик билет (айымдар үчүн милдеттүү эмес) көчүрмөсү жана түп нускасы;
  • тиешелүү билимин, квалификациясын жана атайын билимин тастыктоочу документ (нотариалдык түрдө күбөлөндүрүлгөн);
  • өмүр баян - 2 нуска (кол жазма түрүндө жана басылган);
  • өмүр баяндык реферат (кол жазма түрүндө жана басылган);
  • толтурулган анкета;
  • А-А1, В-В1, С-С1 категориялары менен айдоочулук күбөлүгү;
  • сүрөт 9×12 (1 даана), 3×4 (4 даана), (көгүш фондо, классикалык кийим менен);
  • иштеген же окуган жеринен мүнөздөмө (мөөр басылган);
  • эмгек китепчеси;

Документтерди 30-апрелге чейин ЖКККББнын кадрлар бөлүмүнө тапшыруу шарт. Дареги: Бишкек шаары, Чокан Валиханов көчөсү, 1а. Кошумча маалымат алуу үчүн телефондор: (0312) 63-12-75 (кадрлар бөлүмү), 63-09-01 (нөөмөт бөлүмү).

Белгилер:
жумуш, конкурс, сынак, Кайгуул милициясы
Тема боюнча
Нарында жетекчилик кызматтагы бир нече адам аттестациядан өтпөй калды
Кара-Сууга аким болом деп 74 адам арыз берди
Каракол шаарында милициянын мобилдик топтору иштей баштады
Чыгыш таттуулары. Архив

Кайсы тамак-аш адамды өлүмгө эрте кептеши ыктымал? Окумуштуулардын ою

Илимпоздор Улуу Британияда майыптыкка жана өлүмгө жүрөк-кан тамыр оорулары себеп болорун белгилеп, бул дарт туура эмес тамактануудан келип чыгарын далилдешкен.

БИШКЕК, 23-апр. — Sputnik. Британиялык окумуштуулар бир катар азыктар жүрөк-кан тамыр ооруларынын өрчүү тобокелчилигине алып келерин анализдеп чыгышты. Бул тууралуу РИА Новости кабарлап, аталган азыктардын тизмесин жарыялады.

Изилдөөнүн жыйынтыгы боюнча, өлүмгө дуушар кылышы ыктымал деген азыктардын катарына шоколад, таттуу-тарапа, май, ак нан жана таттуу суусундуктар кирген.

Диетанын жүрөк-кан тамыр оорулары менен өлүм тобокелчилигине тийгизген таасирин аныктоо үчүн Оксфорд университетинин окумуштуулары Австралия, Кытайдагы кесиптештери менен атайын жүргүзүлгөн изилдөөлөрдү анализдеп чыгышкан.

Ал үчүн Улуу Британиядагы 37 жаштан 73 жашка чейинки 116 806 кишинин анализдери каралган. Илимпоздор жүрөк-кан тамыр оорулары менен өлүмгө кептей турчу тамактануу стилин экиге бөлүшкөн. Биринчиси — шоколад, кондитер азыктары, май, ак нан болсо, экинчиси — таттуу алкоголсуз суусундук, шоколад, конфет, май жана сыр.

"Биринчи диетаны көп учурда 60 жашка чейинки чылым чегип, спорт менен машыкпаган, ашыкча салмак жана гипертония менен жабыркаган эркектер колдонот. Мындай адамдардын 60 жаштан ашкан, бирок ашыкча салмагы жок, туура тамактанган кишилердикине салыштырмалуу жүрөк-кан тамыр оорусуна чалдыгуу тобокелчилиги жогору болот", — деп айтылат маалыматта.

Экинчи тамактануу стили көбүнчө аялдарга таандык экени маалым болду. Алар чылым чекпей, дайыма кыймылда болсо дагы организминде холестерин, ашыкча салмак жана гипертония болору белгиленген.

Окумуштуулар Улуу Британияда майыптыкка жана өлүмгө жүрөк-кан тамыр оорулары себеп болорун белгилеп, бул оорулары туура эмес тамактануудан келип чыгарын далилдешкен.

Белгилер:
анализ, туура тамактануу, салмак, оору, кан тамыр, жүрөк
Тема боюнча
Семиртпейт. Кеңседе отуруп иштегендер үчүн пайдалуу тамактар айтылды
Көк бөрү мелдеши. Архив

Жеңиш күнүнө арналган республикалык көк бөрү мелдеши Таласта өтөт

2-май күнү чүчү кулак тартылып, оюндар 3-майда башталат. Мелдеш Спорттун улуттук түрлөрү боюнча дирекциясы жана Улуттук көк бөрү федерациясы тарабынан уюшулууда.

БИШКЕК, 23-апр. — Sputnik. Улуу Жеңиш күнүнө арналган көк бөрү боюнча республикалык мелдеш Талас облусунда өтөт. Бул тууралуу өлкөнүн Улуттук көк бөрү федерациясы билдирди. https://www.instagram.com/p/CNsDV-YMxdM/

2-май күнү чүчү кулак тартылып, мелдеш 3-майда башталат.

"Улуу Жеңиш күнүнө арналган көк бөрү боюнча республикалык турнир 3-майдан 9-майга чейин Талас облусунун Райкан Алканов атындагы ат майданында өтөт. Командалардын катышуу боюнча арыздары 30-апрель күнү саат 17:30га чейин кабыл алынат", — деп айтылат маалыматта.

Мелдеш Спорттун улуттук түрлөрү боюнча дирекциясы жана Улуттук көк бөрү федерациясы тарабынан уюшулууда.

Белгилер:
Талас облусу, мелдеш, Көк бөрү, Улуу Жеңиш
Тема боюнча
1-май күнү Кыргызстанда эл аралык "Альпиниада – 2021" мелдеши өтөт