Эстеликтеги гүлдөр. Архив

Белгилүү офтальмолог көз жумду. Ал COVID жуктуруп алган

(жаңыланган 13:37 06.04.2021)
Республикалык жугуштуу илдеттер ооруканасынын жетекчисинин айтымында, ал бир айдан бери стационарда дарыланып жаткан. Бүгүн кечинде өмүрү менен кош айтышты.

БИШКЕК, 5-апр. — Sputnik. Кыргызстандык белгилүү офтальмолог Михаил Медведев каза болду. Бул тууралуу маалыматты Sputnik Кыргызстан агенттигине Республикалык жугуштуу илдеттер ооруканасынын жетекчиси Гүлжигит Аалиев тастыктады.

Анын айтымында, дарыгер коронавирус диагнозу менен бир ай мурда ооруканага түшкөн.

"Өпкөсү жабыркаган, бирок акырындык менен калыбына келип жаткан эле. Эки-үч күндөн кийин чыгарабыз деп ойлогом. Тилекке каршы, оору кайрадан козголуп кетти”, — деди Аалиев.

Михаил Медведев 1957-жылы туулган, 40 жылдан ашуун өмүрүн офтальмология тармагына арнаган. Кыргызстандын эмгек сиңирген дарыгери наамына татыган. Даңк төш белгиси менен сыйланган.

Улуттук госпиталдын №2 көздүн микрохирургиясы бөлүмүн жетектеген.

Белгилер:
коронавирус, өлүм, дарыгер
Тема:
Кыргызстандагы коронавирус жуктуруп алгандар (1598)
Тема боюнча
ТИМ кызматкери коронавируска каршы вакцина алган соң көз жумганбы? Расмий жооп
Ооруканадагы дарылар

Коронавирус менен ооругандарга кайсы дарылар сунушталбайт. Жаңы протокол

(жаңыланган 16:12 20.04.2021)
Министрлик коронавирус менен күрөшүүдө препараттардын эффективдүүлүгү жана коопсуздугу далилденбегенин эскертти.

БИШКЕК, 20-апр. — Sputnik. Кыргызстанда коронавирус менен ооруган бейтаптарга кандай препараттар менен медикаменттерди берүүгө болбой турганы Саламаттык сактоо министрлигинин жаңы клиникалык протоколунда көрсөтүлгөн.

Эсеп боюнча бешинчи протокол 16-апрелде кабыл алынган. Ага "Ысык-Көл тамыры", башкача айтканда, аконит же уу коргошун кирген эмес.

Ооруканадагы дарыгер. Архив
© Пресс-служба президента КР / Султан Досалиев
Анткен менен протоколдо "COVID-19ду дарылоо үчүн сунуштар" деген бөлүм бар. Анын биринчи эле пунктунда коронавирус менен күрөшүүдө дарылардын эффективдүүлүгү жана коопсуздугу далилденбегени көрсөтүлгөн.

Дарылоо симптомдорго жараша жана бейтаптын башка ооруларын эске алуу менен жүргүзүлөт. Дарыгерлерге жеңил жана орточо оор формадагы бейтаптарга антибиотик берүү сунушталбайт.

Медицина кызматкерлерине натыйжалуулугу далилденбеген дары-дармек берүүгө катуу тыюу салынган. Андай препараттардын катарына умифеновир (арбидол), имидазолилпантонамид (ингавирин), эргоферон, интерферон альфа (интерферон, виферон), энисомия йодид (амизон, амизончик, нобезит), полиоксидоний, инозин жана башкалар бар. Ушул эле тизмеге мындан башка дексаметазон, преднизолон, гидрокортизон, теофиллин, эуфиллин, кальций хлорид, осельтамивир, занамавир кирген.

Кыргызстанга коронавирустук инфекцияга каршы эмдөөдө колдонуу үчүн 423 миң даана шприц жана пайдаланылган ийнелер жок кылынуучу 3 825 даана атайын кутуча келди
© Фото / представительство UNICEF в Кыргызстане
Эскертүү: теофиллин менен эуфиллиндин эффективдүүлүгү менен коопсуздугунда шек бар болгондуктан сунушталбайт. Ал эми глюкокортикостероиддер COVID-19дун оор формасына алып келиши мүмкүн.

Тизмеде эксперимент жана профилактика иретинде колдонулган препараттар дагы бар. Алар: хлорохин, гидроксихлорохин (азитромицин), лопинавир, ритонавир, ремдесивир, умифеновир, фавипиравир, интерферон.

Белгилер:
протокол, коронавирус, КР Саламаттык сактоо министрлиги, Кыргызстан
Тема:
Коронавируска байланыштуу Кыргызстандагы кырдаал
Тема боюнча
225 киши вирус жугузуп, эки бейтап көз жумду. Коронавирус статистикасы
Россияга барчулар ПЦР-тестти "COVID-19 жок саякаттайм" тиркемесинен көрсөтүшү шарт
БУУнун башкы катчысы Антонио Гутерриш. Архив

Гутерриш дүйнө туңгуюкка кептелгенин айтып, эл башчыларына сунуш берди

(жаңыланган 15:57 20.04.2021)
Эл аралык уюм былтыр токойлор өрттөнүп, кургакчылык болуп, суу ташкындап, ага кошумча мөңгүлөр эригенин айтып, климат ушул боюнча кете берсе дүйнө алапайын таппай каларын айткан.

БИШКЕК, 20-апр. — Sputnik. БУУнун башкы катчысы Антониу Гутерриш Reuters агенттигине берген маегинде дүйнө туңгуюкка кептелип баратканын билдирди.

Анын айтымында, Дүйнөлүк метеорологиялык уюм 2020-жылы токойлор өрттөнүп, кургакчылык болуп, суу ташкындап, ага кошумча мөңгүлөр эригени боюнча отчёт берген. Мындай көрүнүш тарыхта сейрек кездешери айтылат.

"Биз жоголуп кетүү коркунучунда турабыз. Тропикалык бороон-чапкындардын, глобалдык жылуулуктун кесепетинен муз менен мөңгүлөрдүн эриши, токой өртү боюнча рекорддук деңгээл байкалууда. Илимий коомчулук тарабынан аныкталган кооптуу 1,5 градуска жетебизби деп турам", — деген БУУ өкүлү.

Мындай жагдай климаттын кескин өзгөрүшүнөн ансыз да жапа чеккен миллиондогон адам үчүн бөтөнчө кыйынчылык жаратарын кошумчалаган.

Гутерриш дүйнө лидерлерин аталган документ менен таанышууга чакырып, жаратылыш кырсыктарын алдын алуу боюнча чараларды көрүүгө үндөдү.

Тема боюнча
БУУнун катчысы кансыз согуштун алдын алуу жолун айтты