Вакцина сайууга даярданып жаткан дарыгер. Архив

Изилдөө: кыргызстандыктардын 55%ы COVID-19га каршы эмделгиси келет

(жаңыланган 18:24 06.04.2021)
Изилдөөнүн алкагында жети облус менен эки ири шаар – Бишкек менен Оштун тургундарына (1000 киши) сурамжылоо жүргүзүлгөн.

БИШКЕК, 6-апр. — Sputnik. Кыргызстандын Саламаттык сактоо жана социалдык өнүктүрүү министрлиги Дүйнөлүк саламаттык сактоо уюму менен биргеликте Кыргызстандын жарандарынын COVID-19ду кабыл алуу боюнча жасаган изилдөөсү жарыяланды.

Маалыматтар компьютердик телефондук интервью жолу менен топтолгон. Изилдөөнүн алкагында жети облус менен Бишкек жана Ош шаарларынын тургундарына (1000 киши) сурамжылоо жүргүзүлгөн.

"Бул изилдөө биз үчүн маанилүү. Себеби анын жардамы менен жарандардын вакцина алууга канчалык даяр экенин биле алабыз", — деп билдирген ДССУнун Кыргызстандагы өкүлү Назира Артыкова.

Изилдөөнүн жыйынтыгы төмөнкүчө болгон:

  • Кыргызстандын калкынын 55 пайызы вакцина алууга толук даярдыгын же бир аз каалоосу бар экенин билдиришти;
  • Сурамжылоого катышкандардын жарымынан көбүрөөгү (52 пайыз) өздөрүн вакцина боюнча толук маалыматы бар адам катары эсептешсе, 54 пайызы вакцина боюнча сунуштарды түшүнүшөт;
  • Биринчи жана экинчи этапка салыштырмалуу жарандардын ден соолук жаатындагы билим деңгээли төмөндөгөн. Кыргызстан калкынын COVID-19 боюнча шек жаралганда эмне кылуу керектиги боюнча маалыматы 69 пайыздан 63 пайызга кыскарган. Ал эми тийиштүү маалыматты таба ала тургандардын саны 64 пайыздан 59га төмөндөгөн;
  • Респонденттердин жарымынан көбү жуктуруп алуу коркунучу төмөн же илдет жеңил формада өтөт деп эсептейт;
  • Бет кап тагынгандардын саны 79 пайыздан 75 пайызга, аралыкты сактоо 64 пайыздан 60ка кыскарган;
  • Респонденттердин көпчүлүгү ооруп калса үйлөрүндө отурбай, коомдук жайларга барышат (49 пайыздан 36 пайызга чейин);
  • Жарандардын 18 пайызы антибиотиктерди COVID-19ду профилактика кылуу үчүн же дарылануу максатында колдонгон.
Белгилер:
изилдөө, КР Саламаттык сактоо министрлиги
Тема:
Коронавируска каршы эмдөө (47)
Тема боюнча
COVID-19га каршы вакцина алмак болгон Мариповду медиктер токтотуп коюшту. Себеби
Россиядан сатып алчу "Спутник V" вакцинасы канча кишиге жетери айтылды
Премьер-министр Улукбек Марипов бүгүн авиабилеттерге бааны төмөндөтүү жана COVID-19 жок саякатта долбоорун ишке ашыруу маселеси боюнча кеңешме өткөргөн.

Марипов авиабилеттерди арзандатуу боюнча кеңешме өткөрүп, тапшырма берди

(жаңыланган 20:06 10.04.2021)
Өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгы айтылат.

БИШКЕК, 10-апр. — Sputnik. Бир катар мамлекеттик ведомстволордун чабал ишинин натыйжасында чет өлкөгө бараткан жарандарга негиздеме жасоо бизнеске айланды. Бул тууралуу премьер-министр Улукбек Марипов билдирди.

Ал бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.

