Намаз учурунда кишилер. Архив

Быйылкы орозонун так датасы айтылды

(жаңыланган 16:29 05.04.2021)
Муфтият тараткан билдирүүдө Аалымдар кеңешинин №1 токтомунун негизинде орозо айынын биринчи күнү 13-апрелге белгиленген.

БИШКЕК, 5-апр. — Sputnik. Кыргызстан мусулмандар дин башкармалыгы орозонун так датасы белгиленгенин кабарлады.

Муфтият тараткан билдирүүдө, Аалымдар кеңешинин №1 токтомунун негизинде рамазан айынын биринчи күнү 13-апрелге белгиленген. Башкача айтканда, 13-апрелге караган таңда ооз бекитилет.

Муфтият быйыл Орозо айы 13 же 14-апрелге туш келерин айткан. Sputnik Кыргызстан агенттиги Орозонун календарын жарыялады.

Белгилер:
муфтият, рамазан, орозо
Тема:
Орозо-2021 (11)
Тема боюнча
Орозо кармагандар коронавируска каршы эмделсе болобу? Муфтияттын жообу

Кыргызстандыктардын жашоо минимуму 760 сомго жогорулады

Кабыл алынган жаңы Конституцияда пенсия, жөлөк пулдарды 2023-жылдан тарта жашоо минимумунан кем эмес төлөө кепилденген.

БИШКЕК, 14-апр. — Sputnik. Үстүбүздөгү жылдын I кварталында кыргызстандыктардын жашоо минимумунун көлөмү 13 пайызга көбөйүп, 5 840,40 сомду түздү. Бул туурасында Улуттук статистика комитети маалымдады.

Жашоо минимумунун эң жогорку көлөмү Бишкекте, Ош шаарында жана Ош облусунда байкалган.

Жашоо минимуму — бир жаран ушунча акча менен бир ай жанын бага алат дегенди түшүндүрөт.

Белгилей кетсек, кабыл алынган жаңы Конституцияда пенсия, жөлөк пулдарды жашоо минимумунан кем эмес төлөө кепилденген. Бул мыйзам 2023-жылдын 1-январынан тартып күчүнө кирет.

Белгилер:
статистика, өсүү, Кыргызстан
Медициналык маскачан кыз. Архив

Адамзат коронавирустун жеткен чегинде турат. ДССУ ааламдагы абал тууралуу

(жаңыланган 11:44 14.04.2021)
ДССУ башчысы Тедрос Адханом Гебрейесус коронавирус инфекциясын жуктургандар жети жумадан бери, андан көз жумгандар төрт аптадан бери көбөйүп жатканын айтты.

БИШКЕК, 14-апр. — Sputnik. Учурда адамзат коронавирустун жеткен чегинде турат. Бул тууралуу Дүйнөлүк саламаттык сактоо уюмунун (ДССУ) техникалык жетекчиси Мария Ван Керхове билдирди. Анын сүйлөгөнү Twitter тармагына жүктөлдү.

"Учурда биз пандемиянын оор мезгилин баштан кечирип турабыз. Эпидемиялык сызык өйдө көтөрүлүп баратат. Жети жумадан бери COVID-19дун өскөнү байкалууда. Өткөн жуманын ичинде 4,4 миллиондон ашык адамда оору аныкталган. Бул биз көздөгөн багыт эмес, ошондуктан ага олуттуу карашыбыз керек", — деген Керхове.

Ошол эле учурда ДССУ башчысы Тедрос Адханом Гебрейесус коронавирус инфекциясын жуктургандар жети жумадан бери, андан көз жумгандар төрт аптадан бери көбөйүп жатканын айткан. Ушул жылдын январь жана февраль айларында оорулуулар азайып калганын белгилеген.

Акыркы антирекорд Индияда коюлганын, сутка ичинде 170 миң кишиден вирус чыкканын айткан.

Жон Хопкинс университетинин маалыматы боюнча, дүйнөдө 136 миллиондон ашуун кишиден вирус чыгып, 2,9 миллион адам көз жумду. Оору көп аныкталган өлкөлөрдүн сап башында АКШ, Индия жана Бразилия турат.

Белгилер:
өлүм, оору, коронавирус, Бүткүл дүйнөлүк саламаттык сактоо уюму
Тема:
Дүйнөгө жайылган коронавирус
Тема боюнча
ДССУ мусулмандарды Орозо айында бир катар эрежелерди сактоого чакырды
Коронавирус психикалык ден соолукка кандай таасир этери аныкталды