Россиядан билим алуу көргөзмөсү. Архив

Бишкекте "Россиядан билим алуу" көргөзмөсү өтөт. Окуу жайлардын тизмеси

Бишкекте жана Чүй облусунун шаарларында абитуриенттер менен жолугушуу болот. Аларга Россиядагы окуу жайлар боюнча маалымат берилет.

БИШКЕК, 5-апр. — Sputnik. 8-10-апрель аралыгында Касымалы Баялинов атындагы Республикалык балдар жана жаштар китепканасында жыл сайын өтүүчү "Россиядан билим алуу" көргөзмөсү өтөт. Бул тууралуу Россиянын Бишкектеги Илим жана маданият борборунан билдиришти.

Иш-чара эртең мененки саат 10:00дөн кечки 17:00гө чейин болот. Кирүү акысыз.

Көргөзмөнү "Москва классиктери" коомдук фонду Россотрудничествонун Кыргызстандагы өкүлчүлүгүнүн, Билим берүү жана илим министрлигинин, Бишкек мэриясынын Билим берүү башкармалыгынын жана Республикалык балдар жана жаштар китепканасынын колдоосу менен уюштурууда.

"Бишкекте, Токмокто, Кантта, Шопоковдо жана Кара-Балтада абитуриенттер менен жолугушуу болот. Анда билим берүү программалары, предметтик тестирлөөлөр боюнча презентация уюштурулуп, жогорку билим алуу боюнча консультация берилет", — деп айтылат маалыматта.

Көргөзмөгө катыша турган окуу жайлардын тизмеси:

  • Д. Ф. Устинов атындагы балтиялык мамлекеттик техникалык "Военмех" университети;
  • Грозный мамлекеттик мунай техникалык университети;
  • Ыраакы Чыгыш федералдык университети (Владивосток);
  • Казань федералдык университети;
  • Амурдагы комсомол мамлекеттик университети;
  • Марий мамлекеттик университети (Йошкар-Ола);
  • МИРЭА — россиялык технологиялык университет (Москва);
  • Москва автомобилдик-жол мамлекеттик техникалык университети;
  • Москва мамлекеттик тамак-аш өндүрүш университети;
  • Москва политехникалык университети;
  • Новосибирск мамлекеттик педагогикалык университети;
  • Поволжье мамлекеттик техникалык университети (Йошкар-Ола);
  • Оренбург мамлекеттик университети;
  • Сибирь Илим жана технология мамлекеттик университети (Красноярск);
  • А. К. Аммосов атындагы Түндүк-Чыгыш федералдык университети (Якутск);
  • Тольятти мамлекеттик университети;
  • Тынч океан мамлекеттик университети (Хабаровск);
  • Тюмень мамлекеттик университети;
  • Тюмень индустриалдык университети;
  • Урал мамлекеттик экономикалык университети (Екатеринбург);
  • Чита мамлекеттик медициналык академиясы;
  • Түштүк-батыш мамлекеттик университети (Курск).
Белгилер:
көргөзмө, абитуриент, Кыргызстан, Университет, Россия
Тема боюнча
Эшаров: Томск университети кыргызстандыктарды кабыл алууну баштады
Фуражка сотрудника милиции. Архивное фото

Айзада киши колдуу болгон жердин сүрөтүн жарыялаган 3 милиционер жазаланды

(жаңыланган 22:33 20.04.2021)
Анын ичинде кылмыш катталган жерге медициналык кол капты таштап салуу фактысы боюнча да иликтөө жүргүзүлгөн.

БИШКЕК, 20-апр. — Sputnik. Айзада Канатбекова киши колдуу болгон жердин сүрөтүн жарыялаган үч милиция кызматкери жазаланды. Бул тууралуу Чүй облустук милициянын маалымат кызматы билдирди.

Социалдык тармактарга тарап кеткен сүрөт, анын ичинде кылмыш катталган жерге ташталган медициналык кол каптар боюнча фактынын негизинде кызматтык иликтөө жүргүзүлгөн. Иликтөөнүн башкы максаты милдетин так аткарбай, көңүл кош мамиле жасаган кызматкерлерди жоопко тартуу болгон.

Ким кандай жаза алды:

  • Аламүдүн РИИБдин жоруктар жөнүндө иштер боюнча бөлүмүнүн кызматкери, милициянын лейтенанты А. Экеевге катуу сөгүш;
  • Аламүдүн РИИБдин криминалдык милиция кызматынын жетекчиси, милициянын майору К. Самаевге катуу сөгүш;
  • Аламүдүн РИИБдин Криминалдык топту коштоп жүрүүчү инспектор-криминалист, милициянын капитаны М. Янванчиновго кызматына дал келбестиги боюнча эскертүү.

Айзаданын өлүмү

5-апрель күнү эртең менен саат 7:00дөр чамасында Медеров жана Тыныстанов көчөлөрүнүн кесилишинен үч жаран 27 жаштагы кызды кызыл түстөгү автоунаага салып кеткен. https://sputnik.kg/incidents/20210406/1052029607/bishkek-kyz-ala-kachuu-militsiya.html Кыздын туугандары ошол эле күнү издеп баштап, Биринчи май райондук милицияга саат 7:30да кабарлашкан. Бирок издөө иштери кечеңдеп жатканына нааразы болуп, эртеси ЖМКларга кайрылышкан.

7-апрелде изделип жаткан автоунаа Бишкектин чет жагындагы Арашан менен Чокморов айылдарынын ортосунан табылган. Ал тууралуу милицияга жергиликтүү чабан кабар берген.

Автоунаанын ичинен киши колдуу болгон Айзада Канатбекованын жана 36 жаштагы кишинин бычакталган сөөгү табылган. https://sputnik.kg/incidents/20210407/1052037063/ala-kachuu-kyz-shektuu-olum.html Кызды ала качууга катыштыгы бар делип төрт шектүү кармалган.

Айзада Канатбекованын өлүмү боюнча кызматтык иликтөөнүн натыйжасында Бишкек ШИИБдин жана Биринчи май райондук милициясынын начальниктери баш болгон бир катар жетекчилер кызматтан алынган. https://sputnik.kg/society/20210410/1052066390/ajzadanyn-olumu-miliciya-kyzmatkeri-zhaza.html

Белгилер:
Айзада Канатбекова, жаза, сүрөт, өлүм, кызматкер, милиция, кылмыш
Аялдар кол чатыр менен жаан учурунда. Архив

Шаршембиге карата аба ырайы

21-апрелге караган түнү аба ырайы кескин өзгөрөт. Чүй, Талас, Ысык-Көл, Нарын облустарынын дыйканчылык аймактарында жаан карга айланары болжолдонду.

БИШКЕК, 20-апр. — Sputnik. Шаршембиде күндүз өлкөнүн көпчүлүк аймактарында мезгил-мезгили менен жаан жаашы мүмкүн. Бул тууралуу Кыргызгидромет билдирди.

Абанын температурасы Чүй облусунда +4…+9, Талас өрөөнүндө +3…+8, Ош, Жалал-Абад, Баткен, Ысык-Көл, Нарын аймактарында +9…+14 градусту көрсөтөт.

Бишкек жана Ош шаарларында мезгил-мезгили менен жаан жаайт. Күндүн табы борбордо +7…+9, Ош шаарында +9…+14 градус болот.

Белгилер:
Кыргызстан, апрель, аба ырайы
Тема боюнча
Түштүк аймакта сел жүрөт! ӨКМ шашылыш билдирүү таратты