  • Премьер-министр Кыргызской Республики Улукбек Марипов провел совещание по вопросу снижения цен на авиабилеты и реализации проекта Путешествий без COVID.
    Премьер-министр Улукбек Марипов бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.
    © Фото / Пресс-служба правительства / Алишер Алиев
  • Премьер-министр Кыргызской Республики Улукбек Марипов провел совещание по вопросу снижения цен на авиабилеты и реализации проекта Путешествий без COVID.
    Ошондой эле ал өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгын белгилеген.
    © Фото / Пресс-служба правительства / Алишер Алиев
1 / 2
© Фото / Пресс-служба правительства / Алишер Алиев
Премьер-министр Улукбек Марипов бүгүн авиабилеттерге бааны төмөндөтүү жана "COVID-19 жок саякатта" долбоорун ишке ашыруу маселеси боюнча кеңешме өткөргөн.
"Сиздердин аракетсиздигиңерден улам сапарга чыгууга муктаждыкты тастыктоочу "негиздеме" документти айрым ишкерлер бизнеске айлантып алды. Долбоорду 1-апрелден тарта ишке киргизишиңер керек эле. Биздин жарандар үчүн ЕАЭБ өлкөлөрүндө жүрүүгө мыкты мүмкүнчүлүк түзүлдү. Болгону ПЦР-анализ тапшырып, тийиштүү тиркемени көчүрүп алуу керек. Бирок эки лаборатория гана аталган анализди жасап, код бере алат. Эмне себептен лабораториялар аз камтылган?" — деп сурады Марипов.

Ошондой эле ал өкмөт авиабилеттерге бааны төмөндөтүү, авиакаттамдардын санын жогорулатуу боюнча бардык күчүн жумшап жаткандыгын белгилеген.

Аны менен катар премьер-министр анализдерди тапшырууга мүмкүн болгон лабораториялардын жана авиакаттамдардын санын жогорулатуу боюнча сунуш киргизүүгө тапшырма берди.

Бул маселе өлкө башчынын жеке көзөмөлүндө тургандыгын кошумчалаган.

Белгилер:
лаборатория, арзандатуу, авиабилет, Улукбек Марипов, өкмөт
Тема боюнча
Кыргызстандын жарандары Россияга негиздемеси жок кириши мүмкүн
Жапаров: Россияга каттаган рейстер менен авиабилет баасын өз көзөмөлүмө алдым
Кыргызстандык балбан кыз Мээрим Жуманазарова. Архивдик сүрөт

Мээрим Жуманазарова Олимпиадага жолдомо ойнотулган мелдештен күмүш байге утту

(жаңыланган 19:41 10.04.2021)
Мээрим Жуманазарова алгачкы кармашында эле кытайлык кыз менен кез келип жеңилип калган болчу. Кийинки баскычтарда өзүнүн мыкты экенин көрсөтүп, финалдык баскычка жетти.

БИШКЕК, 10-апр. — Sputnik. Кыргызстандык балбан кыз Мээрим Жуманазарова Олимпиада оюндарына жолдомо ойнотулган мелдеште күмүш медаль утту. Казакстандын Алматы шаарында өтүп жаткан мелдештин жүрүшүн United World Wrestling (Дүйнөлүк күрөш уюму) уюмунун расмий сайты түз алып көрсөтүүдө.

68 килограмм салмакта күч сынашкан Мээрим Жуманазарова финалда кытайлык Фэн Чжоу менен таймашып, упай айырмасында жеңилип калды.

Кыргызстандык балбан кыз жарым финалда индиялык Ниша Нишаны 13:3 эсебинде, таза техникалык артыкчылык менен уткан. Ага чейин чейрек финалда казакстандык атаандашы Жамила Бакбергенованы 10:3 эсебинде жеңген.

Эскерте кетсек, мелдеш ушул күндөрү Казакстандын Алматы шаарында өтүп жатат. Турнирдин финалына чыккан атлеттерге Токио Олимпиадасына лицензия берилет.

Буга чейин 76 килограмм салмакта күрөшкөн Айпери Медет кызы бардык атаандаштарын утуп, чемпион болгон.

Ал эми 57 килограммда күрөшкөн Назира Марсбек кызы эки жолу удаасы менен жеңилип, байгелүү орун үчүн таймашуу укугунан четтеп калды.

Кечээ грек-рим балбандарынын арасында таймаш жүрүп, ата мекендик спортчулар Жоламан Шаршенбеков (60 килограмм), Акжол Махмудов (77 килограмм) жана Үзүр Жузупбеков Токио Олимпиадасына жолдомо алышкан.

Бүгүнкү күндө Кыргызстанда жалпысынан 12 лицензия болду. Буга чейин балбан Айсулуу Тыныбекова, Атабек Азисбеков, жөө күлүктөр Мария Коробицкая, Дарья Маслова жана Юлия Андреева, ошондой эле суучул Денис Петрашов жолдомо алышкан.

Белгилер:
финал, мелдеш, лицензия, олимпиада, Мээрим Жуманазарова, күрөш
Тема:
2021-жылы Токиодо өтө турган Олимпиада оюндары
Тема боюнча
Жеңилип, кайра өзүн колго алган Мээрим да Олимпиадага жолдомо утту. Видео
Сүйүнчү! Айпери каршылаштарын баш көтөртпөй жеңип, Олимпиадага жолдомо алды