Бишкектен кыз ала качууга катыштыгы бар делген шектүүнүн бири кармалды

© Sputnik / Табылды КадырбековКишенделген адам. Архив
Кишенделген адам. Архив - Sputnik Кыргызстан, 1920, 07.04.2021
Жазылуу
Милиция бул ишке тиешеси бар делген дагы эки адамды издеп жатат. Колго түшүрүлгөн 29 жаштагы шектүү Бишкек ШИИБдин убактылуу кармоочу жайына киргизилген.
БИШКЕК, 7-апр.— Sputnik. Бишкектен кыз ала качууга катыштыгы бар деген шектүүнүн бири кармалды. Бул тууралуу Бишкек ШИИБдин маалымат кызматы кабарлады.
© Фото / пресс-служба ГУВД БишкекаБишкектен кыз ала качууга катыштыгы бар деген шектүүнүн бири
Один из подозреваемых в похищении девушки в Бишкеке - Sputnik Кыргызстан, 1920, 16.12.2021
Бишкектен кыз ала качууга катыштыгы бар деген шектүүнүн бири
Эске салсак, 5-апрель күнү эртең менен саат 7:30дар чамасында Медеров жана Тыныстанов көчөлөрүнүн кесилишинде үч бала 27 жаштагы кызды кызыл түстөгү унаага салып кеткен. Бул учур ошол жердеги кафенин видео байкоосуна тартылып калган. Бүгүн, 7-апрелде, милиция тарабынан изделип жаткан автоунаа Чүйдөгү Арашан менен Чокморов айылдарынын ортосунан табылган. Автоунаанын ичинен киши колдуу болгон кыздын жана 36 жаштагы кишинин бычакталган сөөгү табылган.
Караңгы бөлмөдө жоолукчан кыз ыйлап жатат. Иллюстративдик сүрөт - Sputnik Кыргызстан, 1920, 22.09.2020
Ала качуу фактысын көрсөңөр чалгыла! ИИМдин кайрылуусу
Милициянын ыкчам-тергөө тобу тарабынан кызды ала качууга катыштыгы бар деген адамдар изделип, жыйынтыгында 29 жаштагы Р.А. аттуу шектүү кармалган. Ал тергөө кызматына жеткирилип, Жазык-процесстик кодексинин 98-беренесинин негизинде Бишкек ШИИБдин убактылуу кармоочу жайына киргизилген.
Күч органдары учурда дагы эки шектүүнүн жүргөн жерин аныктап, кармоо боюнча ыкчам-издөө иш-аракеттери жүрүп жатканын билдирди.
Белгилей кетсек, кыздын туугандары аны 5-апрелде эле издеп башташкан. Биринчи май райондук милицияга арыз жазып, бирок издөө иштери кечеңдеп жатканына нааразы болушкан.
Жаңылыктар түрмөгү
0